ᤔᤷᤁᤢᤛ 2
2
ᤕᤧᤛᤢᤖᤧ ᤗᤠᤕᤥᤗᤠᤶ ᤗᤧᤵᤔᤡ ᤀᤠᤒᤡ᤹
(ᤔᤳᤋᤡ ᥏:᥇-᥎; ᤗᤢᤁᤠ ᥋:᥇᥍-᥈᥌)
1ᤌᤡᤰᤕᤧᤴ ᤏᤡᤕᤧᤴ ᤀᤣᤃᤠᤱ ᤕᤧᤛᤢᤴ ᤁᤐᤷᤏᤜᤢᤔ ᤐᤠᤱᤈᤢᤶᤔᤥ ᤏᤢ᤺ᤰᤂᤧ ᤋᤩᤧ॥ ᤜᤧᤰᤁᤩᤠᤱ ᤂᤢᤏᤧ᤹ ᤜᤡᤶᤔᤥ ᤘᤠ᤹ ᤁᤧᤗ᤹ᤒᤠ ᤀᤡᤱᤄᤱᤅᤡᤴ ᤛᤧᤖᤧᤖᤥ॥ 2ᤕᤖᤡᤰ ᤔᤏᤠᤜᤠ᤹ ᤂᤧᤴ ᤜᤡᤶᤔᤥ ᤜᤳᤔᤧᤴᤜᤳ ᤗᤠᤶᤎᤣ᤺ᤵᤐᤢᤱᤏᤢ ᤗᤰᤂᤢᤶᤔᤥ ᤌᤠᤖᤡᤰ ᤔᤧᤈᤢᤵᤛᤧᤀᤠᤱ ᤕᤧᤛᤢᤖᤧ ᤂᤧᤱᤜᤠ᤹ ᤛᤢᤏᤠᤀᤡᤱ ᤀᤡᤱᤓᤴ ᤆᤥᤃᤢᤛᤡᤖᤥ॥ 3ᤜᤧᤰᤁᤩᤠᤱ ᤂᤧᤵᤔᤥ ᤗᤡᤛᤡ ᤔᤏᤠᤜᤠ᤹ᤖᤧ ᤗᤱᤗᤧ᤺ᤱᤘᤠ ᤔᤏᤠᤎᤡᤰ ᤔᤧᤃᤢᤕᤢᤀᤠᤱ ᤔᤧᤍᤠᤖᤢ. 4ᤁᤖ ᤂᤧᤴ ᤜᤡᤶᤔᤥ ᤕᤖᤡᤰ ᤔᤏᤠᤜᤠ᤹ᤖᤧ ᤛᤎᤧᤰ ᤔᤧᤎᤡᤶᤛᤢᤀᤠᤱ ᤔᤧᤕᤢᤅᤧᤒᤠᤸᤗᤧ ᤆᤥᤃᤢᤸᤗᤧ ᤂᤧᤱᤜᤠ᤹ᤖᤧ ᤂᤧᤴ ᤗᤱᤗᤧ᤺ᤱᤘᤠᤴ ᤕᤧᤛᤢᤖᤧ ᤁᤢᤍᤃᤡ ᤋᤣ᤹ᤔᤠ ᤔᤧᤴᤇᤢᤰᤋᤢᤴ॥ ᤜᤧᤰᤁᤣ᤺ᤸᤗᤧ ᤂᤧᤴ ᤔᤏᤠᤜᤠ᤹ᤖᤧ ᤌᤥ ᤂᤠᤶᤒᤢᤀᤥ#᥈:᥊ ᤂᤠᤶᤒᤢ—ᤀᤡᤛᤪᤠᤀᤡᤗᤀᤥ ᤕᤖᤡᤰᤋᤱᤒᤠ ᤜᤡᤶᤜᤠ᤹ᤀᤥ ᤗᤧᤵᤐᤧᤳᤋᤠ ᤂᤠᤶᤒᤢ ᤐᤳᤇᤧ॥ ᤜᤧᤰᤁᤩᤠᤱ ᤜᤡᤶ ᤗᤠ᤺ᤰᤁᤠᤳ ᤗᤧᤵᤔᤠᤱ ᤂᤠᤶᤒᤢ ᤌᤠᤖᤡᤰ ᤁᤧᤃᤧᤵᤐᤠ ᤌᤖᤣ᤹ ᤔᤧᤓᤳᤇᤢᤒᤠᤗᤠᤶ ᤕᤢ᤺ᤴᤇᤡᤰ ᤛᤢᤛᤢ ᤁᤧᤗ᤹ᤒᤠ ᤛᤢᤖᤡᤳ ᤆᤠ᤺ᤴᤇᤡᤱᤛᤧ ᤔᤏᤠᤜᤠ᤹ ᤂᤠᤶᤒᤢᤀᤥ ᤔᤧᤒᤣᤀᤠᤱ ᤔᤧᤕᤢᤅᤧ॥ ᤔᤧᤗᤠᤛᤧᤀᤠᤱ ᤂᤠᤶᤒᤢ᤺ᤴ ᤔᤧᤜᤴᤍᤢ॥ ᤜᤧᤰᤁᤩᤠᤱ ᤂᤧᤴ ᤗᤱᤗᤧ᤺ᤱᤘᤠᤴ ᤁᤢᤏᤧᤳᤏᤠ᤺ᤴᤏᤢᤀᤣ ᤕᤧᤛᤢᤖᤧ ᤁᤢᤍᤃᤡ ᤕᤥ ᤔᤧᤎᤠᤛᤢ॥ 5ᤂᤧᤱᤜᤠ᤹ᤖᤧ ᤂᤧᤴ ᤁᤧᤍᤢᤰᤐᤧᤴ ᤘᤣ᤺ᤵᤔᤠ ᤛᤢᤰ ᤁᤧᤗ᤹ᤒᤠ ᤏᤛᤠᤴ ᤔᤧᤃᤳᤋᤢᤒᤠ ᤕᤧᤛᤢᤖᤧ ᤏᤡᤛᤢᤀᤠᤱ ᤗᤱᤗᤧ᤺ᤱᤘᤠᤴ ᤔᤧᤳᤋᤢ. “ᤀᤠᤛ᤻ᤛᤠᤀᤣ. ᤂᤧᤏᤧ᤹ ᤁᤧᤗᤠᤕᤥᤜᤠ᤹ ᤗᤧᤵᤔᤡ ᤐᤥ᤺ᤰᤂᤧᤖᤥ॥” 6ᤀᤠᤸᤗ ᤂᤧᤵᤔᤥ ᤁᤧᤕᤢᤱᤒᤠ ᤛᤠᤶᤕᤥᤌᤡᤶᤛᤠᤶᤒᤠᤜᤠ᤹ ᤏᤡᤱᤘᤠ᤹ ᤔᤧᤀᤡ᤺ᤳᤇᤡᤱ. 7“ᤔᤣ᤺ᤴ. ᤁᤴ ᤔᤏᤠ᤺ᤸᤗᤧᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤍᤰᤗᤧᤱᤘᤠᤀᤥ ᤔᤠᤱᤆᤧ᤹ᤕᤠ ᤐᤠ᤺ᤴᤏᤣ ᤐᤠ᤺ᤳᤋᤢ᤹ᤖᤥ᥄ ᤏᤡᤱᤘᤠ᤹ᤑᤢᤔᤠᤱᤅᤡᤴᤏᤢ᤺ᤸᤗᤧ ᤘᤣ᤹ ᤜᤠ᤺ᤳᤗᤧᤀᤠᤱ ᤔᤧᤴᤇᤠᤶᤃᤧᤴ ᤕᤠᤵᤔᤡᤖᤧᤴ ᤗᤠᤕᤥᤴ ᤗᤧᤵᤔᤡ ᤐᤡᤔᤠ ᤔᤧᤛᤢᤰᤋᤢᤴᤗᤥ॥” 