YONA Dangphank
Dangphank
Yona buk gas Jyomp maussauh mas bos dah gohtoeu lvpe jens buk yah ma doeusgoh. Khasoeh ge lyis haih buk mas Mangso Dang lyis domsyos ma gyo soeu lvpe dvyuk dah thunghphuh kham zo cho lhyi mvnyei khyvlyis lhaih xoeuq toh yvmvyah nghuot. Mangso ka Yona lyis, Israel jens dah jeswus Asiria hwankti zainsmuh dah wus, Ninewe pheh loh nhang. Nghuot laus eq Mangso ka hauh wus lyis joeng das ge taiq zis yah dvyhangteh, kuot das zis ma nghuot yvlyis seq las, Yona gas Mangso dah zaudang lyis taiq hoeuh das xiklyis ma mes loh. Nyang gas nhaiq wvng phoh dah bweh cho vja ja yah thunghphuh thang lhyi, Mangso dah zaudang lyis ma mes zis yah tungh loh. Nghuot laus eq thang thank lyis nyang taiq khoq vgus, Ninewe wus bang joeng zis ma xauh goeus ya, nyang nhaiq koeuh nyeis.
Haih buk mas Mangso ka nyang gvnkhanh zis dvnganh lyis guon dah vsain nghuot yvlyis nyvng nhang. Haih buk gas Mangso lhyi nhaiqnyen shohgyo soeu khyvlyis bvng bvng nyvng shoq chixoeuq. Mangso khyen yoeus dah Israel vnyau dah jeswus lyis shei dom nhang das gungsthaiq, yobos khyuot dyei las khyuot yoeus dah vsain nghuot.
Danggvn
Yona lyis khyen lui zis yahge domsyos ma gyo cho 1:1-17
Yona nhaiqlom thaiq cho yahge luiq los cho 2:1-18
Yona Ninewe wus mas taiq hoeuh 3:1-10
Ninewe wus thoq mas Mangso dah nhaiqnyen cho 4:1-11
Currently Selected:
YONA Dangphank: NCB
Highlight
Share
Copy
Want to have your highlights saved across all your devices? Sign up or sign in
Ngochang Common Language Bible © Bible Society of Myanmar, 2010.