Matay 23
23
maselru kana sinsi kana Sēsiyo zi na Palisay na trau
(Maruko 12.38-40; Luka 11.37-52; 20.45-47)
1marengay i Yēsu kana zinekalranan zi kanantu temakesi: 2<<na sinsi kana Sēsiyo zi na Palisay na trau kazu kanantu itiyakezir ni Mosē venavati pakapauwa kana kuret, 3iturusi nantu panadam nazu i inmu, mawmu amanan malruwalru kanantu paelrangan nazu; 'alrana arengayngayan nazu, 'azi kemakuda. 4nazu tu vetu'aw na kakuwalengan penazek na aluzun mu pasangalranay kanantu 'iyav za trau, mawmu 'azi mu muwai pahuwahu kana tatimus za sasaya mukuwa pulaelaka pakaatra'alr kanantu aluzunan zuma za trau i intaw. 5nazu nu kemakuda lra za eman mu mawna panana'u za trau peniya. milravatr kana ma'izang na inaavak kana Sēsiyo nazu, zi tremulretrulr ziya pakatatelraw kana pavilravilr na kavang; 6nazu misaharan i ngawayan kana semasaharan na kakayanan zi i waazukan ruma' i savakan na pakamelri na kakayanan; 7sahar kazu kana inukasakasayan za trau kisungal kimumalr za 'inavayan nazu, kivina za <sinsi> kema nazu. 8tatena' mu, pauwayanay mu 'azi mu kuwaanien kivina za <sinsi>; 'alrana maw mu na resan mapiya, mawmau a sasa nanmu <sinsi>. 9i inmu <ama> ikakuwa kana trau ziyan i punapunan, 'alrana mawmau a sasa nanmu <Temama> na kazu i itras.
10<<pauwayanay mu 'azi mu kuwaanien kivina za <sinsi>, 'alrana mawmau nanmu <sinsi> maw i Kiristo. 11kanmu i savakan i eman na maraayawayawan mu, i eman na utu pakarunan kanmu. 12na Viruwa i itras tu i pulusuwaw na matras na trau, zi tu i puitrasaw na muwai kemaira iluwasulusu na trau.>>
maselru kana kitu'inavanava na trau
(Maruko 12.40; Luka 11.39-42, 44; 20.47)
13<<i inmu na kitu'inavanava na sinsi kana Sēsiyo zi na Palisay na trau uwaelep mu za kuwatrengan lra! kazu mu i ngawayan kana trau 'emalrev kanantu 'alrevan na kanatal i itras, 'azi mu musavak i inmu, zi 'azi mu muwai pusavak kana maranger musavak na trau!#23.13 ulra pidaya na awatranan lulun puwayay za 14 vatras <<inmu na kitu'inavanava na siyansiyan Palisay na trau waelep mu za kakuwaatrengan lra! inmu kiyapusang kana inavangulr, 'emaraw kanantaw pinieman, zi kuzu mu kana trau i ngawayan pana'u za tatelaw i kiyanun, azi mu ka'azi kipasavung za marapakirekirev!>> (na'u kana Maruko 12.40 zi Luka 20.47)
15<<i inmu na kitu'inavanava na sinsi kana Sēsiyo zi na Palisay na trau uwaelep mu za kuwatrengan lra! mawili za marangeran kemezeng za sasa trau papusavak za kiyo, 'azi mu mataraeman zi paketrepay kemakawang makaiyaiyan, mengarangara kantaw za palru mareveliyas kiputatena' lra, mawmu mu dawayaw i intaw za marakuwatreng lra kanmu, marakirepa'uwa lra kanmu kipasavung i zikok.
16<<i inmu na kamani na mavutri' na kemakezeng uwaelep mu za kuwatrengan lra! marengay mu za: <nu ulra a trau temuzu' kana vangesar ruma' putani za ngay mu, karuwa ta za 'azi tematena' kema; nu temuzu' kana vangesar ruma' i savak na kim putani za ngay mu, 'azika'azi miturus.> 17i inmu nanni na mavutri' zi na mapungaw! talrama ta ziya kiyumalr maw na kim na pazangal aulra nay? nu 'azi mu maw na pakavangesar kana kim na vangesar ruma' za pazangal aulra nay? 18marengay mu ziya: <anu ulra a trau temuzu' kana patavangan putani za ngay, karuwa ta 'azi tematena'; anu temuzu' kana ipatavang putani za ngay mu, 'azika'azi miturus.> 19i inmu nanni na mavutri' a! mawna ipatavang na marapazangal nay? nu 'azi mu mawna pakavangesar kana ipatavang na patavangan na marapazangal nay? 20kalrazam, na trau nu temuzu' kana patavangan putani za ngay mu mawna temuzu' putani za ngay kana patavangan zi na ipatavang ziya; 21temuzu' kana vangesar ruma' putani za ngay mu mawna temuzu' putani za ngay kana vangesar ruma' zi na kazu i savak na Viruwa i itras; 22temuzu' putani za ngay kana lingetr mu mawna temuzu' putani za ngay kana Viruwa i itras kanantu pazangal na kakayanan zi na kemayan i itras na Viruwa.
