Siraka 49
49
Ta Yosiyasi
1 #
II Tih. 22:1,11-13; 23:3,25 Ku tsundzuka Yosiyasi swi fana
ni ku nuhela ka mirhi ya risuna leyi pfanganisiweke hi vutivi,
ku kotisa ku tsokombela ka vulombe lebyi tsakisaka vanhu hinkwavo,
a tsakisa tanihi tinsimu enkhubyeni.
2Swiendlo swa yena swi hundzuluxile Vaisraele,
swi susile eka vona magandzelo ya swikwembu swa hava.
3A a ri munhu wo tshembeka, a tirhela Xikwembu hi mbilu ya yena hinkwayo,
kutani emasikwini lawaya ya vuhomboloki ú tiyisile vukhongeri.
Ta Yeremiya
4Tihosi hinkwato ta Israele, handle ka Davhida na Hezekiya na Yosiyasi,
ti dyohile ngopfu,
hikuva ti tshikile nawu wa Loyi a nga henhla-henhla
minkarhi hinkwayo ya mfumo wa tona.#Van'wana va ri: kutani ti herisiwa
5Ti nyiketile vanhu van'wana matimba ya tona
ni ku twala ka tona eka matiko ya vanhu vambe.
6 #
Yer. 1:4-10; 39:8 Vona va hisile muti lowo hlawuleka,
magondzo ya wona va ma hundzurile mananga,
tanihi laha Yeremiya a a vurile hakona.
7Yeremiya ú hlunamile, hambiloko a a hlawuriwile
ku va muprofeta a nga si velekiwa.
Ú nyikiwile matimba ya ku tsuvula ni ku mbundzumuxa,
ku wisela hansi ni ku herisa, ku aka ni ku tlhela a byala.
Ta Ezekiele
8 #
Ez. 1:3-15; 14:14-20 I Ezekiele loyi a voneke ku dzuneka ka Xikwembu
loku vangamaka ehenhla ka mavhilwa ya mune ya swivumbiwa leswi hanyaka.
9Xikwembu xi tsundzukile valala va yena kutani xi va ba hi xidzedze,
kambe xi katekisile lava fambaka endleleni yo lulama.#Van'wana va ri: Ezekiele ú vulavurile ta muprofeta Yobo, loyi a endleke leswo lulama minkarhi hinkwayo
Ta vaprofeta va 12
10Marhambu ya vaprofeta lava 12
a ma pfuke emasirheni,
hikuva vaprofeta lava va tiyisile
Vaisraele nhlana, ni ku va ponisa
hi ku tshemba lokukulu.
Ta Zerubabele na Yoxuwa
11 #
Ezr. 3:2; Hag. 2:23 Xana hi nga dzunisa Zerubabele hi ndlela yihi?
A a fana ni xingwavila xo fungha ha xona evokweni ra xinene ra HOSI Xikwembu.
12 #
Hag. 1:1,12 Swi ve tano na Yoxuwa n'wana Yosadaki.
Zerubabele na Yoxuwa va akile Tempele yo hlawuleka ya HOSI Xikwembu hi vuntshwa,
leyi yi faneleke ku va ni ntwalo hilaha ku nga heriki.
Ta Nehemiya
13 #
Neh. 6:15
Vito ra Nehemiya na rona ra tsundzukiwa.
Ú pfuxile rirhangu leri a ri mbundzumuxiwile ra muti wa Yerusalema,
a vekela timbanti ni swo goga hi swona hinkwaswo.
A aka ni tindlu ta hina.
Ta Vapatriarka
14A ku vanga na munhu emisaveni loyi a fanaka na Enoko,
hikuva ú tlakuriwile, a ya etilweni.
15A ku la nga velekiwa munhu wo fana na Yosefa,
hambi ma ri marhambu ya yena ma fundzhiwile.#Van'wana va ri: kutani Xikwembu xi sirhelele ntsumbu wa yena.
16Xeme na Seta na Enosi va fundzhiwile swinene,#Van'wana va ri: Xeme na Seta va fundzhiwile swinene exikarhi ka vanhu
kambe Adamu ú tlula swivumbiwa hinkwaswo hi ku fundzhiwa.
Currently Selected:
Siraka 49: TSO89
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 1989. Used with permission. All rights reserved.