YONA 4
4
Yona Nhaiqyo, Mangso Sainhnos
1Haih cho gvng mas Yona gas ehnyet svsoh ma tap las nhaiqyo nyeis. 2Housoeh las nyang Yhensain lhyi shvmanh dung zis gas, Yhensain eh, ngos ngah mau mas nyeis shih lyis yah ngos nvng lyis taiq goeus ma nghuot lhyeh? Nvng gas jyetdap zis yahge nhaiq seq nyen dah Mangso, khanhamp eq nhaiqlom xing, pangh, nhaiqlom thaiq bang lyis yobos khyuot dyei dah Mangso nghuot yvlyis ngos seq. Housoeh yvmvyah ngos cangxeih lyis Tarshi pheh phang loh.#Dyu 34.6 3Yhensain eh, gvshih gas ngah kang lhyi yoeus tyamp dyei aq; dwis nyeis das thoq lyis shei zis gas ngah xiklyis zes gis, ge.#1Hw 19.4
4 Yhensain phuk taiq zis gas, Nvng nhaiqyo zis jus lhyeh, ge.
5Yona gas wus mas cha bweh los das zis nyvng das xiklyis, wus dah buisthuq shot pheh e thuq tsung toh. Hauh thang lhyi nyah xiklyis zvng kuot las houmha tsung toh. 6Yhensain Mangso eq whom nwis dvzains yuk nhang lha Yona dah ehnyet lhoq ngon das xiklyis nyah uhloms mas mau toh dyei. Yona hauh whom nwis zains gvng mas svsoh pyo nyeis. 7Nungsnvp nyoqnyvng los lyis Mangso sont toh dah bau dvdoeu whom nwis lyis ngat dyei las hauh zis nyhauh loh. 8Buis canh los lyis Mangso ka gywes dah buisthuq lyeis nhang kat las, Yona uhloms mas buis ngeh yvmvyah nyungdaus las shei mes ehnyet bos los. Housoeh las nyang taiq zis gas, Dwis nyeis thoq lyis shei tyamp zis gas ngah xiklyis zes gis, ge.
9Nghuot laus eq Mangso Yona lyis taiq zis gas, Nvng hai whom nwis gvng mas hou iq nhaiq gis yo lhyeh, ge nyei lyis, nyang gas, Ngos shei shoq nhaiqyo gis, ge.
10Housoeh Yhensain taiq zis gas, Nvng ma kuot khyik, xoh eq ma xoh khyik, dvnyens dvm lyis yuk las dvnyens dvm lyis shei loh dah whom nwis lyis nvng yu. 11Ngos gas nyamoq nyang loqyos loq yahge loqwi loq lyis yangh ma seq gvn bang, dius dvsens aiq mons yahge gaunyhauq nyoshoq nyeis dah Ninewe wusmuh lyis zes yu gis ma nghuot lhyeh, ge.
Currently Selected:
YONA 4: NCB
Highlight
Share
Copy
Want to have your highlights saved across all your devices? Sign up or sign in
Ngochang Common Language Bible © Bible Society of Myanmar, 2010.