LYI Dangphank
Dangphank
Lyi Doms Taiq buk gas Israel jens Mhanhdyvp sihyos cho xing dye suh lai dah vthang mha, Khanan mau mas wvng nyeis bah ge shishenh, Moab pa mha thoeng nyeis uhlyis Moshe nyamoq lyis taiq dah dang lyis lhaih comh toh dah vbuk nghuot. Haih buk mas bos las yhaugyen comh toh cho o mha taiq toh. (1) Moshe ka lai loh goeus 40 zvn gyo lyis bvng bvng nghuot dah bweh cho taiq thuq toh. Mangso ka mhanhdyvp sihyos dvcho gonh nyamoq lyis cho khasoeh shwih los yvlyis soh das cho yahge Mangso tyingtoh dang lyis domsyos gyo las dang jings das xiklyis Moshe taiq kyingh toh. (2) Moshe ka Tyingtoh Lyi 10 lhyi doms yoeuh las Yhensain lhyi kyingh paiq chah ge dah cangxeih lyi dah taiq mes cho lhyi vjyuk phui kyoh toh. Hauh thang lhyi dyei das ge dangthoengh toh dah mau mas Israel jens chank das lyi lyis doms phui kyoh. ( 3) Moshe ka Mangso nyamoq yah toh dah thanghchvp vjyuk nyamoq lyis doms soh nhang lha hau thanghchvp yah dvyhangteh chank das ge rhen cho vsaiq xiklyis taiq kyingh. (4) Yoshua lyis Mangso dius jens dah uhshe soeu tsoq kuot loh das xiklyis gyamh huon yvwons dyei. Moshe ka Mangso dah wontang cho lhyi chunghthwe kat pwe kuot thang lhyi, Israel jens lyis shvmanh dyei. Moshe ka Yodan lvng buisthuq shot Moab mau mas shei.
Haih buk dah toeuqkhom vgungs gas, Mangso ka nyang jyet las khyen yoeus dah dius nyau lyis khyuot yoeus las shvmanh dyei. Nyah dius jens gas haih zis soh las jyet zis yah nyah domsyos gyo chah. Housoeh lyis nyamoq kang dwis las shvmanh yoh das.
Sonzoh 6:4-6 gas dangsoenk nghuot. Yesu gas tyingtoh dang dvnganh mas kuh thank tyingtoh dang ge lui dah,Yhensainnah Mangso lhyi nah nhaiqlom dvnganh yah, nah ehnyet dvnganh yah, nah yom dvnganh yah jyetdap aq, ge zis heimha nyvng.
Danggvn
Cangxeih Moshe taiq dang 1:1-4:49
Aiq vlhain Moshe taiq dang 5:1-26:19
a. Tyingtoh dang 10 5:1-10:22
b. Lyi yahge zaih nhang cho 11:1-26:19
Khanan wvng das cho taiq shet 27:1-28:68
Thanghchvp vsaiq doms kuot 29:1-30:20
Moshe dah thang thank dang 31:1-33:29
Moshe shei 34:1-12
Currently Selected:
LYI Dangphank: NCB
Highlight
Share
Copy
Want to have your highlights saved across all your devices? Sign up or sign in
Ngochang Common Language Bible © Bible Society of Myanmar, 2010.