1 Korint TÂ BÎLA NANI
TÂ BÎLA NANI
Korint sertska Pal mita bapan, bara trabil tara kum takan smalkanka bara daukanka nani tani ra.
Korint ba Grik tawanka tara kum kan, tasba aiska pulitikka bri kan bara pâwanka tara sin; diara raya nani manis bal taki kan, diara atkaia lâka manis kan, iwanka nani bri ba bara serts sâtka nani ba mita, natka saura ni banhwan kan; baku taiban lâka bara traika kaikan nani ba brih wan sa, kristian asla iwi ba pliska ra.
Lakula bîla ai natka ba kat, aihka kra lukma sakuna Korint sertska trabilka ba, Pal kaikisa tingki wiaia kau brisa, kan diara yamni bâra ba dukiara (1.1-9). Baha ningkara apastil ba dîa aisaia ba kat aisisa, Korint nani ra karna pali tar baiwan lâka takan ba mata (1.10—4.21).
Witin nani tilara rug lâka saura pali dauki kan, bara ai unsabanka lâka ba tasba wihta ra brih wisa, bara marit lâka ra dîa daukaia ba smalki kan (sapta 5—7). Idan lâka ba karnika tara wal kristian nani ra, sinska kat trabil nani brih balan, baha dukiara Pal mita tânka klir munisa lâ tânka kat (8.1—11.1).
Prias ra smalkanka bara serts rayaka ra diara bâra sa, tânka param marikaia, Spirit Holikira prisantka baku, bara Dawan tibilka lâka holikira baku sin (11.2—14.40).
Kasak lalukra nani ba, ai dahra wali kan aimawahki taukisa, Kraist pruan ba wina kli buan ba bara kristian nani tânka nani ba mita; bara Pal baha tânka kat smalki marikisa (sapta 15). Prakaia ra smalkisa lalah hilpka yaia, Judia kristianka nani ra, bara witin ai tânka bara dîa daukaia luki ba lilka sin aisisa. Sapta 13 ba nina yaban sa “latwan lâka lawana”.
Currently Selected:
1 Korint TÂ BÎLA NANI: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua