EKSODUS EFALOMO
EFALOMO
Edhina Eksodus otali ti etembu (ezemo) notali ulike kiiningwanima ya simana mondjokonona yaIsrael, mbyono ya hokololwa membo ndika; etembu lyAaisraeli oku za muEgipiti mono kwa li ya kala aapika. Embo oli na iitopolwa, itatu ya simana: (1) Embo otali hokolola etembu lyaana yaJakob okuza muEgipiti mewiliko lyaMoses naAaron. Omuwa okwa hupitha mo oshigwana she muupika waFarao, ngaashi omukwaniilwa kehe Omuegipiti a lukwa. Okwa hepeke Aaisraeli, ihe Omuwa Kalunga sho e mu hololele oonkondo dhe, okwe etha Aaisraeli ya ye, nonando okwe ke ya landula e ta sile mefuta. (2) Kalunga okwa sile aantu ye oshimpwiyu nokwe ya wilike sigo opondundu Sinai, mpoka a hangana nayo e te ya pe iipango omulongo. Sho ya yono ehangano ndika nokwiiningila iikalunga noku yi tsila oongolo, Kalunga okwe ya etha. (3) PuSinai Omuwa okwe ya lombwele wo ya tunge Etsalihangano (30:16), eha lyokugalikanena, nokwe ya pe oompango dhi na sha naayambi nonkene ye na okulongela Kalunga. Pahupi, embo otali hokolola iilongahupitho yaKalunga e yi ningile aapikwa, nonkene e ya ningi oshigwana.
Omuntu a simana membo ndika oMoses, ngoka Kalunga e mu hogolola okuwilika aantu ye ya ze muupika muEgipiti. Oshitopolwa shoka sha tseyika nawa, osho Iipango omulongo montopolwa 20.
Elandulathano lyoshikalimo
Okuhupithwa kwAaisraeli muEgipiti 1:1—15:21
a. Aapika muEgipiti 1:1-22
b. Okuvalwa kwaMoses 2:1—4:31
c. Moses naAaron taa tsakanene nomukwaniilwa gwaEgipiti 5:1—11:10
d. Opaasa netembu muEgipiti 12:1—15:21
Okuza pEfuta lyomanenge sigo opondundu Sinai 15:22—18:27
Ompango nehangano naKalunga 19:1—24:18
Etsalihangano nomautho gelongeloKalunga 25:1—40:38
Currently Selected:
EKSODUS EFALOMO: ONDB
Highlight
Share
Copy
Want to have your highlights saved across all your devices? Sign up or sign in
Oshindonga Bible © Bible Society of Namibia, 2008.