2 Timoteo 3
3
Sar ka aven e llene kana ni ka achel ios vreme
1Ta i morabi te llane kai ande llivesa kana ni ka achel ios vreme ka aven llivesa bilache.#Mt 24; Mk 13; 2 Tesl 2.3-12. 2E llene ka aven lakomure, ka mislinpe samo te aven len but love, ka istardon ta ka mislin kai von si e mai glamne. Ka den bilache orbe katar o Del, ni ka ttoven sama pe dadenge, ni ka den fala ta ka maren espurnia katar o pachape. 3Ni ka avel len volipe ni zalba, nasti ka achavenpe kana ka zelin vareso, ka aven bilache ta ka murzin pe suako ezgoda lachi. 4Nasti ka avel vera ande lende ta ka aven tromane, ka joliaon kana avere ka avel le vareso, ta ka roden mai but e dragostia kai del o sueto neko e Devle. 5Ka cherenpe kai si llene pachamake a ka achardol pe lende kai inai len e zor katar pachape.
Gole llenenchar na amisao. 6Soke gia si e llene kai den ande chera ta kojaven e diskinien kai inai len bizaipe ta kai si pperde bilachipe, ta sar nasti achaven e bilache mislure kai si ande lende, 7sikon ta sikon a nikada ni acharen o chachipe. 8Ta sargo o Janes ta o Jambres#Ex 7.11-12,22; 9.11. kai ni kamle te cheren so ppenela o Moises, i gola llene ni kamen o chachipe. Gole llenengo mislo si pperdo bilachipe ta nikada ni barilo lengo pachape. 9Ni ka llan but mai angle, soke sa o sueto ka acharel kai si dile, isto sargo gola dui llene kai ni kamle te cheren so ppenda lenge o Moises.
So morabi te cherel o Timoteo
10A tu llane so me sikavau ta llane sar ziviu pala so llau, llane mo pachape, sar dau man vreme, mo volipe ta e zor kai si man te terpiu e nuzde, 11llane sar sema mardino ta savi patnia nakklem, ta sogo terpisardem ande Antiokia, ando Ikonio ta ande Listra.#Apost 13.14-52; Apost 14.8-20. ¡But maripe nakklem! A o Gazda ikanda man katar sa gola ezgode. 12Chachipe si kai sa e llene kai mangen te zivin ando pachape ta te aven pasa o Kristo Jesus ka aven mardine; 13a e bilache ta e kojamne ios mai bilache ka llal lenge, ka kojaven ta i von ka aven kojadine.
14Tu morabi te lla orta ande sa so sikilan, soke llane kai si chachipe. Tu llane katar sikilan gola ezgode. 15De tut golli kai sar kana sana minono pinllare o Pisipe, kai sai sikavel tut ta sai inllarel tut kai o zivoto ostade pala o pachape ando Kristo Jesus. 16Sa o Pisipe si cherdo katar e volia e Devleki, o Pisipe sikavel, ortol ta sikavel amen te avel amaro zivoto orta,#Ebr 4.12; 2 P 1.21. 17ta gia e llene kai radin e Devleke ka aven pperde katar o sikadipe, te sai cheren suako lachipe.
Currently Selected:
2 Timoteo 3: ROM07
Highlight
Share
Copy
Want to have your highlights saved across all your devices? Sign up or sign in
Nuevo Testamento en Romané © Sociedad Bíblica Chilena, 2007.