1 SAMUEL EFALOMO
EFALOMO
Embo lyotango lyaSamuel otali hokolola iiningwanima mehistoli nenge mondjokonona yAaisraeli okuza kethimbo lyAatokolihapu sigo opethimbo ya pula ya pewe omukwaniilwa. Elunduluko ndika mokukalamwenyo kwoshigwana shaIsrael, olya guma unene aantu yatatu; oyo Samuel, omutokolihapu gwahugunina, Saul, omukwaniilwa gwotango naDavid ngoka omahokololo gopetameko lyokukalamwenyo kwe manga inaa ya koshipundi, ga guma unene Samuel naSaul.
Ehuku lyembo ndika olya fa lyomambo omakwawo gopahistoli mEtestamendi Ekulu, otali ti okuvulika kuKalunga otaku eta elago, manga okwaavulika taku fala momupya. Shika osha popiwa kOmuwa ta lombwele omuyambi Eli montopolwa 2:30: “Ngame ote simaneke mboka haa simaneke ndje note tondo mboka taa dhini ndje.”
Embo ndika oli na omadhiladhilo gi ili nogi ili kombinga yuukwaniilwa. Omuwa Kalunga oye a li a talika kutya oye Omukwaniilwa gwoshili gwAaisraeli, ihe aantu sho ya tameke okupula epangelo lyomukwaniilwa, Omuwa okwe ya zimine. Ihe shoka shi shi okukonekiwa osho shika kutya omukwaniilwa ye mwene nosho wo Aaisraeli oya li kohi yepangelo neutho lyaKalunga (2:7-10). Okuvulika kiipango yaKalunga otashi ti, aantu ayehe oye thike pamwe, aayamba noohepele.
Elandulathano lyoshikalimo
Samuel omutokolihapu 1:1—7:17
Saul ta ningi omukwaniilwa 8:1—10:27
Etameko lyepangelo lyaSaul 11:1—15:35
David naSaul 16:1-30:31
Eso lyaSaul noyanamati 31:1-13
Currently Selected:
1 SAMUEL EFALOMO: ONDB
Highlight
Share
Copy
Want to have your highlights saved across all your devices? Sign up or sign in
Oshindonga Bible © Bible Society of Namibia, 2008.