23<<i inmu na kitu'inavanava na sinsi kana Sēsiyo zi na Palisay na trau uwaelep mu za kuwatrengan lra! i inmu arusay na zazaul na pakaulringulr, kamawan kana hakka, tahoēsiyang, koming zi na zuma mu sunanay za saya kana pinakamuketrep veray kana Viruwa i itras, mawmu na kuret tatena' pazangal tu panadam mu, kamawan kana patezelran, lramanan, tematena', muveliyas mu 'azi miyaturus. nanni na pazangal na panadam mu mawna 'azika'azi miturus i inmu, kema ta kana zuma mu, kemazu 'azi ta 'azi milingaw. 24na mavutri' na kemakezeng a, temeres mu pupana kemay kana 'a'awan za saya kengkeng, mawmu mu lamedukaw a saya na rakuda!
25<<i inmu na kitu'inavanava na sinsi kana Sēsiyo zi na Palisay na trau uwaelep mu za kuwatrengan lra! na takilr zi na sara mu lrisaway kemirungetr i panayan, mawmu i savakan inavak matemuy za alengatran zi maulrang. 26na mavutri' na Palisay na trau a! piyanguwayanu melrisaw na takilr i savakan, zi uwakirungetr lra i panayan.
27<<i inmu na kitu'inavanava na sinsi kana Sēsiyo zi na Palisay na trau uwaelep mu za kuwatrengan lra! kamawan mu kana pinakavekal i panayan na trevelran, vulay i panayan, mawmu i savakan maw a ukaukak na minatray na trau zi na matupa' na eman. 28mararesan, na'uway makapanayan salaw mu patezelr, mawmu i anger inavak matemuy za vetra' zi kuwatrengan.>>
putralri marengay uri kipasavung nazu
(Luka 11.47-51)
29<<i inmu na kitu'inavanava na sinsi kana Sēsiyo zi na Palisay na trau uwaelep mu za kuwatrengan lra! mu vulasay parahan za trevelran kana patralritralri, temulre'ay mu tu trevelran kana 'iyanavayan tu paelrangan na trau, 30pawnung marengay: <nu kazu mi vaaw tu ziday kana temuwamuwan mu, ka'azi'aziyan mi kamawan kanazu kemazu za pinatray kana patralritralri.> 31kurena'uwan mu za pakanumau mu lra i inmu mawna temuwan kanazu na pinatray kana patralritralri! 32uwa pakirungetri kemakuda i inmu, pasekazu kemipiya kananmu temuwamuwan tu paelrangan na malemu a! 33na mipadawak na unan zi na mipadawak na unan tu temuwan a! kuwadakuda mu penusar kana pasavung i zikok awa? 34kingeri i inmu a, pakarun ku kana patralritralri, na misayhuwan na trau, zi na sinsi pazuwa kanmu i kani, ulra na kipinatray kanmu, ulra na kitrehetreh kanmu i ziyuzika, ulra na kazu i kananmu waazukan ruma' kilrepit, kemay kana kinazuwan kiverelrang mukuwa i saninin za kinazuwan. 35kemani mu, peniya na pasasavung pinatray kana 'azi mipamelriyan na trau tu pasavung mu auwa kanmu -- mawna kemay kani Abēl na 'azi mipamelriyan, palru za kazu mu kana vangesar ruma' zi kana patavangan i savak nanmu pininatray na alrak ni Barakiya i Zakaliya tu dara' na kiyam zi paziyaazi. 36penatezelra ku marengay kanmu, nanni na pasavungan peniya auwa kanini na ziday na trau.>>
muramawan kana Yērusalem trematrangis
(Luka 13.34-35)
37<<Yērusalem a, Yērusalem a, pinatray u lra kana patralritralri, zi melak u ziya za varasa' pinatray kana Viruwa i itras kanantu ipazuwa kanmu i kani na pakarunan! parepidapidan ku i'elaw kanannu lralrak, kamawan kana taina na terukuk tu kepekepaw puwazuk na siyusiyuwan kanantu pakepak i makalusu. mawmu 'azi mu muwai! 38na'uwi lra mu, nanmu vangesar ruma' uri kaiyaniyan za trau utu alalas lra. 39marengay ku kanmu, kemay harem 'azi mu lra nana'u kaninku, palru za kema mu marengay: <kiyalriman kana Viruwa i itras veray za ka'inavayan kana pakalrang za ngadan ni Luzu zi zuwa i izu na sasa!> >>
Currently Selected:
Matay 23: TPN
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2023
Matay 23
23
maselru kana sinsi kana Sēsiyo zi na Palisay na trau
(Maruko 12.38-40; Luka 11.37-52; 20.45-47)
