Salmos 2
2
Sc'oplal yabtel boch'o t'ujbil yu'un Ch'ul Dios
1¿C'u yu'un ti xvochlajetic no'ox ta xchapanel c'usi tspasic li yantic lumetique?
¿C'u yu'un ti svislajetic no'ox ta snopel li c'usi mu'yuc stue?
2Li ajvaliletic xchi'uc banquilaletic li' ta banamile tstoy sbaic;
jmoj tsnopic ti tscontrainic li Muc'ul Diose xchi'uc li ajvalil st'ujoje.#Hch 4.25-26.
3Jech ch-avanic:
“Jtuch'betic li scadenaique;
jtituntic li ch'ojon ti xchucojutic oe”, xiic.
4Pero li Cajval te nacal ta vinajele stse'in no'ox yu'un li c'usi chalique.#Sal 59.8.
5Ts'acal chlic ilinuc ta stojol, chlic sc'aq'uetan ta sc'ac'al yo'nton
jech chalbe:
6“Laj xa cac'be yabtel li ajvalil cu'une;
laj xa jnacan te ta Sión,#2.6 Sión Q'uelo Glosario. ja' li ch'ul vits cu'une”, xut.
7Vu'un ta jvinajes c'usi snopoj li Muc'ul Diose,
jech yalojbun: “Vo'ot jnich'onot;
ja' to laj cac' ta ilel ti vo'ot Jnich'onote.#Hch 13.33; Heb 1.5; 5.5.
8C'anbun, vu'un chacac'bot avu'unin li banamiletique,
chacac'bot c'alal to ta sti'iltac li banamile.
9Lajesbo stsatsalic ta ataq'uinal vaston li ajvaliletic li' ta banamile.#Ap 2.26-27; 12.5; 19.15.
Biq'uitic xalilin jech chac c'u cha'al bin patbil ta lum”, xi.
10Ja' yu'un, ajvaliletic, bijanic me;
jpasmantaletic ta banamil, ch'unic me li tojobtasele.
11Tunanic me yu'un li Muc'ul Diose, ich'ic me ta muc';
biq'uit me xavac' abaic ta stojol.
12Yu'un jech mu x'ilin ta atojolic, naca me chamanic ta be yu'un;
yu'un mu vocoluc xu' tstsan li sc'ac'al yo'ntone.
Xcuxet no'ox yo'nton li boch'otic ja' spatoj yo'ntonic yu'une.
Currently Selected:
Salmos 2: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.