JUDIT 16
16
Q'ueoj yu'un Judit
1“Q'uejintaic ta vobetic li Dios cu'une,
toyic ta sepsep taq'uin li Cajvaltique,
t'abbeic sbi,#Ex 15.1-2; Jue 5.2-3. la'etanic no'ox ta ach' q'ueojetic.
2Li Cajvaltique ja' Muc'ul Dios ti xu' yu'un ta slajes li c'ope.
Te oy ta scarpanaic, ta o'lol steclumal Israel
yo' jech la sloq'uesun ta sc'obic li j'uts'intavanejetique.
3Ta toyolaltic ta stuq'uil norte italic li asiriaetique;
te ic'ot ta Asur ven ep yajsoldadoic, mu stac' atel.
Li epal soldadoetique la smaquic li xtuch'ubil uc'umetique.
Li sca'ique la smac scotol li tseltseltique.
4Isibtasvanic, laj yalic ti tsc'an ta xchiq'uic li cosilaltique,
tsc'an ta smilic ta espada li queremtique
tsc'an ta xpech'ic comel ta teq'uel ta banamil li nene'etique,
tsc'an tspojbutic batel li ololetique
xchi'uc tspojbutic batel li tsebetic cu'untique.
5¡Pero li Cajvaltic ti scotol xu' yu'une
ta sc'ob jun ants la smacbe li c'usi xchapojique!
6Muc ta sc'obuc querem soldadoetic icham li boch'o xu' yu'un yaloje.
Muc ta xnich'nabuc natil viniquetic iyayij.
Muc ta muc'tiquil tsatsal viniqueticuc tsalbil icom.
Ja' ta st'ujumal#Jue 4.9; 5.24-27. no'ox sat Judit, stseb Merari ti tsalbil icom yu'une.
7La sloc' li sc'u' spoc' sventa at-o'ntonal, me'nale,
yo' xu' ta stsatsubtasbe yo'ntonic li boch'otic oyic ta vocolil te ta Israele.
La xjaxbe muil poxil li sate,
8la xpech' lec sjol, laj yac'be lec xnichimal pasbil ta lequil tonetic,
la slap sc'u' spoc' pasbil ta lino no sventa ta xlo'lavan.
9Ja' xch'ayubil o'ntonal ic'ot li st'ujumal xonobe,
ja' te bat sat xchi'uquic li st'ujumale, ja' te ibat xch'ulel xchi'uquic,
ja' yu'un ta c'un no'ox la sc'ocbe snuc' ta espada.
10Li persaetique toj xi'el ic'otic yu'un ti c'usi tsots ic'ot ta pasele;
li medoetique toj ch'ayel ic'ot yo'ntonic yu'un li stsatsal yo'ntone.
11Ja' yu'un li jchi'iltac ti toj abul sbaique lic avanicuc,
la sibtasic li cajcontrataque;
i'avanic li boch'o mu xu' yu'unique,
jech iniquic ta xi'el li j'uts'intavanejetique.
C'alal i'avanic li cu'untaque,
ijatovic batel li jcontrainvanejetique.
12Li yalab quiaraetique, ja' la spajbeic espada,
yayijem icom yu'unic c'u cha'al yol xnich'nab jatoviletic;
i'ulesatic o ta c'op yu'un li Cajvale.
13Ta jq'uejinta ta ach' q'ueoj#Sal 96.1. li Muc'ul Dios cu'une:
Cajval, toj ech'em amuc'ul, toj ech'em alequilal avutsilal,
toj labal sba li atsatsale mu'yuc boch'o xu' stsal.
14Ac'o tunicuc ta atojol scotol li c'usitic apasoje,
ta jbel no'ox ac'op i'ayin avu'un;
laj atac tal li yic'al avee jech ic'ot ta pasel avu'un,
mu'yuc boch'o xu' yu'un tspajes li c'usi chavale.#Cf. Sal 33.6,9; 148.5; Est (dc) 4.17b-c.
15Xu' avu'un chaniques li nab xchi'uc li snacleb toyolaltique,
Li tonetique ja' no'ox jech chavunijes jech chac c'u cha'al chab,
pero li boch'otic chayich'icot ta muq'ue, lec c'ux ta avo'nton.#Jue 5.5; Sal 97.5.
16Ja' jutuc no'ox sc'oplal chc'ot li chic'bil matanal ti lec mu yiq'ue,
ja' mu tsotsuc sc'oplal xc'ot li xepual chic'bil matanale;
yan li boch'otic chayich'icot ta muq'ue sbatel osil muc' sc'oplalic o.#Cf. 1 S 15.22; Sal 40.6-8; 51.16-17; Os 6.6.
17¡Toj abul sbaic li yantic lumetic ti tal sa'ic ta c'op li jteclumale!
Li Cajval ti toj ech'em xu' yu'une,
ja' ta xac'be stoj smulic ti c'alal me sta sc'ac'alil ta xchapanvane;
ta stic'be ta c'oc' li sbec'talique,
ta xac'be ta sve'el xuvit, jech x'ayetic o ta xc'uxul sbatel osil”,#Jue 5.31. xi.
18C'alal ic'otic ta Jerusalene, la stojbeic ta vocol li Diose. C'alal laj yac' sbaic ta lecubtasel scotolique, laj yaq'uic chic'bil matanaletic xchi'uc yantic matanaletic ti ta slequil yo'nton ta xaq'uique.
Slajeb lo'il
19Li Judite laj yac'be ta smoton Dios scotol li c'usi yich'ojbe Holofernes ti iq'uelanbat yu'un xchi'iltaque, xchi'uc laj yac'be Dios li jayalpoc' smac svayab Holofernes ti la sloq'uesbe tale. 20Oxib u te icomic ta Jerusalén scotol li cristianoetique te la spasic q'uin ta ch'ulna, te oy ec li Judite. 21C'alal laj li q'uine, ta jujuntal isutic batel ta slumalic. Li Judite isut batel ta Betulia, bat sq'uel li c'usitic oy yu'une. Ja' jech ora ipuc sc'oplal o ti jayib c'ac'al cuxule. Ep iyich' ich'el ta muc'. 22Li Judite ep to iyich' jaq'uel, pero muc xa xmalij o. Ja' no'ox jun smalal Manasés ti icham yu'une, xchi'uc ti te imucat yo' bu mucul li xchi'iltaque. 23Icuxi vo'ob svacvinic (105) jabil, te imelub o ta sna li anima smalale. La scolta batel li squiarae. Te icham ta Betulia, te bat smuquic ta smuquinal li anima smalal Manasese. 24Li israeletique vucub c'ac'al laj yoq'uitaic. C'alal sc'an to'ox xchame, la spuc li c'usi oy yu'une, ja' laj yac'be li yuts' yalaltac li anima smalale, ja' li Manasese, xchi'uc li yuts' yalaltac stuque. 25Ti jayib c'ac'al cuxule xchi'uc ts'acal c'alal chamen xa'ox ep jabile, mu'yuc boch'o xa xu' tstic' sba ta yuts'intael li israeletique.#Jue 3.11,30; 5.31; 8.28.
Currently Selected:
JUDIT 16: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.