Yohanē 18
18
i Yēsu ki 'evang
(Matay 26.47-56; Maruko 14.43-50; Luka 22.47-53)
1kemani kiyanun i Yēsu mu, salrangan kana temakesi mupatraran, melavat lra i Kēdēron verelruwan. ulra a 'uma i kazu, i Yēsu zi na temakesi musavak. 2na meniwan kani Yēsu i Yoda malrazam kana kazuwan i kazu, 'alrana i Yēsu zi tu temakesi marayas muwazuk i kazu. 3i Yoda milralrang kana saya sevang na Roma hiday, marelrang kana ma'izang na rahan zi na Palisay na trau tu i pakarun kana ki'alra'alra kana vangesar ruma' zi musavak i 'uma. miinurung za buki nazu, zi midinikesan za lrawlraw zi za 'ilay. 4malrazam i Yēsu uri wavasuk kantu zazek na lremak peniya, semeneng mungawayan kiyumalr kanazu: <<maaya' mu kani eman?>>
5temuvang nazu: <<i Nazalē na trau i Yēsu.>>
marengay i Yēsu: <<maw inku.>>
a azu, na meniwan kani Yēsu i Yoda kurekasa kanazu matikezir. 6marengay i Yēsu <<maw inku>>, mulikulikuz nazu, murareve' i dare'. 7masalr kiyumalr i Yēsu: <<maaya' mu kani eman?>>
temuvang nazu: <<i Nazalē na trau i Yēsu.>>
8marengay i Yēsu: <<marengay ku lra kanmu, maw inku. nu maw inku nanmu inaaya', zi puveruku nanni na trau.>> 9i Yēsu kemani marengay mu, penauwa pula'esi lra kanantu nirengayan a aziyu ziyan na ngay: <<Ama a, nu iveray kaninku na trau, 'azi ku para'atelri za sasa.>>
10i Simon Pētēro murung za tazaw; penetrus i intaw, veneresa kana kuli na tinuma'izang na rahan i Malukos, veresayaw putani tu tralinga na tarawalran. 11i Yēsu marengay kani Pētēro: <<lrasezu na tazaw! 'azi wawai tremekel kanantu iveray ni Amalri na 'apelrin na takilr kema u kaninku ziyamaw?>>
kazu i ngawayan kani Anas
12izu na sasevangan na Roma hiday zi kanantu ma'izang, mukasa kana ki'alra'alra i vangesar ruma' na Yodaya na trau 'emevang kani Yēsu, zi dadikusaw, 13tu urungaw i ngawayan kani Anas; i Anas maw tu inusavakan i temamataw ni Kayafa na tinuma'izang na rahan a azu kana 'ami. 14ini Kayafa marengay lra kanantu yawan i Yodaya na trau pupana za ngay, papinatrayaw a sasa trau paruveli kana zinekalranan mawna mara'inava saya na lremak.
'azi pakanumaw kani Yēsu i Pētēro
(Matay 26.69-70; Maruko 14.66-68; Luka 22.55-57)
15i Simon Pētēro zi a sasa temakesi kurelrang kani Yēsu; izu na temakesi mu nintaw kinalrazam na tinuma'izang na rahan, semeneng miturus kani Yēsu mukuwa i vavalu kana tinuma'izang na rahan. 16i Pētēro muvilin i patraran kana sulray. tu kinalrazam na tinuma'izang na rahan na temakesi zi masalr mupatraran, marengay kana menana'u i sulray na vavayan, zi tu arelrayaw i Pētēro musavak. 17na menana'u i sulray na vavayan temuzu' kani Pētēro, marengay; <<amelri u nintaw temakesi niziyu na trau ziyamaw?>>
marengay i Pētēro: <<amelri i inku!>>
18a azu aretiz na wari, purevu nazu na pakarunan zi na ki'alra'alra, tikakeziran kuwaridu mapiya; mungawayan i Pētēro, mukasa kanazu matikezir kuwaridu.
kiumaumalr kani Yēsu na tinuma'izang na rahan
(Matay 26.59-66; Maruko 14.55-64; Luka 22.66-71)
19kiyumaumalr kani Yēsu na tinuma'izang na rahan za kireeman kanantu temakesi zi tu i panadam na lremak elra. 20temuvang i Yēsu: <<nu marengay ku kana trau i waazukan kemazu. marayas ku kazu i waazukan ruma' na Yodaya na trau zi kana vangesar ruma' panadam za trau, zi kana vangesar ruma', zi 'azi ku ziyan mulrek marengay za eman. 21kemuda zi kiyumaumalr u kaninku? uwa kiyumalri na kinger ziyan ku vinavatiyan na trau mu, malrazam za marengay ku za eman nazu.>>
22marengay kanini na ngay i Yēsu, na ki'alra'alra i trapingiran semelretra' kantaw, marengay: <<malemu u temuvang kana tinuma'izang na rahan!>>
23marengay i Yēsu: <<nu pamelri ku marengay mu, pakirungetri pupana ku pamelriyan i inu; nu pamaw na nirengay mu, kemuda zi semelretra' u kaninku?>>
24kemazu kidikus ziya i Yēsu harem, i Anas tu urungaw ziya mukuwa kana tinuma'izang na rahan i Kayafa.