1marengay i Yēsu kana zinekalranan zi kanantu temakesi: 2<<na sinsi kana Sēsiyo zi na Palisay na trau kazu kanantu itiyakezir ni Mosē venavati pakapauwa kana kuret, 3iturusi nantu panadam nazu i inmu, mawmu amanan malruwalru kanantu paelrangan nazu; 'alrana arengayngayan nazu, 'azi kemakuda. 4nazu tu vetu'aw na kakuwalengan penazek na aluzun mu pasangalranay kanantu 'iyav za trau, mawmu 'azi mu muwai pahuwahu kana tatimus za sasaya mukuwa pulaelaka pakaatra'alr kanantu aluzunan zuma za trau i intaw. 5nazu nu kemakuda lra za eman mu mawna panana'u za trau peniya. milravatr kana ma'izang na inaavak kana Sēsiyo nazu, zi tremulretrulr ziya pakatatelraw kana pavilravilr na kavang; 6nazu misaharan i ngawayan kana semasaharan na kakayanan zi i waazukan ruma' i savakan na pakamelri na kakayanan; 7sahar kazu kana inukasakasayan za trau kisungal kimumalr za 'inavayan nazu, kivina za <sinsi> kema nazu. 8tatena' mu, pauwayanay mu 'azi mu kuwaanien kivina za <sinsi>; 'alrana maw mu na resan mapiya, mawmau a sasa nanmu <sinsi>. 9i inmu <ama> ikakuwa kana trau ziyan i punapunan, 'alrana mawmau a sasa nanmu <Temama> na kazu i itras.
10<<pauwayanay mu 'azi mu kuwaanien kivina za <sinsi>, 'alrana mawmau nanmu <sinsi> maw i Kiristo. 11kanmu i savakan i eman na maraayawayawan mu, i eman na utu pakarunan kanmu. 12na Viruwa i itras tu i pulusuwaw na matras na trau, zi tu i puitrasaw na muwai kemaira iluwasulusu na trau.>>
maselru kana kitu'inavanava na trau
(Maruko 12.40; Luka 11.39-42, 44; 20.47)
13<<i inmu na kitu'inavanava na sinsi kana Sēsiyo zi na Palisay na trau uwaelep mu za kuwatrengan lra! kazu mu i ngawayan kana trau 'emalrev kanantu 'alrevan na kanatal i itras, 'azi mu musavak i inmu, zi 'azi mu muwai pusavak kana maranger musavak na trau!#23.13 ulra pidaya na awatranan lulun puwayay za 14 vatras <<inmu na kitu'inavanava na siyansiyan Palisay na trau waelep mu za kakuwaatrengan lra! inmu kiyapusang kana inavangulr, 'emaraw kanantaw pinieman, zi kuzu mu kana trau i ngawayan pana'u za tatelaw i kiyanun, azi mu ka'azi kipasavung za marapakirekirev!>> (na'u kana Maruko 12.40 zi Luka 20.47)
15<<i inmu na kitu'inavanava na sinsi kana Sēsiyo zi na Palisay na trau uwaelep mu za kuwatrengan lra! mawili za marangeran kemezeng za sasa trau papusavak za kiyo, 'azi mu mataraeman zi paketrepay kemakawang makaiyaiyan, mengarangara kantaw za palru mareveliyas kiputatena' lra, mawmu mu dawayaw i intaw za marakuwatreng lra kanmu, marakirepa'uwa lra kanmu kipasavung i zikok.
16<<i inmu na kamani na mavutri' na kemakezeng uwaelep mu za kuwatrengan lra! marengay mu za: <nu ulra a trau temuzu' kana vangesar ruma' putani za ngay mu, karuwa ta za 'azi tematena' kema; nu temuzu' kana vangesar ruma' i savak na kim putani za ngay mu, 'azika'azi miturus.> 17i inmu nanni na mavutri' zi na mapungaw! talrama ta ziya kiyumalr maw na kim na pazangal aulra nay? nu 'azi mu maw na pakavangesar kana kim na vangesar ruma' za pazangal aulra nay? 18marengay mu ziya: <anu ulra a trau temuzu' kana patavangan putani za ngay, karuwa ta 'azi tematena'; anu temuzu' kana ipatavang putani za ngay mu, 'azika'azi miturus.> 19i inmu nanni na mavutri' a! mawna ipatavang na marapazangal nay? nu 'azi mu mawna pakavangesar kana ipatavang na patavangan na marapazangal nay? 20kalrazam, na trau nu temuzu' kana patavangan putani za ngay mu mawna temuzu' putani za ngay kana patavangan zi na ipatavang ziya; 21temuzu' kana vangesar ruma' putani za ngay mu mawna temuzu' putani za ngay kana vangesar ruma' zi na kazu i savak na Viruwa i itras; 22temuzu' putani za ngay kana lingetr mu mawna temuzu' putani za ngay kana Viruwa i itras kanantu pazangal na kakayanan zi na kemayan i itras na Viruwa.
