LVGYO Dangphank
Dangphank
Lvgyo maussauh gas Luka lhaih, Loeus Gis dah vtsoq nghuot. Lvgyo maussauh dah nghamh toeuq cho vgungs gas Cangxeih dah changlo jens gas Gyingshang Dyos yah shwih uhshe zis yah Yerusalem, Yuda mau, Samari mau yahge nyeisjvng goms shoq Yesu dah cho Loeus Gis lyis taiq hoeuh cho lhyi taiq kyoh (1:8). Lvgyo maussauh mas bos dah cho mha Khristan sasvna gas Yuda vnyau masyah xi lha mungkvn sasvna bweh los cho nghuot. Khristan jens gas Roma munghdan dah sam cho lhyi kyuk tant bang ma nghuot yvlyis eq, Khristan dah lomsnoq cho ka Yuda lomsnoq cho lhyi dyinghjet nhang dah lomsnoq cho nghuot yvlyis eq nghap bang vlhomuh seq gyo das nyhenshang eq lhaih soeu nghamh toeuq cho bos.
Yesu dah Gausyis Loeus lyis taiq hoeuh las phung bweh los dah joqyos gas je los nyeis cho lhyi taiq kyoh khyvlyis hai Lvgyo Maussauh lyis somh doeus yoh gvn. Houka (1) Yesu maukhung mha doq loh thang lhyi Yerusalem wus mas Khristan sasvna xi los cho, (2) Palestine mau gohtoeu joqyos mas je los cho, (3) Roma wus jweh shoq dah Thomhmuh vyvm vwi mau mas je los cho tsain nghuot.
Lvgyo maussauh mas bos dah yhaugyen cho dvkoeuq gas, Pentekoti pwe nyeih lyis Yerusalem wus mas lomsjingh bang thoq mas yomsoq yah jweh los dah Gyingshang Dyos dah muhzoh cho nghuot. Housoeh jweh los dah Gyingshang Dyos gas hauh uhlyis dah phung yahge phung uhshe bang lyis yomdyei las cho shwih she yvlyis chixoeuq toh. Cangxeih yoq lyis dah Khristan Loeus lyis hai Lvgyo buk mas bos dah Gausyis Loeus taiq yvmas yoh nyvng. Yesu lyis lomsjingh bang dah kang dwis cho yahge phung dius jens dah zomh cho ka haih Loeus dah yomsoq nghuot yvlyis kanghjyoeng kat toh.
Danggvn
Kanghjyoeng xiklyis sont 1:1-26
a. Yesu dah thang thank tying dang yahge dangthoengh 1:1-14
b. Yudas gungsthaiq 1:15-26
Yerusalem mas Yesu loeus taiq hoeuh 2:1-8:3
Yuda mau yahge Samari mau mas taiq hoeuh 8:4-12:25
Paulo muh wons cho 13:1-28:31
a. Cangxeih Sasvna gyung 13:1-14:28
b. Yerusalem mas phung jens kyoh huom 15:1-35
c. Aiq vlhain Sasvna gyung 15:36-18:22
d. Somh vlhain Sasvna gyung 18:23-21:16
e. Yerusalem, Kesare yahge Roma mas Paulo thung lungh 21:17-28:31
Currently Selected:
LVGYO Dangphank: NCB
Highlight
Share
Copy
Want to have your highlights saved across all your devices? Sign up or sign in
Ngochang Common Language Bible © Bible Society of Myanmar, 2010.