HABAKU 3
3
Habaku da" Akyu" Mho' Dang:
1He: zigi lapi: Habaku da" akyu" mho' dang: nghoid.
2O" Aseing we" ngoo gi nang koid bye: da" khyoo: ri shoug" gyoo: yoomo gyoug dain phau" myang: nyid.
Nang lhung koid da" gyi: thang moo" zoo" ri
akhid" ngoonu" da" pyaid moo we' doem toin" shed we'.
Nang gi nheig yoo: nau rilang"
ngoonu" ri nheig khyeug yu byid: shid" we'.
3Mangsoo gi Edom mung" mo doem lo nyid bye:.
Gyeung" shang: da" Mangsoo gi Paran bouggung joem mo re" lo nyid bye:.
Nya: da" phung" yoeb myonhoo: gi mougkhung: mougdi ri zeung" lhung to" lho:
mougmyid moo nyang: ri coung" nghei khyoo: yo' byeung" jo, bye:.
4Nyang: gi lhab' myeug da" bidbang yo' gyoo" lo wigi
nya: da" lo, mo lhab' myi: bang thu lo.
Houg: moo nya: da" yoem: so' ri nyhoem" shoung: to".
5Nyang: gi nya: shid moo noo phyoo" ri nhang: kaid lho:
nya: thang: moo shid: no zi cang nhang: da:.
6Nyang: yab lang" mougmyid gi nain" lo wigi
nyang: lheung: yu" kaid lang" byumyu" yi gyoug nain" nyid boem ago".
Apyaid atoo: mo boem joem gi gyam: sain" lo" lho:
goonham' nyang: lhung so" lid: lo" da" apyaid atoo: mo
bau gung joem we' noeb vang loo" bye:.
7Khusha byumyu" yi we' gyoug lo wigi
Midian mung" byu yi we' gyoug nain" nyid ziri ngoo myang bye:.
8 Aseing we"- gyid moo" lang joem gi nang ri nheig yoo: nau zi anghoid la".
Panglai gi nang ri nheig joem: yoo: nhang: bye: la".
Nang gi jhoemmoug" tho' moo zhung: jo, lho:
Uglid jhoemmoug" gi re" da" byumyu" yiri ung: doid nhang: wa shid re"
re" da" gyimyang: rheing" nghoid wa bye:.
9Nang gi re" da" lid: ri beig wa ga: soin' to" lho:
re" da" myookhaid joem ri beig wa jen" jen" nghoid bye:.
Re" da" lhab' myeug zigi mougmyid ri go, gyam: loo" nhang: bye:.
10Boem joem gi nang ri myang lang" gyoug nain" nyid boem bye:.
Gyid we' mougkhung: mo foid khyo' kaid bye:.
Hau: gyid gi mougmyid moo moug: bug loo" sho' myeung lho:
nyangnu" da" being lung" joem gi myhang: sho' to' lo boem bye:.
11Re" da" myoo: khaid joem zain loo" khare" uri
yi yi bang ziyo' lham: fu' joem kyi: jo, yoomo
bid yo' lhammoo" gi nya: joyoo moo theung: yab jo.
12Nang gi nheig yo: ziyo' mougmyid moo so" lid: lo" lho:
nang gi nheig joem: yo: ziyo' byumyu" yiri nang: pye" pyam' bye:.
13Nang gi re" da" byumyu" yo'
nang khyen: to" khokham ri khyoid yu wa shid re" thu loo" bye:.
Nang gi akhyeung" byu yi da" vhujhung: ri yug khyau" lho:
nya: thang: cang mo, ri jhoid said toem" pyam' bye:.
14Ngoonu" ri khaid sain" pyam' wa shid re" uglid zoo" su" re" lo lho:
gau" jo, da" asho" ajhen: bang: ri doin: zeig zo: su: yhang: ti"
gau yi nyid uri re" da" myoo: khaid joem gi hau: gyizoo: yi da" zoug: moo" ri beug kyang pyam' bye:.
15Nang gi re" da" myang: joem yo' panglai ri nang: pye" pyam' wigi
gyid mungdain: gi: nyoeb thu loo bye:.
16He: khyoo: dangain" ri ngoo shau" gyo: lho:
ngoo gi gyoug nain" nyid. Nga" nhoid yid we' gyoug wigi nain" nyid bye:.
Nga" gung du: gi ayo" dei loeb loo:
nga" khyid: we' khyid: vhu" thung" bye:.
Ngoonu" ri gyi zain: loo mo, ri Mangsoo gi dam byid: da" ayo, ju" loo wa shid re"
ngoo gi sam: zoo: lang" nyid wa nghoid.
17Lafoem gam joem gi ashi" azei:.
Zabyid nei joem moo we' zabyid shi" adab loug we'
zhainloin: shi" we' amoo wigi
tung yoo yoothung" moo gug zoo mei: loem: athu nghoid loug we'
yang joem dangain" we' shid: thang lho:
nu: khoem: joem we' akoem: nghoid jo, loug we'.
18Ngoo gi ngei pyo: gau yi nyid shi" wa zi nghoid.
Khasu" wim gari Aseing Mangsoo gi nga" khyoid yu su: nghoid.
19Myhang: thang yoem: so' bo Aseing gi ngoo ri yoem: vhoo" byid: nyid.
Nyang: gi ngoo ri shoocid: ri yhang: ti" khyid: khoo: ri: teing nhang: lho:
nyang: gi ngoo ri boem joem tho' moo gau: nyu: nhang:.
Currently Selected:
HABAKU 3: LCL
Highlight
Share
Copy
Want to have your highlights saved across all your devices? Sign up or sign in
Lacid Bible © Bible Society of Myanmar, 2009.