8ᤕᤧᤛᤢᤖᤧ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤏᤡᤱᤘᤠ᤹ᤒᤥ ᤌᤣ ᤔᤧᤀᤡ᤺ᤳᤋᤢᤖ ᤔᤧᤕᤢᤱ ᤁᤧᤗ᤹ᤒᤠᤴ ᤏᤡᤛᤢᤀᤠᤱ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤌᤣᤀᤠᤱ ᤜᤧᤰᤁᤣᤗ᤹ᤖᤡᤰ ᤂᤡᤏᤡ᤹ ᤁᤧᤀᤡ᤺ᤳᤋᤢᤶᤒᤠᤒᤣ᥅ 9ᤁᤴ ᤗᤱᤗᤧ᤺ᤱᤘᤠᤴ ‘ᤁᤧᤗᤠᤕᤥᤜᤠ᤹ ᤗᤧᤵᤔᤡ ᤐᤥ᤺ᤰᤂᤧ’ ᤔᤧᤵᤔᤠ ᤀᤢᤛᤢᤖᤢ ᤆᤥ᤺ᤰᤐᤡ᥅ ᤀᤡ ‘ᤐᤥᤃᤧ᤹ᤀᤠᤱ ᤁᤧᤏᤧᤳᤏᤠᤴ ᤂᤵᤛᤧ᤹ᤀᤠᤱ ᤌᤠᤛᤡᤱᤅᤧ᤹’ ᤔᤧᤵᤔᤠ ᤀᤢᤛᤢᤖᤢ ᤆᤥ᤺ᤰᤐᤡ᥅ 10ᤁᤖ ᤀᤡᤱᤃᤠ᤹ ᤔᤧᤴᤇᤠᤶᤛᤠ᤺ᤸᤗᤧ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤗᤠᤕᤥᤜᤠ᤹ ᤗᤧᤵᤔᤡ ᤐᤡᤔᤠ ᤕᤢᤰ ᤁᤳᤋᤢᤱ ᤑᤠ᤹ᤀᤠᤱ ᤀᤥᤛᤣ᤺ᤴᤎᤠᤰᤏᤡᤱᤗᤥ॥” ᤜᤧᤰᤁᤣ᤺ᤸᤗᤧ ᤕᤧᤛᤢᤖᤧ ᤂᤧᤴ ᤗᤱᤗᤧ᤺ᤱᤘᤠᤴ ᤔᤧᤳᤋᤢ. 11“ᤀᤠᤸᤗ ᤐᤥᤃᤧ᤹᥄ ᤁᤧᤏᤧᤳᤏᤠᤴ ᤕᤠᤱᤛᤡᤱᤅᤧ᤹ᤀᤠᤱ ᤁᤧᤜᤡᤶᤔᤥ ᤌᤠᤛᤡᤱᤅᤧ᤹॥” 12ᤂᤡᤔᤥ ᤂᤧᤴ ᤔᤢᤳᤌᤪᤡᤰ ᤐᤥᤃᤧᤀᤠᤱ ᤁᤢᤏᤧᤳᤏᤠᤴ ᤕᤠᤱᤛᤡᤱ ᤜᤧᤰᤁᤩᤠᤱ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤋᤃᤡᤀᤣ ᤗ᤺ᤴᤍᤧ ᤐᤣᤖᤥ॥ ᤂᤧᤴ ᤔᤏᤠᤜᤠ᤹ᤖᤧ ᤔᤧᤏᤡᤛᤢᤀᤠᤱ ᤛᤠ᤹ᤖᤡᤰ ᤂᤢᤏᤡ᤹ ᤏᤡᤱᤘᤠ᤹ ᤔᤕᤧ॥ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤀᤰᤂᤣ ᤔᤧᤔᤧᤳᤋᤢᤖ ᤁᤢᤏᤠᤖᤠ ᤔᤧᤓᤥᤛᤢ. “ᤀᤰᤋᤱᤒᤠᤃ ᤀᤠᤏᤡᤃᤣ ᤀᤠᤵᤑᤠᤸᤗᤧᤀᤠᤱ ᤔᤧᤴᤏᤡᤀᤣ ᤘᤕᤡᤃᤧᤖᤥ॥”
ᤕᤧᤛᤢᤖᤧ ᤗᤧᤒᤡᤴ ᤀᤢ᤺ᤳᤋᤢ᤹
(ᤔᤳᤋᤡ ᥏:᥏-᥇᥉; ᤗᤢᤁᤠ ᥋:᥈᥍-᥉᥈)
13ᤕᤠᤶᤔᤥ ᤕᤧᤛᤢᤴ ᤘᤖᤰᤁᤡᤸᤗᤧ ᤁᤢᤕᤠᤀᤥ ᤐᤣ॥ ᤕᤖᤡᤰ ᤔᤏᤠᤜᤠ᤹ᤖᤧ ᤂᤢᤏᤧ᤹ ᤔᤧᤍᤡᤶᤍᤢᤀᤠᤱ ᤕᤧᤛᤢᤖᤧ ᤂᤧᤱᤜᤠ᤹ ᤂᤠᤜᤢᤴ ᤜᤢ᤹ᤖᤢᤛᤡ॥ 14ᤜᤧᤰᤁᤩᤠᤱ ᤕᤧᤛᤢᤴ ᤐᤣᤖ ᤐᤳᤇᤧᤸᤗᤧ ᤀᤸᤑᤠᤕᤛᤖᤧ ᤁᤢᤛ᤻ᤛᤠ ᤗᤧᤒᤡᤴ ᤀᤣ᤺ᤱᤕᤠᤱ ᤑᤥᤱᤔᤠ ᤋᤧᤴᤏᤥ ᤕᤢᤅᤧᤒᤠ ᤏᤡᤛᤢᤀᤠᤱ ᤔᤧᤳᤋᤢ. “ᤀᤡᤱᤃᤠ᤹ ᤋᤡᤶᤍᤠᤱᤅᤧ᤹ᤀᤥ॥” ᤂᤧᤴ ᤔᤢᤳᤌᤪᤡᤰ ᤐᤥᤃᤧᤀᤠᤱ ᤂᤢᤏᤧ᤹ᤏᤢ ᤌᤠᤛᤡᤱᤗᤥ॥ 15ᤕᤠᤱᤛᤡ ᤗᤧᤒᤡ᤺ᤸᤗᤧ ᤁᤢᤜᤡᤶᤔᤥ ᤕᤧᤛᤢᤴ ᤏᤢ ᤁᤢᤜᤢ᤹ᤛᤠᤶᤒᤠᤜᤠ᤹ ᤆᤠᤈᤠᤛᤧ ᤀᤢ᤺ᤳᤋᤢᤛᤡ. ᤕᤖᤡᤰ ᤀᤣ᤺ᤱᤕᤠᤱ ᤁᤧᤓᤥᤱᤒᤠᤜᤠ᤹#᥈:᥇᥋ ᤀᤣ᤺ᤱᤕᤠᤱ ᤁᤧᤓᤥᤱᤒᤠᤜᤠ᤹—ᤕᤜᤢᤍᤡᤜᤠ᤹ᤖᤧ ᤀᤣ᤺ᤱᤕᤠᤱ ᤁᤧᤓᤥᤱᤒᤠᤜᤠ᤹ ᤔᤧᤈᤡ᤺ᤳᤋᤢᤛᤡ. ᤌᤣᤀᤠᤱᤓᤧᤸᤗᤧ ᤂᤧᤱᤜᤠ᤹ᤖᤧ ᤖᤥᤔᤡ ᤜᤠᤱᤈᤢᤶᤖᤧ ᤗᤠᤃᤡ ᤕᤠ᤺ᤶᤒᤰ ᤔᤧᤈᤥᤃᤢ॥ ᤀᤣ᤺ᤱᤕᤠᤱ ᤁᤧᤓᤥᤱᤒᤠᤜᤠ᤹ᤖᤧ ᤔᤏᤠᤜᤠ᤹ᤗᤠᤶ ᤖᤥᤔᤡᤜᤠ᤹ᤖᤧ ᤑᤥᤱᤔᤠ ᤔᤧᤒᤠᤱᤄᤢᤛᤡᤒᤠ ᤕᤠᤱᤏᤢ᤺ᤸᤗᤧ ᤕᤖᤡᤰ ᤔᤧᤓᤥ᤺ᤰᤂᤢ ᤜᤧᤰᤁᤩᤠᤱ ᤁᤧᤏᤶᤒᤧᤴ ᤀᤠᤒᤠᤅᤣ ᤂᤢᤏᤡ᤹ ᤗᤠᤃᤡ ᤔᤧᤕᤢᤰᤂᤢ॥ ᤏᤢ ᤘᤣ᤹ᤛᤔᤠ ᤗᤠᤕᤥᤒᤠᤜᤠ᤹ ᤕᤧᤛᤢᤴ ᤏᤢ ᤛᤥᤖᤡᤰ ᤆᤠᤔᤧᤈᤖ ᤔᤧᤕᤢᤅᤧ (ᤌᤣᤀᤠᤱᤓᤧᤸᤗᤧ ᤂᤧᤴ ᤜᤧᤰᤋᤱᤒᤠ ᤕᤖᤡᤰ ᤔᤏᤠᤜᤠ᤹ᤖᤧ ᤕᤧᤛᤢᤴ ᤔᤧᤍᤡᤶᤍᤢᤖ ᤔᤧᤘᤕᤧ)॥ 16ᤜᤧᤰᤁᤣ᤺ᤸᤗᤧ ᤂᤧᤵᤔᤥ ᤑᤖᤡᤛᤡ#᥈:᥇᥌ ᤑᤖᤡᤛᤡᤜᤠ᤹—ᤂᤧᤱᤜᤠ᤹ ᤗᤳᤇᤠ ᤕᤜᤢᤍᤡ ᤛᤠᤶᤕᤥ ᤗᤢᤵᤐᤥᤒᤠ ᤔᤏᤠᤜᤠ᤹ ᤔᤧᤘᤕᤧ॥ ᤂᤧᤱᤜᤠ᤹ᤖᤧ ᤛᤠ᤹ᤖᤡᤰ ᤏᤢ᤺ᤖᤡᤰᤁᤠᤱ ᤕᤜᤢᤍᤡ ᤛᤠᤶᤕᤥᤌᤡᤶᤔᤡᤴ ᤜᤧᤰᤁᤩᤠᤱ ᤘᤣ᤹ ᤕᤖᤡᤰ ᤕᤜᤢᤍᤡ ᤌᤡᤶᤜᤠ᤹ ᤏᤢ ᤛᤠᤰᤌᤡᤶᤜᤠ᤹ ᤔᤧᤏᤠ᤺ᤳᤋᤢ॥ ᤗᤢᤵᤐᤥᤒᤠ ᤛᤠᤶᤕᤥᤌᤡᤶᤛᤠᤶᤒᤠᤜᤠ᤹ ᤔᤧᤍᤩᤧᤀᤠᤱ ᤕᤧᤛᤢᤴ ᤀᤣ᤺ᤱᤕᤠᤱ ᤁᤧᤓᤥᤱᤒᤠᤜᤠ᤹ ᤜᤧᤰᤁᤩᤠᤱ ᤗᤠᤕᤥᤒᤠᤜᤠ᤹ᤏᤢ#᥈:᥇᥌ ