1 Korint 2
2
Kraist dus prihni ra saban bîla ba
1Sakuna muihki nani, man nani ra Gâd kasakka tânka yukukan ba aisi mai smalkaia balatna ba ra, bîla tihu nani bara sins tara ni sin baha ba aisaras katna. 2Kan man nani tilamra katna piua, diara wala kaikaia ai daukras kan, Jisas Kraist tânka baman, bara kau pali lika, witin dus prihni ra saban ba. 3Man nani tilamra balri piua, yang swapni kapri bara sibrin mita sin tatatwi katna;#Ap St 18.9. 4bamna sturi yamni ba man nani ra aisari bara smalkri ba ra, upla sinskira bîla nani baku ni kupiam nani alkaia lukras katna. Sakuna, Gâd Spiritka karnika ba wal kupiam nani alkatna. 5Baku bamna, man nani kasak lukan lâka brisma ba lika, Gâd karnika wina kata, upla sinska lâka wina lika apia.
Gâd ai Spiritka bâk ai tânka wan marikisa
6Ban sakuna, ai spiritka mapa ra aihwa pâwan nani ba ra, sins tara bîla nani ni aisi banhwisna. Sakuna sinska lâka na lika naha tasba dukia apia sa, naha tasba wihtka nani dukia sin apia, witinka nani naika mapa âpu pali tiwi banhbia ba. 7Sins lâka tânka aisisna na lika, Gâd sinska lâka dahra prakan ba dukiara sika, upla nani wina yukukan ba, kau tasba na paskras kaina wina Gâd bri ba, yawan wan prana dukiara. 8Naha tasba wihtka nani wina kumi sin sinska lâka na tânka briras kata. Witin nani tânka na brin kan sa kaka, Dawan pranakira ba dus prihni ra sabaia apia kan. 9Sakuna, Ulbanka ra wi ba baku:
“Witin ra latwan kaiki nani dukiara,
Gâd diara nani ridi daukan sa;
baha dukia nani ba kau upla kumi sin kulkras sa,
walras, bara luki pali sin kaikras.”#Ais 64.4; Ecl 1.10.
10Naha dukia nani sika Gâd ai Spiritka bâk, tânka nani wan marikan ba. Spirit lika diara sut turbi kaikisa, Gâd tânka nani tihu ba sin.
11¿Ya upla nani tilara bâra sa upla ai kupia ra diara luki ba kaikaia, baku natka ra sin Gâd Spiritka ba baman Gâd ra dîa bâra ba, upla ra spirit bâra ba baman lika kaikisa apia? 12Bara yawan na tasba spiritka briras sa; yawan lika Gâd mita blikan Spiritka ba brin sa, Gâd ai kupia yamnika mita diara nani wankan ba yawan tânka bribia wisi. 13Baku bamna, Gâd Spiritka yang nani ra ai smalkan bîla nani ni naha dukia nani aisisna, sinski lâka wina lan takri bîla nani wal lika apia. Bara baku, spirit dukia nani ba, witinka nani Spirit bri banhwi ba ra, tânka pain wi banhwisna.
14Spirit âpu uplika ba, Gâd Spiritka prisantka nani ba sip briras sa, kan witin mapa ra baha dukia nani sins âpu baku atia sa. Witin sin sip tânka briras, baha tânka nani ba Spirit ni tânka pliki kaikaia sa bamna. 15Sakuna Spirit bri uplika ba lika diara nani lâka ba tânka pliki kaikaia sip sa, bara upla kumi mita sin witin lâka sip daukras sa. 16Bamna Ulbanka ra wi ba baku: “¿Dawan kupia lukanka ba, ya tânka kaikan ki? ¿Ani uplika mita Gâd ra smalkaia sip sa ki?”#Ais 40.13; Ro 11.34. Ban sakuna, yawan lika Kraist lukanka ba brisa.
Currently Selected:
1 Korint 2: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua