NAHUM 2
2
Nineveh A Siat
1Maw Nineveh, a lo siatsuahtu
dingin a lo do;
Raldonak ruhkulh in rak bawh uh;
Lamzin zoh ṭha uh, nan hnipuan
fektein hruk uh.
Nan cahnak le nan thazaang suah
thluh uh.
2Siatsuahtu pawl in an thilri an
ram ih an siatsuah ṭheh zo naón
Bawipa in Judah le Israel
sunlawinak cu a pe sal ding.
3An ral miralṭha pawl ih ralphaw
cu a sen;
An ralkap pawl cu senlaar in an
thuam aw;
An rangleng pawl raldo dingah
artlang ih an tiar awk tikah cun,
Meisa tleu vekin an tleu.
An rang pawl cu an dungke hnih
in an ding.
4An rangleng pawl cu khawsung
lamzin kaupi ah an pet ciamco;
Misenpi tonnak hmunah suk le so
ah an khir;
Meisa hlio vek an si,
Nimthlakau vekin an tle zukzo.
5A hleice ih hrilmi ral bawi
pawl an ko,
An nawt awknak ah an bah
phahphah.
Khawpi kulhnak phardawl lamah
an tlan,
Ral pawl in phardawl ihsin an run
den tikah,
A khamnak zamrang in an tuah.
6Tiva lam kapih kotka pawl cu bal
ṭheh an si;
Siangpahrang inn cu ṭihphannak
in a khat.
7Siangpahrang bawinu an kai,
A sal pawl cun thuro uuk bangin
an ṭah;
An riahsia in an awm an cuum.
8Tivapi an kham ih an dawlnak
a pah bangin,
Nineveh khawlipi sung in milai
an suak ciamco.
“Tlan hlah uh, tlan hlah uh,”
tiah an au,
Asinain zohman an kir duh
cuang lo.
9Ngun pawl ram ṭheh uh,
Sui pawl la ṭheh uh;
Hi khawlipi cu hlawnthil in a khat
ih cem ni a nei lo ding.
10Nineveh cu siatsuah ṭheh a si zo,
Tlansan mi le ramṭhing ah
a cang zo.
Mi thinlung a nau ih,
An khuk a ṭhia, an tha a cem,
An hmai a raam ṭheh.
11Khuiah so khawpi cu a um?
Kiosa kua vek a si mi khawpi,
Kiosa thuangte cawmnak hmun,
Kiosacang le a pinu an fehnak hmun,
Kiosa note tla an himnak khawpi
cu?
12Kiosacang in sa a deh,
A keu ih a bauhthlek ṭheh,
A pinu le a fanote pawl hrangah,
A kua cu bauhthlekmi sa in
a khat.
13 Bawipa in, “Keimah hi nan ral ka si. Nan rangleng pawl ka ur ṭheh ding. Ral kutah nan ralkap pawl an thi ding. Midang hnen ihsin nan lakmi cu nan hnen ihsin ka lak sal ṭheh ding. Na palai pawl ih ngenmi cu zohman in an thei nawn lo ding,” tiah a ti.
Currently Selected:
NAHUM 2: FCL
Highlight
Share
Copy
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.