23<<i inmu na kitu'inavanava na sinsi kana Sēsiyo zi na Palisay na trau uwaelep mu za kuwatrengan lra! i inmu arusay na zazaul na pakaulringulr, kamawan kana hakka, tahoēsiyang, koming zi na zuma mu sunanay za saya kana pinakamuketrep veray kana Viruwa i itras, mawmu na kuret tatena' pazangal tu panadam mu, kamawan kana patezelran, lramanan, tematena', muveliyas mu 'azi miyaturus. nanni na pazangal na panadam mu mawna 'azika'azi miturus i inmu, kema ta kana zuma mu, kemazu 'azi ta 'azi milingaw. 24na mavutri' na kemakezeng a, temeres mu pupana kemay kana 'a'awan za saya kengkeng, mawmu mu lamedukaw a saya na rakuda!
25<<i inmu na kitu'inavanava na sinsi kana Sēsiyo zi na Palisay na trau uwaelep mu za kuwatrengan lra! na takilr zi na sara mu lrisaway kemirungetr i panayan, mawmu i savakan inavak matemuy za alengatran zi maulrang. 26na mavutri' na Palisay na trau a! piyanguwayanu melrisaw na takilr i savakan, zi uwakirungetr lra i panayan.
27<<i inmu na kitu'inavanava na sinsi kana Sēsiyo zi na Palisay na trau uwaelep mu za kuwatrengan lra! kamawan mu kana pinakavekal i panayan na trevelran, vulay i panayan, mawmu i savakan maw a ukaukak na minatray na trau zi na matupa' na eman. 28mararesan, na'uway makapanayan salaw mu patezelr, mawmu i anger inavak matemuy za vetra' zi kuwatrengan.>>
putralri marengay uri kipasavung nazu
(Luka 11.47-51)
29<<i inmu na kitu'inavanava na sinsi kana Sēsiyo zi na Palisay na trau uwaelep mu za kuwatrengan lra! mu vulasay parahan za trevelran kana patralritralri, temulre'ay mu tu trevelran kana 'iyanavayan tu paelrangan na trau, 30pawnung marengay: <nu kazu mi vaaw tu ziday kana temuwamuwan mu, ka'azi'aziyan mi kamawan kanazu kemazu za pinatray kana patralritralri.> 31kurena'uwan mu za pakanumau mu lra i inmu mawna temuwan kanazu na pinatray kana patralritralri! 32uwa pakirungetri kemakuda i inmu, pasekazu kemipiya kananmu temuwamuwan tu paelrangan na malemu a! 33na mipadawak na unan zi na mipadawak na unan tu temuwan a! kuwadakuda mu penusar kana pasavung i zikok awa? 34kingeri i inmu a, pakarun ku kana patralritralri, na misayhuwan na trau, zi na sinsi pazuwa kanmu i kani, ulra na kipinatray kanmu, ulra na kitrehetreh kanmu i ziyuzika, ulra na kazu i kananmu waazukan ruma' kilrepit, kemay kana kinazuwan kiverelrang mukuwa i saninin za kinazuwan. 35kemani mu, peniya na pasasavung pinatray kana 'azi mipamelriyan na trau tu pasavung mu auwa kanmu -- mawna kemay kani Abēl na 'azi mipamelriyan, palru za kazu mu kana vangesar ruma' zi kana patavangan i savak nanmu pininatray na alrak ni Barakiya i Zakaliya tu dara' na kiyam zi paziyaazi. 36penatezelra ku marengay kanmu, nanni na pasavungan peniya auwa kanini na ziday na trau.>>
muramawan kana Yērusalem trematrangis
(Luka 13.34-35)
37<<Yērusalem a, Yērusalem a, pinatray u lra kana patralritralri, zi melak u ziya za varasa' pinatray kana Viruwa i itras kanantu ipazuwa kanmu i kani na pakarunan! parepidapidan ku i'elaw kanannu lralrak, kamawan kana taina na terukuk tu kepekepaw puwazuk na siyusiyuwan kanantu pakepak i makalusu. mawmu 'azi mu muwai! 38na'uwi lra mu, nanmu vangesar ruma' uri kaiyaniyan za trau utu alalas lra. 39marengay ku kanmu, kemay harem 'azi mu lra nana'u kaninku, palru za kema mu marengay: <kiyalriman kana Viruwa i itras veray za ka'inavayan kana pakalrang za ngadan ni Luzu zi zuwa i izu na sasa!> >>
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2023