MATHE Dangphank
Dangphank
Mathe dah Gausyis Dang khyvlyis, Yesu gas dangthoengh toh dah khyuot yoeus soeu nghuot. Mangso ka thanghchvp cauh mas nyah dius jens lyis thoengh toh dah dangthoengh lyis Yesu masyah nyuk los nhang. Yesu khoeu lha dvgeh nyeis los dah Yuda dius jens nyhenshang kyingh ma nghuot. Mungkvn gonh nyhenshang nghuot.
Mathe gas vlhomuh vshung vgvn toeuq toh. Yesu khoeu los cho yah xi lha, jeisnyhop kham cho, shiwu xauh cho phui kyoh. Hauh thang lhyi Nyang Galile mau mas nyah dah taiq hoeuh muh, jyauh muh, nos bang lyis gis los nhang cho kuot. Hauh cho tsain dye lyis, Galile masyah Yerusalem pheh Yesu dah gyung cho lhaih comh toh. Hou mhayah thang thank vdaus lyis Yesu mas bweh lai loh cho, nyah tapzains lhangh cho yahge dwis toq cho yah vthang sau toh.
Gausyis Dang gas Yesu gas svra zainsmuh nghuot cho chixoeuq. Nyang gas Mangso dah lyi taiq kyoh das toeuh yoh soeu, Mangso dah munghdan cho jyauh soeu nghuot. Nyang jyauh yvmas vgungs toh zis oeng ja bos. 1. Boms thoq mas jyauh cho: Maukhung munghdan dius jens dah wotwu, yvwons, toeuh yahge toeuqkhom yah sen cho tsain nghuot. (sonzoh 5-7) 2. Changlo jens dvci aiq yuk dah muhzoh lyis taiq shet. (sonzoh 10) 3. Maukhung munghdan cho dangtoeuq. (sonzoh 13) 4. Changlo duot cho dah vjyuk lyis jyauh. (sonzoh 18) 5. Mungkvn thank das cho yahge Mangso munghdan jweh los das cho jyauh (sonzoh 24-25).
Danggvn
Phauh thyeih sungson yahge Yesu khoeu los cho. 1:1-2:23
Jeisnyhop Yohan dah muhzoh. 3:1-12
Yesu jeisnyhop kham cho yahge shiwu xauh cho 3:13-4:11
Yesu Galile mas muh zwi cho 4:12-18: 35
Galile masyah Yerusalem pheh 19:1-20:34
Thang thank vdaus - Yerusalem nvm mas 21:1-27:66
Yhensain dah Dwis toq cho yahge Thuq xoeuq cho 28:1-20
Currently Selected:
MATHE Dangphank: NCB
Highlight
Share
Copy
Want to have your highlights saved across all your devices? Sign up or sign in
Ngochang Common Language Bible © Bible Society of Myanmar, 2010.