Filipenses 3
3
E sirkunsision ta o zakono
1Pplalalen, veselin tumen ando Del ta ni chinivau te ppenau tumenge pale so pisisardem tumenge omanglal, soke gua si te sai llal tumenge mai sukar. 2Arakken tumen katar e llene bilache kai chinen kotora katar e esnaga; 3soke e chachune llene kai si sirkunsidime#Jer 4.4; Rm 2.25-29; Kols 2.11. sam amen, gola kai o Duo cherel amen te voli e Devle ta achara kai sam blagosime soke sam e Jesukristoke, ta ni uzdi amen ande so chera. 4A i me sai uzdiu man ande gola ezgode. Chachimaia me sem o lleno kai mai but sai uzdiu man ande gola ezgode: 5kana biandilem ta nakkle ojto llive,#Gn 17.12; Lv 12.3. cherde mange e sirkunsision; me sem israelita katar e vicha e Benjamineki, ebreo ta chavo katar e ebreura. Me sema o lleno kai mai acharela ando zakono e judionengo ta i fariseo;#Apost 23.6; 26.5. 6gia zurale pachava kai mangava te zatriu e llenen katar e kkanlliri;#Apost 8.3; 22.4; 26.9-11. me cherava sa so ppenel o zakono, ta niko nasti dosarela man katar niso.#Gl 1.14. 7A sa gala ezgode kai mange mola len but omanglal, akana cheres o Kristo ni mol len niso. 8Nasti ttove niso prema o baro lachipe kai si te pinllare e Kristo Jesuse, mo Gazda. Cheres o Kristo sa e ezgode si mange jasarde, ta sa si mange llubri te sai lau le 9ta te avau pasa le, ta na llindo chacho pala o zakono; me mangau te avau llindo chacho pala o pachape ando Kristo, ta gua lale katar o Del cheres o pachape.#Rm 1.17; Rm 3.20-24; Gl 2.21; 3.21. 10So me mangau si te pinllarau e Kristo, te acharau e zor kai saia kana ustilo katar o meripe, te nakkau leki patnia ta te merau sargo vou,#Filp 1.29; 2 Krn 1.4-7; Kols 1.24; 1 P 4.13. 11ta voliva te ustau katar o meripe.
Ka resa mai angle
12Galea me ni ppenau tumenge kai me liem sa gala ezgode, ta ni ppenau tumenge kai inai man ni iek bilachipe. Llau angle ta mangau te avau gia, soke o Kristo Jesus reslo mande mai anglal. 13Pplalalen, me ni ppenau kai ia liem le; so cherau si kai bristarau man katar so achilo palpale ta trudiu man te resau so si angle, 14te resau kote kai mangau ta te dobiu o chari katar o miloso kai o Del ikkarda amen te la cheres o Kristo Jesus.
15Sa gola kai sam mai bare ando pachape morabi te misli amen gia. A vareko tumendar te avelale aver mislo kai inai sargo amaro, o Del ka sikavel le i gua. 16A morabi te zivi prema so liam llik kate.
Katar o miloso sam
17Pplalalen, cheren prema so cherau me ta dikken i pe llene kai zivin prema sar sikadam len amen. 18But droma ppendemle tumenge, ta akana ppenaule tumenge pale rovindo, si but llene kai zivin sargo dusmanura katar o krusto e Kristoko, 19ta von si te jasaon. Lengo del si o jape, ta cheren baripe ande so saia te avel lenge lallao. Samo mislinpe ande ezgode gale suetoke. 20A amen sam katar o miloso#Efs 2.19. ta adurichara te avel katar o miloso o Braduimari, o Gazda Jesukristo, 21kai ka pparruvel amari esnaga lallaimaki te avel blagosime sargo leki esnaga. Ta ka cherel le e zoriaia kai si le pe sa e ezgode.#1 Ko 15.35-37.
Currently Selected:
Filipenses 3: ROM07
Highlight
Share
Copy
Want to have your highlights saved across all your devices? Sign up or sign in
Nuevo Testamento en Romané © Sociedad Bíblica Chilena, 2007.