ZEKARIYA 11
11
Ukwisigwa kwa banyafyale abapalapala
1Gwe kisu kya Lebanoni, igula ififigo fyako,
ukuti umoto gukosye imipiki gyako imikambokambo.
2Mulilege nukukuta inguto mwe mipiki gya mitumbati,
buno imikambokambo gigwile; imipiki imisisya gila bagyonenge!
Mulilege nukukuta inguto mwe migwina gya nkisu kya Bashani,
buno batumwile ulusingi ulusisya.
3Abalagilakisu bikukuta inguto kangi basulumenie;
ubukulumba bwabo buyongile!
Pilikisya bo ingalamu sikubuna,
ubwitugalo bwabo ubu buli mumbali Ndusoko lwa Yordani bonangike!
Abatimi babili
4Popapo Untwa Kyala alinkumbula une alinkuti, “Ubombege bo mumo ikubombela untimi gwa ntimo gwa ng'osi isi bikubuka nasyo kububolelo. 5Abenenasyo bobikusigoga itolo ing'osi sila loli nayumo atikubapa inongwa. Bikulisya inyama yake loli bikuyoba bikuti, ‘Atufigwege Untwa Kyala! Papo lilino tuli bakabi!’ Bope naba bikutima imitimo gyabo batikusipakisya mma.”
6(Popapo Untwa alinkuyoba alinkuti, “Ndisakuya nikisa kangi pali yumo ugwa nkisu kya pasi. Une nimwene nisakubalagila. Abalagili bababa bo bisakukyonanga ikisu, loli une ndisakukipoka ku maboko gabo.”)
7Aba balyulile nukulisya ing'osi bo balinkunyingisya une imbombo ukuti bahombe indalama. Po lelo ndinkwipela ntimi gwa ng'osi syabo isi bayaga pakusigoga. Bunobuno ndinkwega ingili ibili, yimo yo ndinkuyipa ingamu ya Nganigwa, iyingi yilinkuyobigwa iya Palikimo. Bunobuno ndinkugupakisya untimo. 8Ndinkutoligwa ukufisa ilyoyo pa batimi abangi bo batatu bala, aba balimbengile une, ndinkwenda nukubamala bosa mmwesi gumogwene itolo. 9Po lelo ndinkuyoba ku ng'osi ndinkuti, “Ndisakwandisya kangi ukuya ntimi gwinu. Isi sikuya pakufwa, sifwege, isi sikuya pakukoligwa nifilugu, sikoligwege. Nisi sisyelepo syo sileke sise sigoganege.” 10Popapo ndinkwega ingili iyi yo Nganigwa ndinkwenda nukukonyolania ukomola ulwitikano ulu Untwa Kyala alitikene nifikolo fyosa fya bandu. 11Bunobuno ulwitikano lulinkomoka mwisiku lilyo. Aba bulaga nukulisya ing'osi balinkunyenesya une, balinkusyagania ukuti Untwa ayobelaga muli isi nabombile. 12#Mat 27.9-10#Mat 26.15Po lelo ndinkuyoba nabo ndinkuti, “Linga mwiganile, po mumbepo umfwalo gwangu. Loli linga mutikumbapo, muyege nago.” Bunobuno balinkumba une indalama sya siliva amalongo matatu (30) ukuya go mfwalo gwangu.
13Untwa Kyala alinkuyoba nanine alinkuti, “Usibike muno bikubika ikyuma nnyumba inyikemo.” Ndinkwega indalama sya siliva sila amalongo matatu (30), indalama isi abene binogonaga ukuti nyingi fiyo sifwene nuntengo gwangu, ndinkusibika muno babikaga ikyuma nnyumba inyikemo. 14Po lelo ndinkukonyola ingili iya bubili, iyi ingamu batigi “Palikimo,” po lelo ukuya palikimo kwa kisu kya Yuda nukwa kisu kya Israeli kuli nkuya tumenya itolo.
15Popapo Untwa alinkuyoba nanine alinkuti, “Ubombe kangi bo mumo ikubombela untimi gwa ng'osi akabalilo aka ayege yo ntimi uyu gwa itolo. 16Numbikile untimi ukuti asitimege ing'osi syangu, loli umwene atikusipakisya ing'osi isi sikuya pakugogigwa nalinga ko kusilonda isi sisobile, pamo ukusigangula isi sifulele, pamo ukusiswila isi sisyeleko. Lelo umwene ikugoga nukulya ing'osi imbate nukusosyako ifyuga. 17Itata kuntimi ugwa itolo yula uyu ikusitaga itolo ing'osi! Kwali kununu ukuti bansengege nulubo pakiboko na pakisige kya ku kililo. Oko ikiboko kyake kilalege losa itolo kyope nikisige kyake kingisa kuketaga kangi!”
Currently Selected:
ZEKARIYA 11: NNBII
Highlight
Share
Copy
Want to have your highlights saved across all your devices? Sign up or sign in
BAIBULO INONGWA INUNU © Bible Society of Malawi, 2017.