masalr ziya 'azi pakanumaw kani Yēsu i Pētēro
(Matay 26.71-75; Maruko 14.59-72; Luka 22.58-62)
25a azu, i Simon Pētēro kazu ziya matikezir kuwaridu. ulra a trau marengay kantaw: <<amelri u tu temakesi niziyu na trau ziyamaw?>>
'azi pakanumaw i Pētēro zi marengay: <<amelri ku!>>
26ulra a sasa tu pakarunan kana tinuma'izang na rahan, maw kiveresa putani tu tralinga kani Pētēro izu na trau tu niruma'enan, marengay: <<amelri mena'u ku za mukasa u kaniziyu na trau i 'uma ziyamaw?>>
27marengay ziya i Pētēro: <<amelri!>> maw a azu, maruni lra na terukuk.
kisayvang i ngawayan kani Pilato
(Matay 27.1-2, 11-14; Maruko 15.1-5; Luka 23.1-5)
28tu zakalraw i Yēsu nazu kemay kana ruma' ni Kayafa mukuwa kana sotokfu. a azu mu 'iyadenan lra. tu yawan na Yodaya na trau 'azi musavak kana sotokfu, nazu mu kazu kana semasaharan na wariyan patrutru mukirungetr, murawan za mekan kana palalavat na wariyan na semasaharan. 29kemazu zi mupana i Pilato, kiyumalr kanazu: <<melak mu za eman tu pinamelriyan zi kokso kanini na trau?>>
30temuvang nazu: <<nu 'azi kemakuda za kuwatrengan i intaw, 'azi mi murung kantaw zuwa i kani kannu.>>
31marengay i Pilato kanazu: <<urungu i intaw i inmu, iturusi kananmu kuret sayvang kantaw mu!>>
marengay nazu: <<mawmu iniyan mi za kezang kemuret pinatray za trau.>> 32i ini pula'esi lra kanantu nirengay ni Yēsu i intaw uri kuwadakuda minatray izu na ngay.
33musavak ziya i Pilato kana sotokfu, venina kani Yēsu pazuwa, kiyumalr kantaw: <<maw u yawan kana Yodaya na trau ziyamaw?>>
34temuvang i Yēsu: <<kiyumalr u kanini na ngay maw kemay kannu, zi za kinger u za zuma za trau mazayazayar kaninku ziyamaw?>>
35marengay i Pilato: <<a Yodaya na trau kema u kaninku ziyamaw? maw kananmu kanatal na trau zi na ma'izang na rahan tuluzanay u kaninku. kemakuda u lra za eman ziyamaw?>>
36marengay i Yēsu: <<nanku kanatal 'azi muravak i kani punapunan; nanku kanatal nu muravak kani punapunan, zi nanku zinekalranan 'azika'azi muramawan kaninku kimatengez, za ka'aziyan mukuwa kana Yodaya na trau. amelri, nanku kanatal 'azi muravak kani punapunan!>>
37marengay i Pilato: <<nu kemazu mu, inu maw u yawan?>>
temuvang i Yēsu: <<maw ku yawan, ninnu nirengay i ini. nanku rilreng mu muramawan uwasay kana tatena' vati, muramawan ku kanini pinialrak, zi muramawan kanini zuwa i punapunan. na muravak ziya kana tatena' vati na trau mu 'azika'azi mukinger kananku ngay.>>
38kiyumalr i Pilato: <<na tatena' vati maw a eman?>>
i Yēsu kisayvang za kiyanatrayan
(Matay 27.15-31; Maruko 15.6-20; Luka 23.13-25)
mupatraran ziya i Pilato, marengay kana Yodaya na trau: <<'azi ku pakaatrevung za ulra a eman tu pinamelriyan kanini na trau. 39mawmu ulra nanmu kakuwayanan, maranger mu kaninku i kanini na palalavat na wariyan muramawan kanmu meretra'a za sasa na inimeng. maranger mu kaninku za muramawan kanmu zi meretra' kanantu yawan na Yodaya na trau ziyamaw?>>
40masalr ziya kematamuni 'emuy'uy nazu: <<amanan i intaw! verayay mi kani Baraba!>> (i Baraba mawna malemu kuwatreng na trau.)
