Yohanē 16
16
1<<marengay ku lra kanmu kananni na lremak, 'aziya temelak kananmu pakutatena'an. 2vaverelrang kanmu pupatraran kana uwaazukan ruma' nazu; pawnung meraredek lra na wari, izu na piyanatray kanmu na trau mu kaulra kemakuda za kemani na lremak mu maw na kiyakarun kana Viruwa i itras kema. 3tatena' mu, kemani kemakuda 'alrana maw 'azi malrazam kani Amalri nazu, zi 'azi malrazam kaninku. 4marengaya ku kanmu kananni na lremak, muramawan za maruwaya mu nu meredek ini na wari patuangeri za marengay ku lra kanmu.>>
na kiyakarunan na Vangesar Lu'em
<<aziyu ziyan 'azi ku marengay kanmu kananni na lremak, 'alrana maw marayas ku mukasa kanmu. 5harem uwaveliyas ku mukuwa kanizu na pazuwa kaninku i kazu, kanmu i savakan iniyan za trau kiyumalr kaninku <auwa u i iyan?> 6mawmu, 'alrana marengay ku lra kanmu kananni na lremak, kemuda zi mavangavang mu anger. 7mawmu, penatezelra ku marengay kanmu, nu mukuwa ku, mika'inavayan kanmu. nu 'azi ku mukuwa mu, izu na demele'us 'azi zazuwa kanmu i kani; nu mukuwa ku lra, zi pazuwa kantaw. 8nu zuwa i intaw mu, uwawasay kana trau i punapunan i intaw, kema nazu kana pinamelriyan, na patezelran, kema kana sayvang na Viruwa i itras mu pamelri lra peniya. 9pamelri lra tu kiniyaanger kana pinamelriyan nazu, 'alrana 'azi pakutatena' kaninku nazu; 10pamelri lra tu kiniyaanger kana patezelran nazu, 'alrana auwa ku kani Amalri i kazu, 'azi mu lra nana'u kaninku; 11tu kiniyaanger nazu kana sayvang mu pamelri lra, 'alrana na yawan i punapunan kisayvang lra.
12<<ulra ziya a sazu na lremak ku rarengayan kanmu, mawmu 'azi mu lra pakaurung harem. 13ngangara palru za zuwa lra na veray kana tatena' vati na Vangesar Lu'em, i intaw kakezeng panadam kanmu musavak kana tatena' vati i savakan. 'azi pakalrang kantaw venavati i intaw, a maw na marengay kanmu za tu kiningeran, pawnung rarengay kana nu aziyu lra na lremak. 14puwalihu kaninku i intaw, 'alrana ku rarengayan rarengay kanmu i intaw. 15na ulra ziya ni Amalri mu maw ninku peniya, semeneng marengay ku, ku rarengayan rarengay na Vangesar Lu'em kanmu.>>
na sipelengan muvalis mutu semangalan
16<<'azi repidan, zi 'azi mu lra nana'u kaninku; mawmu, 'azi kasawariyan, nana'u mu ziya kaninku.>>
17kana temakesi i savakan ulra papida mazayazayar: <<marengay kaniyam i intaw <'azi repidan, zi 'azi mu lra nana'u kaninku; mawmu, 'azi kasawariyan, nana'u mu ziya kaninku>; marengay ziya <'alrana auwa ku kani Amalri i kazu>, a eman tu pauwayan nanni na ngay awa?>> 18ulra ziya a trau kiyumalr: <<tu iyarengay <'azi repidan> kema za eman? 'azi mi malrazam za mararengay za eman i intaw!>>
19i Yēsu malrazam kanantu kiyaumalran nazu, zi marengay kanazu: <<marengay ku <'azi repidan, zi 'azi mu lra nana'u kaninku; mawmu 'azi kasawariyan, nana'u mu ziya kaninku>, mazayazayar mu kanini na ngay ziyamaw? 20penazangala ku marengay kanmu, tratrangis mu pakirev, mawmu kasemamangal na trau i punapunan; kasipeleng mu, mawmu nanmu sipelengan uri uwavalis mutu semangalan. 21na vavayan nu uri piaalrak mu kasipeleng, 'alrana meraredek lra na kaulepan; mawmu nu mialrak lra mu malalup lra za nanayan, 'alrana semangal za ulra a vu'enin pinialrak zuwa i punapunan. 22kuwaani mu: harem ulra mu sipelengan, mawmu nanau' ku ziya kanmu, zi katemuy za semangalan nanmu anger; nanmu semangalan iniyan za trau kararuwa 'emaraw melak.