ZEKARIYA 11
11
Ukwisigwa kwa banyafyale abapalapala
1Gwe kisu kya Lebanoni, igula ififigo fyako,
ukuti umoto gukosye imipiki gyako imikambokambo.
2Mulilege nukukuta inguto mwe mipiki gya mitumbati,
buno imikambokambo gigwile; imipiki imisisya gila bagyonenge!
Mulilege nukukuta inguto mwe migwina gya nkisu kya Bashani,
buno batumwile ulusingi ulusisya.
3Abalagilakisu bikukuta inguto kangi basulumenie;
ubukulumba bwabo buyongile!
Pilikisya bo ingalamu sikubuna,
ubwitugalo bwabo ubu buli mumbali Ndusoko lwa Yordani bonangike!
Abatimi babili
4Popapo Untwa Kyala alinkumbula une alinkuti, “Ubombege bo mumo ikubombela untimi gwa ntimo gwa ng'osi isi bikubuka nasyo kububolelo. 5Abenenasyo bobikusigoga itolo ing'osi sila loli nayumo atikubapa inongwa. Bikulisya inyama yake loli bikuyoba bikuti, ‘Atufigwege Untwa Kyala! Papo lilino tuli bakabi!’ Bope naba bikutima imitimo gyabo batikusipakisya mma.”
6(Popapo Untwa alinkuyoba alinkuti, “Ndisakuya nikisa kangi pali yumo ugwa nkisu kya pasi. Une nimwene nisakubalagila. Abalagili bababa bo bisakukyonanga ikisu, loli une ndisakukipoka ku maboko gabo.”)
7Aba balyulile nukulisya ing'osi bo balinkunyingisya une imbombo ukuti bahombe indalama. Po lelo ndinkwipela ntimi gwa ng'osi syabo isi bayaga pakusigoga. Bunobuno ndinkwega ingili ibili, yimo yo ndinkuyipa ingamu ya Nganigwa, iyingi yilinkuyobigwa iya Palikimo. Bunobuno ndinkugupakisya untimo. 8Ndinkutoligwa ukufisa ilyoyo pa batimi abangi bo batatu bala, aba balimbengile une, ndinkwenda nukubamala bosa mmwesi gumogwene itolo. 9Po lelo ndinkuyoba ku ng'osi ndinkuti, “Ndisakwandisya kangi ukuya ntimi gwinu. Isi sikuya pakufwa, sifwege, isi sikuya pakukoligwa nifilugu, sikoligwege. Nisi sisyelepo syo sileke sise sigoganege.” 10Popapo ndinkwega ingili iyi yo Nganigwa ndinkwenda nukukonyolania ukomola ulwitikano ulu Untwa Kyala alitikene nifikolo fyosa fya bandu. 11Bunobuno ulwitikano lulinkomoka mwisiku lilyo. Aba bulaga nukulisya ing'osi balinkunyenesya une, balinkusyagania ukuti Untwa ayobelaga muli isi nabombile. 12#Mat 27.9-10#Mat 26.15Po lelo ndinkuyoba nabo ndinkuti, “Linga mwiganile, po mumbepo umfwalo gwangu. Loli linga mutikumbapo, muyege nago.” Bunobuno balinkumba une indalama sya siliva amalongo matatu (30) ukuya go mfwalo gwangu.
13Untwa Kyala alinkuyoba nanine alinkuti, “Usibike muno bikubika ikyuma nnyumba inyikemo.” Ndinkwega indalama sya siliva sila amalongo matatu (30), indalama isi abene binogonaga ukuti nyingi fiyo sifwene nuntengo gwangu, ndinkusibika muno babikaga ikyuma nnyumba inyikemo. 14Po lelo ndinkukonyola ingili iya bubili, iyi ingamu batigi “Palikimo,” po lelo ukuya palikimo kwa kisu kya Yuda nukwa kisu kya Israeli kuli nkuya tumenya itolo.
15Popapo Untwa alinkuyoba nanine alinkuti, “Ubombe kangi bo mumo ikubombela untimi gwa ng'osi akabalilo aka ayege yo ntimi uyu gwa itolo. 16Numbikile untimi ukuti asitimege ing'osi syangu, loli umwene atikusipakisya ing'osi isi sikuya pakugogigwa nalinga ko kusilonda isi sisobile, pamo ukusigangula isi sifulele, pamo ukusiswila isi sisyeleko. Lelo umwene ikugoga nukulya ing'osi imbate nukusosyako ifyuga. 17Itata kuntimi ugwa itolo yula uyu ikusitaga itolo ing'osi! Kwali kununu ukuti bansengege nulubo pakiboko na pakisige kya ku kililo. Oko ikiboko kyake kilalege losa itolo kyope nikisige kyake kingisa kuketaga kangi!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
BAIBULO INONGWA INUNU © Bible Society of Malawi, 2017.