Deoterônômy 2
2
1Avy eo niverin-dia kely isika, ka nandeha an-taniefitra nizotra ny lalana mankany amin’ny Ranomasin’ny Volotara#2.1 Jereo Nom 21.4., araka izay nolazain’ny TOMPO tamiko; ary naharitra ela ihany isika teny amin’ny manodidina ny tendrombohitra Sehîra.
Famakivakiana ny faritry ny Edômita sy ny Môabita ary ny Hamônita
2Dia niteny tamiko ny TOMPO nanao hoe: 3«Ampy izay nahateto amin’ny manodidina ity tendrombohitra ity izay, fa mizora mianavaratra ianareo. 4Koa izao no baiko homenao ny vahoaka: ‹Efa tomorinareo ny tanin’ny taranak’i Hesao havanareo izay eo amin’ny faritr’i Sehîra#2.4 Taranak’i Hesao: jereo Gen 36.8. –Sehîra: jereo 1.2 sy nta.. Atahorany ianareo; nefa mitandrema tsara 5mba tsy hila ady aminy, fa tsy hanomezako anareo ny taniny na eram-paladia akory aza, satria efa nomeko ho fananan’ny taranak’i Hesao ny faritra havoanan’i Sehîra. 6Koa ny sakafonareo hovidinareo vola aminy, ary na dia ny rano hosotroinareo aza.› 7Eny, Izaho TOMPO Andriamanitrareo efa nitahy anareo tamin’izay rehetra nataonareo. Fantatro ny nandehananareo namaky ity taniefitra midadasika ity; satria efapolo taona izay no momba anareo Aho TOMPO Andriamanitrareo, ka tsy nanan-java-mahory ianareo.»
8Dia nialantsika ny taranak’i Hesao havantsika mponina any Sehîra; nandalovantsika ny lalana amin’ny lohasaha Harabà, izany hoe ny lalana miakatra avy any Elata sy Hetsiôny-Gebera; ary nivily nihazo ny lalana mankany amin’ny taniefitr’i Môaba isika#2.8 Io lohasaha io dia ilay mampitohy ny Helodranomasina Akabà sy ny Ranomasina Maty. –Elata, Hetsiôny-Gebera: tanàna eo amin’ny tendron’ny Helodranomasina Akabà. –taniefitr’i Môaba: eo atsinanan’ny faritany Môaba.. 9Dia hoy ny TOMPO tamiko: «Aza mandrafy ny Môabita ianareo na mila ady aminy fa tsy hanomezako ho fanananareo ny taniny, satria ny faritr’i Hara dia nomeko ho fananan’ny taranak’i Lôta#2.9 I Hara dia tanàna ao Môaba; ka ny hoe faritr’i Hara dia manondro ny faritany Môaba. –Ireo taranak’i Lôta dia ny Môabita sy ny Hamônita; jereo Gen 19.37-38..»
10Ny mponina tao Môaba fahiny dia ny Emîta, izay firenena lehibe sy maro isa ary olona ranjanana tahaka ny Hanakita#2.10 Jereo Nom 13.22 sy nta.. 11Nisy nihevitra azy ireo ho Refaîta#2.11 Ny Refaîta dia mponina tranainy tao Kanahàna (jereo and 20-21)., tahaka ny Hanakita; fa ny Môabita no niantso azy hoe Emîta. 12Ny faritany Sehîra kosa fahiny dia nonenan’ny Hôrita, saingy ny taranak’i Hesao no nandroaka azy ka nandringana azy tsy ho eo anoloany ary nonina nisolo azy. Toy izany koa no nataon’ny Israelita teo amin’ny tany nomen’ny TOMPO azy ho fananany.
13«Ankehitriny, miaingà ianareo ka mandehana mita ny lohasahan-driaka Zahareda#2.13 I Zahareda dia ranon-driaka ao atsimo atsinanan’ny Ranomasina Maty sady mivarina ao amin’io ranomasina io..» Dia nita ny lohasahan-driaka Zahareda isika. 14Naharitra 38 taona ny diantsika niainga hatreo Kadesy-Barnea ka hatramin’ny nitantsika ny lohasahan-driaka Zahareda, izany hoe mandra-pahalany ritra tsy hisy eo an-toby intsony ny mpiantafika rehetra tamin’izany taranaka izany, araka izay efa nianianan’ny TOMPO taminy#2.14 Jereo Nom 14.28-35.. 15Ary ny TOMPO mihitsy no namely azy mba handringana azy tsy ho eo amin’ny toby, mandra-pahalany ritra azy.
16Rehefa lany ritra tsy teo anivon’ny vahoaka israelita intsony ny mpiantafika rehetra, 17dia niteny tamiko ny TOMPO nanao hoe: 18«Izao ianareo no hiampita ny sisintanin’i Môaba ka hamaky ny faritr’i Hara. 19Dia ho tonga ao akaikin’ny Hamônita ianareo, kanefa aza mandrafy azy na mila ady aminy; fa tsy hanomezako ho fanananareo ny taniny, satria nomeko ho fananan’ny taranak’i Lôta izany#2.19 Jereo and 9 sy nta..»
