AAKOLOSSA EFALOMO
EFALOMO
Ontumwafo yaPaulus oya nyolelwa egongalo lyomuKolossa, oshilando muAsia eshona muuzilo waEfeso.
Egongalo ndika inali dhikwa kuPaulus, ihe olya li mehala moka Paulus a li u uvite oli li moshimpwiyu she, onkee okwa li ha tumu ko aayakuli taa zi muEfeso, oshilandopangelo moshipangelwa shAaroma muAsia.
Paulus oku uvu kutya megongalo Kolossa omu na aalongi aafundja mboka yi itaala kutya okutseya Kalunga nehupitho otaku pitile mokugalikana “aapangeli naanankondo yopambepo” (2:10)
Aalongi aafundja oya tsikile ko natango taa ti, aantu naa vulike komisindilo, ngaashi efukaleko, oohula niinima yilwe. Paulus okwa nyola ontumwafo ndjika okukondjitha omalongo ga puka nokunongeka elongo lyashili lyopakriste. Paulus ota yamukula kutya Jesus Kristus ota vulu okugandja ehupitho lya gwana. Omaitaalo ngaka otaga fala owala omuntu pombambo. MuKristus Kalunga okwa shiti uuyuni nomuye ta galulile eshito alihe kuye. MuKristus omo amuke mu na etegameno lyehupitho lyuuyuni. Paulus okwa fatulula elongo lyoshili kutya olya pumbiwa monkalamwenyo yooitaali. Osha pumbiwa okutseyika kutya Tikikus sho a fala ontumwafo ndjika kAakolossa, okwa thindikilwa kuOnesimus, omupika ngwiyaka gwaFilemon.
Elandulathano lyoshikalimo
Efalamo 1:1-8
Olupe niilonga yaKristus 1:9—2:19
Omwenyo omupe muKristus 2:20—4:6
Ehulitho 4:7-18
Currently Selected:
AAKOLOSSA EFALOMO: ONDB
Highlight
Share
Copy
Want to have your highlights saved across all your devices? Sign up or sign in
Oshindonga Bible © Bible Society of Namibia, 2008.