GALATI Dangphank
Dangphank
Yhensain Yesu cho Gausyis Dang lyis taiq kyoh zis yah Yuda dius jens ma nghuot bang lomsjingh los lyis, jyoeng dah Khristan dvyuk bweh das nyhenshang Moshe dah Lyi lyis domsyos gyo chah, ma gyo noh ge dah nyeidang soe thuq los. Lvgyo Paulo gas, Hauh Lyi ma chank noh: Khristu mas kang dwis das xiklyis goeng toenk dah vpom dvkoeuq dvnghuot. Houka Yhensain Yesu lyis lomsjingh cho nghuot. Hauh cho yah kyingh dius gas Mangso dah xikkhonh mas dan soeu ge suon dyei zis yah lhom yoeus nyeis, ge dah cho lhyi taiq kyoh nyeis. Nghuot laus eq Asia ngis mau, Roma wuxom Galati mau mas joq dah phung jens mas Paulo lyis tyi bang los las, dius dvyuk gas Mangso dah xikkhonh mas dan soeu duot das nyhenshang Moshe dah Lyi chank chah, ge tsain chank taiq.
Housoeh shuot dah jyauh cho mha chowhang shwih whang zis xauh bang lyis jyoeng dah lomsjingh cho yahge chank kuot cho pheh doms shwih tauh los das xiklyis hai lvgyo Paulo dah Galati bang lyis huon maussauh lyis, nyang Korinthu wus mas no nyeis uhlyis (A.D. 56-57) nyang nyang lhaih. Lvgyo Paulo gas Khristu dah lvgyo dvyuk nghuot ge lui dah toeuh yoh soeu nghuot yvlyis gos khyvlyis taiq phui nyeis. Dius dah toeuh yah ma nghuot, Mangso dah toeuh yah lvgyo kuot nhang toh zis xauh goeus cho yahge nyang lyis lhyenwhei kyauh toh dah wons wuq das muh gas Yuda dius ma nghuot bang jyank mas sasvna loh das xiklyis nghuot cho lhyi yomkat taiq. Hauh thang lhyi dius gas lomsjingh zis yah Mangso xikkhonh mas dan ge suon dyei zis xauh cho lhyi vgungs toh las xing xing phui kyoh. Dang thang sau yvmas, Khristan dah wotwu ge zis gas Khristu lhyi lomsjingh gvng mas yoh dah jyetdap ehnyet masyah yaus thuq los zis nghuot yvlyis phui kyoh.
Danggvn
Dangphank 1:1-10
Lvgyo khyvlyis Lvgyo Paulo yoh dah toeuh 1:11-2:21
Mangso dah jyehjuh cho Gausyis Loeus 3:1-4:31
Khristan dah luiq cho yahge yvwons 5:1-6:10
Dang thang sau 6:11-18
Currently Selected:
GALATI Dangphank: NCB
Highlight
Share
Copy
Want to have your highlights saved across all your devices? Sign up or sign in
Ngochang Common Language Bible © Bible Society of Myanmar, 2010.