20(Nisy nihevitra izany faritany izany ho tanin’ny Refaîta. Fahiny manko dia nonina tao ny Refaîta izay nantsoin’ny Hamônita hoe Zamzomita. 21Firenena lehibe sy maro isa ary olona ranjanana tahaka ny Hanakita ireo, nefa naringan’ny TOMPO tsy ho eo anoloan’ny Hamônita; dia nandroaka ny Zamzomita ka nonina nisolo azy ny Hamônita. 22Toy izany koa no nataon’ny TOMPO ho an’ny Edômita taranak’i Hesao, izay nonina tany Sehîra, fa naringany tsy ho eo anoloan’ny Edômita ireo Hôrita; dia nandroaka ny Hôrita ny Edômita ka nonina nisolo azy mandraka androany. 23Ny amin’ny Havita izay nonina tamin’ireo tanàna mipaka hatrany Gazà kosa, dia ny Kaftôrita avy tany Kaftôra#2.23 Gazà: tanàna akaikin’ny morontsiraky ny Ranomasina Mediteranea, amin’iny atsimo andrefan’i Palestinina iny. –Kaftôra: jereo Jer 47.4 sy nta. no nandringana azy ka nonina nisolo azy.)
24Avy eo dia hoy ny TOMPO hoe: «Mitsangàna ianareo, miaingà ka mità ny lohasahan-driaka Arnôna. Jereonareo fa hatolotro eo an-tananareo i Sihôna, mpanjaka amôrita ao Hesbôna, mbamin’ny taniny. Santaro ny fakàna izany tany izany, ka tafiho i Sihôna! 25Manomboka anio, dia hataoko mahazo ny firenena rehetra ambany lanitra ny horohoro sy tahotra anareo; ka vantany vao reny ny lazanareo, dia hangovitra sy hipararetra noho ny aminareo izy.»
Fakana ny fanjakan’i Sihôna
26Avy teo an-taniefitra Kedemôta#2.26 Io taniefitra io dia eo avaratra andrefan’ny ranon-driaka Arnôna. no nandefasako iraka hankany amin’i Sihôna, mpanjaka tao Hesbôna, ombàn’ny teny fihavanana hoe: 27«Aoka mba hamaky ny taninao izahay; ny lalambe ihany no halehanay ka tsy hivilivily ho amin’ny ankavanana na ho amin’ny ankavia izahay. 28Hamidinao vola aminay ny hanin-kohaninay; hatakalonao vola aminay ny rano hosotroinay; ary handalo fotsiny mandeha an-tongotra izahay. 29Efa navelan’ireo taranak’i Hesao monina any Sehîra sy ireo Môabita monina any Hara hanao toy izany izahay#2.29 Sehîra: jereo 1.2 sy nta. –Hara: jereo and 9 sy nta.. Handalo fotsiny izahay mandra-pahatonganay eo amin’ny toerana hitànay ny ony Jôrdàna ho any amin’ny tany izay omen’ny TOMPO Andriamanitray anay.» 30Tsy nety namela antsika hamaky ny taniny anefa i Sihôna mpanjaka tao Hesbôna; fa ilay TOMPO Andriamanitrareo efa nahatonga azy hidrikina sy ho mafy fo mba hanolorany azy eo an-tananareo, tamin’izany andro izany. 31Dia niteny tamiko ny TOMPO hoe: «Jereo fa manomboka nanolotra an’i Sihôna sy ny taniny aminareo Aho. Santaro ny fakàna izany tany izany mba hanananareo azy.» 32Dia niainga i Sihôna mbamin’ny tafiny manontolo hiady amintsika tao Jahatsà, 33fa natolotry ny TOMPO Andriamanitsika ho eo ambany fahefàntsika ry i Sihôna sy ny zanany lahy mbamin’ny tafiny manontolo ka noresentsika. 34Ary afatsika tamin’izay ny tanànany rehetra, ka noravantsika tanteraka; naringantsika ny lehilahy mbamin’ny zaza amam-behivavy isan-tanàna ka tsy nasiantsika niangana na iray akory aza. 35Ny biby fiompiny sy ny fananany, tao amin’ny tanàna izay afatsika ihany, no nobabointsika. 36Manomboka hatreo Harôhera izay amoron’ny lohasahan-driaka Arnôna sy ilay tanàna hafa anatin’io lohasaha io ihany, ka miafara any Gilehada, dia tsy nisy tanàna tsy afatsika; fa natolotry ny TOMPO Andriamanitsika eo ambany fahefàntsika ny tanàna rehetra. 37Kanefa ny tanin’ny Hamônita kosa tsy nakekezintsika, dia ny faritra rehetra manamorona ny lohasahan-driaka Jabôka sy ireo tanàna ao amin’ny havoana, toy ny toerana rehetra nosakanan’ny TOMPO Andriamanitsika tsy hakekezintsika.
Currently Selected:
Deoterônômy 2: DIEMDC
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.