Currently Selected:
Yohanē 18: TPN
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2023
Yohanē 18
18
i Yēsu ki 'evang
(Matay 26.47-56; Maruko 14.43-50; Luka 22.47-53)
1kemani kiyanun i Yēsu mu, salrangan kana temakesi mupatraran, melavat lra i Kēdēron verelruwan. ulra a 'uma i kazu, i Yēsu zi na temakesi musavak. 2na meniwan kani Yēsu i Yoda malrazam kana kazuwan i kazu, 'alrana i Yēsu zi tu temakesi marayas muwazuk i kazu. 3i Yoda milralrang kana saya sevang na Roma hiday, marelrang kana ma'izang na rahan zi na Palisay na trau tu i pakarun kana ki'alra'alra kana vangesar ruma' zi musavak i 'uma. miinurung za buki nazu, zi midinikesan za lrawlraw zi za 'ilay. 4malrazam i Yēsu uri wavasuk kantu zazek na lremak peniya, semeneng mungawayan kiyumalr kanazu: <<maaya' mu kani eman?>>
5temuvang nazu: <<i Nazalē na trau i Yēsu.>>
marengay i Yēsu: <<maw inku.>>
a azu, na meniwan kani Yēsu i Yoda kurekasa kanazu matikezir. 6marengay i Yēsu <<maw inku>>, mulikulikuz nazu, murareve' i dare'. 7masalr kiyumalr i Yēsu: <<maaya' mu kani eman?>>
temuvang nazu: <<i Nazalē na trau i Yēsu.>>
8marengay i Yēsu: <<marengay ku lra kanmu, maw inku. nu maw inku nanmu inaaya', zi puveruku nanni na trau.>> 9i Yēsu kemani marengay mu, penauwa pula'esi lra kanantu nirengayan a aziyu ziyan na ngay: <<Ama a, nu iveray kaninku na trau, 'azi ku para'atelri za sasa.>>
10i Simon Pētēro murung za tazaw; penetrus i intaw, veneresa kana kuli na tinuma'izang na rahan i Malukos, veresayaw putani tu tralinga na tarawalran. 11i Yēsu marengay kani Pētēro: <<lrasezu na tazaw! 'azi wawai tremekel kanantu iveray ni Amalri na 'apelrin na takilr kema u kaninku ziyamaw?>>
kazu i ngawayan kani Anas
12izu na sasevangan na Roma hiday zi kanantu ma'izang, mukasa kana ki'alra'alra i vangesar ruma' na Yodaya na trau 'emevang kani Yēsu, zi dadikusaw, 13tu urungaw i ngawayan kani Anas; i Anas maw tu inusavakan i temamataw ni Kayafa na tinuma'izang na rahan a azu kana 'ami. 14ini Kayafa marengay lra kanantu yawan i Yodaya na trau pupana za ngay, papinatrayaw a sasa trau paruveli kana zinekalranan mawna mara'inava saya na lremak.
'azi pakanumaw kani Yēsu i Pētēro
(Matay 26.69-70; Maruko 14.66-68; Luka 22.55-57)
15i Simon Pētēro zi a sasa temakesi kurelrang kani Yēsu; izu na temakesi mu nintaw kinalrazam na tinuma'izang na rahan, semeneng miturus kani Yēsu mukuwa i vavalu kana tinuma'izang na rahan. 16i Pētēro muvilin i patraran kana sulray. tu kinalrazam na tinuma'izang na rahan na temakesi zi masalr mupatraran, marengay kana menana'u i sulray na vavayan, zi tu arelrayaw i Pētēro musavak. 17na menana'u i sulray na vavayan temuzu' kani Pētēro, marengay; <<amelri u nintaw temakesi niziyu na trau ziyamaw?>>
marengay i Pētēro: <<amelri i inku!>>
18a azu aretiz na wari, purevu nazu na pakarunan zi na ki'alra'alra, tikakeziran kuwaridu mapiya; mungawayan i Pētēro, mukasa kanazu matikezir kuwaridu.
kiumaumalr kani Yēsu na tinuma'izang na rahan
(Matay 26.59-66; Maruko 14.55-64; Luka 22.66-71)
19kiyumaumalr kani Yēsu na tinuma'izang na rahan za kireeman kanantu temakesi zi tu i panadam na lremak elra. 20temuvang i Yēsu: <<nu marengay ku kana trau i waazukan kemazu. marayas ku kazu i waazukan ruma' na Yodaya na trau zi kana vangesar ruma' panadam za trau, zi kana vangesar ruma', zi 'azi ku ziyan mulrek marengay za eman. 21kemuda zi kiyumaumalr u kaninku? uwa kiyumalri na kinger ziyan ku vinavatiyan na trau mu, malrazam za marengay ku za eman nazu.>>
22marengay kanini na ngay i Yēsu, na ki'alra'alra i trapingiran semelretra' kantaw, marengay: <<malemu u temuvang kana tinuma'izang na rahan!>>
23marengay i Yēsu: <<nu pamelri ku marengay mu, pakirungetri pupana ku pamelriyan i inu; nu pamaw na nirengay mu, kemuda zi semelretra' u kaninku?>>
24kemazu kidikus ziya i Yēsu harem, i Anas tu urungaw ziya mukuwa kana tinuma'izang na rahan i Kayafa.
