Hechos HECHOS
HECHOS
Li vun li'i ja' sbi “Hechos de los Apóstoles”. Yu'un ja' li' chvinaj c'usi la spasic li yajtacbolaltac Jesuse. Ac'o me mu scotoluc yajchanc'optac Cajvaltic li' chvinaj sbiic, pero co'ol yabtelic ic'ot. Yu'un ja' no'ox ep chvinaj sc'oplal yabtel Pedro xchi'uc Juan. Ts'acal te chvinaj sc'oplal Esteban, Felipe, Pablo, Bernabé ti muc ja'uc li lajchab yajchanc'op Jesuse. Ja' yu'un oy ep boch'otic jech chac'beic sbi noxtoc li vun li'i: “C'usitic la spas Ch'ul Espíritu” xi, yu'un ja' Ch'ul Espíritu la stac batel, la stojobtas ta abtel li yajtacbolaltac Jesuse.
Li vun li'i ja' tsts'ac batel c'usi chal li svun Lucase (q'uelo Hch 1.1,2; Lc 1.1-4). Ja' tsts'ac batel c'usitic ic'ot ta pasel c'alal muyem xa'ox batel ta vinajel li Jesuse, xchi'uc c'u x'elan i'epaj li sba jch'unolajeletic c'alal la xchol sc'op Dios li Pedroe. Yu'un laj yilbeic stsatsal Dios ti c'alal iyal tal ta stojolic li Ch'ul Espiritue xchi'uc ti c'alal lic c'opojicuc ta jujuchop c'op li yajtacbolaltac Jesuse, xchi'uc ti laj ya'yic ta sc'op stuquic ta jujun slumalic c'usi laj yal li jcholc'opetique. Xchi'uc ja' li' chvinaj c'u x'elan lic xchol sc'op Dios ta stojol yanlum cristianoetic li Pabloe, ja' li Saulo to'ox sbi te voq'uem ta lum Tarsoe, xchi'uc c'u x'elan ic'ot xchol Lequil A'yej c'alal ta Roma. Ja' li' chalbe ep sc'oplal c'u x'elan ipuc sc'op Dios ta stojol li yanlum cristianoetique. Li Pabloe ja' muc'ta jcholc'op yu'un yanlum cristianoetic ic'ot, yu'un ja' jech i'ac'bat yabtel yu'un Dios ti c'alal ijelbat yo'nton ta sbelal Damascoe.
¿Boch'o la sts'iba li vun li'i, xchi'uc c'usi ora laj yich' ts'ibael? Ta sventa ti ja' xchi'il sbaic xchi'uc li svun Lucase, ja' yu'un ja' yajval noxtoc li Lucase (q'uelo Hch 16.10), yu'un ja' chlic sc'opan yan velta li Teófilo ti tsots yabtel yich'oje. Ja' chalbe batel ti muc teuc no'ox ilaj sc'oplal o c'usi ic'ot ta pasel c'alal imuy batel ta vinajel li Jesuse.
Li c'usi ora laj yich' ts'ibaele oy chalic ti laj yich' ts'ibael ta oxvinic c'alal ta lajuneb xchanvinic (60-70 d.C.) jabil svoq'uel ta banamil li Jesucristoe. Oy yantic chalic ti laj yich' ts'ibael ta chanvinic c'alal ta lajuneb yo'vinic (80-90 d.C.) jabil svoq'uel ta banamil li Jesucristoe. Ja'o ti c'alal i'ech' xa'ox jayibuc c'ac'al laj yich' ts'ibael li svun Lucase.
Li vun li'i voc'bil ta chanvoc':
I.
Ta cap. 1: Laj yich' comel yabtelic li yajtacbolaltac Jesuse, xchi'uc laj yilic itoy batel ta vinajel, xchi'uc la st'ujbeic xq'uexol li Judase.
II.
Ta cap. 2—8.3: Laj yich' cholel sc'op Dios ta lum Jerusalén.
III.
Ta cap. 8.4—9: Laj yich' cholel sc'op Dios ta Samaria xchi'uc ta Judea.
IV.
Ta cap. 10—28: Laj yich' cholbel sc'op Dios yanlum cristianoetic.
A. Ta cap. 10—12: Sc'oplal c'usi ic'ot ta pasel ba'yuc c'alal lic yich' c'uxubinel li yanlum cristianoetique.
B. Ta cap. 13—14: Sba velta iloc' ta xcholel sc'op Dios ta stojol yanlum cristianoetic li Pabloe.
C. Ta cap. 15.1-35: La stsob sbaic ta Jerusalén sventa chchapanic c'op.
D. Ta cap. 15.36—18.22: Xchibal velta iloc' ta xcholel sc'op Dios Pablo.
E. Ta cap. 18.23—21.23: Yoxibal velta iloc' ta xcholel sc'op Dios Pablo.
F. Ta cap. 21.17—28: Laj yich' chuquel ta Jerusalén li Pabloe, ibat c'alal ta Roma.
Currently Selected:
Hechos HECHOS: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.