1 AAKWANIILWA EFALOMO
EFALOMO
Embo lyotango lyaakwaniilwa otali tsikile ondjokonona yuukwaniilwa muIsrael ndjoka ya tameke momambo gaSamuel. Embo ndika otashi vulika li topolwe miitopolwa itatu: (1) Epangelo lyaSalomo ta pangele Israel naJuda neso lyahe David. (2) Epangelo lyaSalomo naashoka a pondola po. Shono sha simana unene, etungo lyotempeli muJerusalem. (3) Oshigwana tashi topoka pokati shokuumbangalantu noshokuumbugantu nomahokololo gaakwaniilwa mboka ya li koshipundi sigo opokati kethelemumvo etimugoyi, Kristus manga inaa valwa.
Momambo agehe gaali gaakwaniilwa omupangeli kehe oha talelwa mevuliko lye kuKalunga nesindano lyoshigwana otali monikila mokuvulika kwe kuKalunga. Esimaneko lyiikalunga nokwaavulika otaku fala meyonuuko. Aakwaniilwa ayehe yokuumbangalantu oya nyengwa okuvulika manga muJuda mu na mboka ya vulika nayamwe inaa vulika. Oshinenenima membo lyotango lyAakwaniilwa osho aaprofeti yOmuwa, omapenda mokupopya elaka lyaKalunga noya londodha aantu opo yaa galikane iikalunga, ihe ya vulike kuKalunga. Omu na ehokololo lya simana lyomuprofeti Elia naasho a kondjitha aaprofeti yoshikalunga Baal (ontopolwa 18).
Elandulathano lyoshikalimo
Ehulilo lyepangelo lyaDavid 1:1—2:12
Salomo ta ningi omukwaniilwa 2:13-46
Epangelo lyaSalomo 3:1—11:43
a. Oomvula dhopetameko 3:1—4:34
b. Otempeli ya tungwa 5:1—8:66
c. Oomvula dhopehulilo 9:1—11:43
Uukwaniilwa wa topoka 12:1—22:53
a. Oshipotha momazimo gokuumbangalantu 12:1—14:20
b. Aakwaniilwa yaJuda noyaIsrael 14:21—16:34
c. Omuprofeti Elia 17:1—19:21
d. Omukwaniilwa Ahab gwaIsrael 20:1—22:40
e. Jehosafat gwaJuda naAhasia gwaIsrael 22:41-53
Currently Selected:
1 AAKWANIILWA EFALOMO: ONDB
Highlight
Share
Copy
Want to have your highlights saved across all your devices? Sign up or sign in
Oshindonga Bible © Bible Society of Namibia, 2008.