23<<kanizu na wari, 'azi mu kiyami za eman kaninku. penazangala ku marengay kanmu, pakalrang mu kananku ngadan, nu kiyami lra za eman kani Amalri mu, i intaw 'azika'azi veray kanmu#16.23 <<pakalrang mu kananku ngadan, nu kiyami lra za eman kani Amalri mu, i intaw 'azika'azi veray kanmu>> zuma ulra pidaya na awatranan lulun vinavalray za <<nu kiyami za eman kani Ama, i intaw kivelras kananku ngadan veray kanmu>>.. 24palru harem, 'azi mu pakalrang kananku ngadan kiyami za eman. kiyami mu, zi kiyaveray mu, maruwaya semela' nanmu semangalan.>>
kiseker i punapunan
25<<pakalrang ku za paruwalruwan marengay kanmu lra kananni na lremak. mawmu uri raredek lra na wari, 'azi ku lra mamanay za paruwalruwan, mawmu patulre'ayay marengay kanmu na lremak ni Amalri. 26kanizu na wari, pakalrang mu kananku ngadan kiyanun. amelri ku marengay za paruveli ku kanmu kiyami kani Amalri, 27'alrana i Amalri lraman kanmu i intaw. lraman kanmu i intaw, 'alrana lraman mu kaninku, pawnung pakutatena' kaninku za maw zuwa kemay kana Viruwa i itras. 28i inku kemay kani Amalri i kazu zuwa i punapunan; harem kiruwaaday ku kani punapunan, uwaveliyas ku mukuwa kani Amalri i kazu.>>
29marengay na temakesi kantaw: <<na'uwi, harem patulre'ay u venavati, 'azi u pakalrang za paruwalruwan. 30malrazam mi lra, iniyan u za kina'ulid, zi amanan u za trau kiyumalr kannu. mawna kemani, pakutatena' mi kannu za zuwa kemay kana Viruwa i itras.>>
31marengay i Yēsu: <<harem pakutatena' mu lra ziyamaw? 32meredek lra na wari, maw lra a harem, uwatepi' mu mapapiya, uwa kananmu kinazuwan i inmu, mawmau a sasa i inku na muvilin. tatena' mu, amelri ku sasa, 'alrana ulra i Amalri mukasa kaninku. 33marengay ku kanmu kanini na lremak, maw 'alrana kurinakep mu kaninku zi ulra a ping-an. i punapunan, ulra mu ulepan; mawmu ka'uringetr i inmu, kiseker ku lra i punapunan!>>
Currently Selected:
Yohanē 16: TPN
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2023
Yohanē 16
16
1<<marengay ku lra kanmu kananni na lremak, 'aziya temelak kananmu pakutatena'an. 2vaverelrang kanmu pupatraran kana uwaazukan ruma' nazu; pawnung meraredek lra na wari, izu na piyanatray kanmu na trau mu kaulra kemakuda za kemani na lremak mu maw na kiyakarun kana Viruwa i itras kema. 3tatena' mu, kemani kemakuda 'alrana maw 'azi malrazam kani Amalri nazu, zi 'azi malrazam kaninku. 4marengaya ku kanmu kananni na lremak, muramawan za maruwaya mu nu meredek ini na wari patuangeri za marengay ku lra kanmu.>>
na kiyakarunan na Vangesar Lu'em
<<aziyu ziyan 'azi ku marengay kanmu kananni na lremak, 'alrana maw marayas ku mukasa kanmu. 5harem uwaveliyas ku mukuwa kanizu na pazuwa kaninku i kazu, kanmu i savakan iniyan za trau kiyumalr kaninku <auwa u i iyan?> 6mawmu, 'alrana marengay ku lra kanmu kananni na lremak, kemuda zi mavangavang mu anger. 7mawmu, penatezelra ku marengay kanmu, nu mukuwa ku, mika'inavayan kanmu. nu 'azi ku mukuwa mu, izu na demele'us 'azi zazuwa kanmu i kani; nu mukuwa ku lra, zi pazuwa kantaw. 8nu zuwa i intaw mu, uwawasay kana trau i punapunan i intaw, kema nazu kana pinamelriyan, na patezelran, kema kana sayvang na Viruwa i itras mu pamelri lra peniya. 9pamelri lra tu kiniyaanger kana pinamelriyan nazu, 'alrana 'azi pakutatena' kaninku nazu; 10pamelri lra tu kiniyaanger kana patezelran nazu, 'alrana auwa ku kani Amalri i kazu, 'azi mu lra nana'u kaninku; 11tu kiniyaanger nazu kana sayvang mu pamelri lra, 'alrana na yawan i punapunan kisayvang lra.
12<<ulra ziya a sazu na lremak ku rarengayan kanmu, mawmu 'azi mu lra pakaurung harem. 13ngangara palru za zuwa lra na veray kana tatena' vati na Vangesar Lu'em, i intaw kakezeng panadam kanmu musavak kana tatena' vati i savakan. 'azi pakalrang kantaw venavati i intaw, a maw na marengay kanmu za tu kiningeran, pawnung rarengay kana nu aziyu lra na lremak. 14puwalihu kaninku i intaw, 'alrana ku rarengayan rarengay kanmu i intaw. 15na ulra ziya ni Amalri mu maw ninku peniya, semeneng marengay ku, ku rarengayan rarengay na Vangesar Lu'em kanmu.>>
na sipelengan muvalis mutu semangalan
16<<'azi repidan, zi 'azi mu lra nana'u kaninku; mawmu, 'azi kasawariyan, nana'u mu ziya kaninku.>>
17kana temakesi i savakan ulra papida mazayazayar: <<marengay kaniyam i intaw <'azi repidan, zi 'azi mu lra nana'u kaninku; mawmu, 'azi kasawariyan, nana'u mu ziya kaninku>; marengay ziya <'alrana auwa ku kani Amalri i kazu>, a eman tu pauwayan nanni na ngay awa?>> 18ulra ziya a trau kiyumalr: <<tu iyarengay <'azi repidan> kema za eman? 'azi mi malrazam za mararengay za eman i intaw!>>
19i Yēsu malrazam kanantu kiyaumalran nazu, zi marengay kanazu: <<marengay ku <'azi repidan, zi 'azi mu lra nana'u kaninku; mawmu 'azi kasawariyan, nana'u mu ziya kaninku>, mazayazayar mu kanini na ngay ziyamaw? 20penazangala ku marengay kanmu, tratrangis mu pakirev, mawmu kasemamangal na trau i punapunan; kasipeleng mu, mawmu nanmu sipelengan uri uwavalis mutu semangalan. 21na vavayan nu uri piaalrak mu kasipeleng, 'alrana meraredek lra na kaulepan; mawmu nu mialrak lra mu malalup lra za nanayan, 'alrana semangal za ulra a vu'enin pinialrak zuwa i punapunan. 22kuwaani mu: harem ulra mu sipelengan, mawmu nanau' ku ziya kanmu, zi katemuy za semangalan nanmu anger; nanmu semangalan iniyan za trau kararuwa 'emaraw melak.
23<<kanizu na wari, 'azi mu kiyami za eman kaninku. penazangala ku marengay kanmu, pakalrang mu kananku ngadan, nu kiyami lra za eman kani Amalri mu, i intaw 'azika'azi veray kanmu#16.23 <<pakalrang mu kananku ngadan, nu kiyami lra za eman kani Amalri mu, i intaw 'azika'azi veray kanmu>> zuma ulra pidaya na awatranan lulun vinavalray za <<nu kiyami za eman kani Ama, i intaw kivelras kananku ngadan veray kanmu>>.. 24palru harem, 'azi mu pakalrang kananku ngadan kiyami za eman. kiyami mu, zi kiyaveray mu, maruwaya semela' nanmu semangalan.>>
kiseker i punapunan
25<<pakalrang ku za paruwalruwan marengay kanmu lra kananni na lremak. mawmu uri raredek lra na wari, 'azi ku lra mamanay za paruwalruwan, mawmu patulre'ayay marengay kanmu na lremak ni Amalri. 26kanizu na wari, pakalrang mu kananku ngadan kiyanun. amelri ku marengay za paruveli ku kanmu kiyami kani Amalri, 27'alrana i Amalri lraman kanmu i intaw. lraman kanmu i intaw, 'alrana lraman mu kaninku, pawnung pakutatena' kaninku za maw zuwa kemay kana Viruwa i itras. 28i inku kemay kani Amalri i kazu zuwa i punapunan; harem kiruwaaday ku kani punapunan, uwaveliyas ku mukuwa kani Amalri i kazu.>>
29marengay na temakesi kantaw: <<na'uwi, harem patulre'ay u venavati, 'azi u pakalrang za paruwalruwan. 30malrazam mi lra, iniyan u za kina'ulid, zi amanan u za trau kiyumalr kannu. mawna kemani, pakutatena' mi kannu za zuwa kemay kana Viruwa i itras.>>
31marengay i Yēsu: <<harem pakutatena' mu lra ziyamaw? 32meredek lra na wari, maw lra a harem, uwatepi' mu mapapiya, uwa kananmu kinazuwan i inmu, mawmau a sasa i inku na muvilin. tatena' mu, amelri ku sasa, 'alrana ulra i Amalri mukasa kaninku. 33marengay ku kanmu kanini na lremak, maw 'alrana kurinakep mu kaninku zi ulra a ping-an. i punapunan, ulra mu ulepan; mawmu ka'uringetr i inmu, kiseker ku lra i punapunan!>>
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2023