JONA EFALOMO
EFALOMO
Embo lyaJona olya yooloka komambo omakwawo gaaprofeti yOmbiimbeli, molwashoka lyo ehokololo tali hokolola olweendo oludhigu lwomuprofeti ngoka a kambadhala okutinda elombwelo lyaKalunga. Kalunga okwe mu tumu a ye kuNinive, oshilandopangelo shepangelo enene lyaAssur, omutondi omunene gwaIsrael. Ihe Jona ina hala okuya ko netumwalaka lyaKalunga, oshoka okwa li a tompelwa nokutya Kalunga ita ka tsakanitha shoka a dhiladhila, a hanagule po oshilando. Konima yiiningwanima yimwe ya landulathana, Jona okwa vulika nolwahugunina etumwalaka lye lyepangulo sho inaali tsakanithwa, okwa ningi omwenyo omwiinayi.
Embo otali ulike epangelo lyaKalunga lyuudhilila kombanda yeshito lye. Ihe kombanda yaashihe, otali ulike Kalunga e li Kalunga kohole nokesilohenda, ngoka ta dhimine po nokuhupitha naatondi yoshigwana she, peha lyoku ya geela noku ya hanagula po.
Elandulathano lyoshikalimo
Eithano lyaJona netindo 1:1-17
Eitedhululo lyaJona nokuhupithwa kwe 2:1-10
Etumwalaka lyaJona kAaninive 3:1-10
Esilohenda lyaKalunga kAaninive 4: 1-11
Currently Selected:
JONA EFALOMO: ONDB
Highlight
Share
Copy
Want to have your highlights saved across all your devices? Sign up or sign in
Oshindonga Bible © Bible Society of Namibia, 2008.