masalr ziya 'azi pakanumaw kani Yēsu i Pētēro
(Matay 26.71-75; Maruko 14.59-72; Luka 22.58-62)
25a azu, i Simon Pētēro kazu ziya matikezir kuwaridu. ulra a trau marengay kantaw: <<amelri u tu temakesi niziyu na trau ziyamaw?>>
'azi pakanumaw i Pētēro zi marengay: <<amelri ku!>>
26ulra a sasa tu pakarunan kana tinuma'izang na rahan, maw kiveresa putani tu tralinga kani Pētēro izu na trau tu niruma'enan, marengay: <<amelri mena'u ku za mukasa u kaniziyu na trau i 'uma ziyamaw?>>
27marengay ziya i Pētēro: <<amelri!>> maw a azu, maruni lra na terukuk.
kisayvang i ngawayan kani Pilato
(Matay 27.1-2, 11-14; Maruko 15.1-5; Luka 23.1-5)
28tu zakalraw i Yēsu nazu kemay kana ruma' ni Kayafa mukuwa kana sotokfu. a azu mu 'iyadenan lra. tu yawan na Yodaya na trau 'azi musavak kana sotokfu, nazu mu kazu kana semasaharan na wariyan patrutru mukirungetr, murawan za mekan kana palalavat na wariyan na semasaharan. 29kemazu zi mupana i Pilato, kiyumalr kanazu: <<melak mu za eman tu pinamelriyan zi kokso kanini na trau?>>
30temuvang nazu: <<nu 'azi kemakuda za kuwatrengan i intaw, 'azi mi murung kantaw zuwa i kani kannu.>>
31marengay i Pilato kanazu: <<urungu i intaw i inmu, iturusi kananmu kuret sayvang kantaw mu!>>
marengay nazu: <<mawmu iniyan mi za kezang kemuret pinatray za trau.>> 32i ini pula'esi lra kanantu nirengay ni Yēsu i intaw uri kuwadakuda minatray izu na ngay.
33musavak ziya i Pilato kana sotokfu, venina kani Yēsu pazuwa, kiyumalr kantaw: <<maw u yawan kana Yodaya na trau ziyamaw?>>
34temuvang i Yēsu: <<kiyumalr u kanini na ngay maw kemay kannu, zi za kinger u za zuma za trau mazayazayar kaninku ziyamaw?>>
35marengay i Pilato: <<a Yodaya na trau kema u kaninku ziyamaw? maw kananmu kanatal na trau zi na ma'izang na rahan tuluzanay u kaninku. kemakuda u lra za eman ziyamaw?>>
36marengay i Yēsu: <<nanku kanatal 'azi muravak i kani punapunan; nanku kanatal nu muravak kani punapunan, zi nanku zinekalranan 'azika'azi muramawan kaninku kimatengez, za ka'aziyan mukuwa kana Yodaya na trau. amelri, nanku kanatal 'azi muravak kani punapunan!>>
37marengay i Pilato: <<nu kemazu mu, inu maw u yawan?>>
temuvang i Yēsu: <<maw ku yawan, ninnu nirengay i ini. nanku rilreng mu muramawan uwasay kana tatena' vati, muramawan ku kanini pinialrak, zi muramawan kanini zuwa i punapunan. na muravak ziya kana tatena' vati na trau mu 'azika'azi mukinger kananku ngay.>>
38kiyumalr i Pilato: <<na tatena' vati maw a eman?>>
i Yēsu kisayvang za kiyanatrayan
(Matay 27.15-31; Maruko 15.6-20; Luka 23.13-25)
mupatraran ziya i Pilato, marengay kana Yodaya na trau: <<'azi ku pakaatrevung za ulra a eman tu pinamelriyan kanini na trau. 39mawmu ulra nanmu kakuwayanan, maranger mu kaninku i kanini na palalavat na wariyan muramawan kanmu meretra'a za sasa na inimeng. maranger mu kaninku za muramawan kanmu zi meretra' kanantu yawan na Yodaya na trau ziyamaw?>>
40masalr ziya kematamuni 'emuy'uy nazu: <<amanan i intaw! verayay mi kani Baraba!>> (i Baraba mawna malemu kuwatreng na trau.)
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2023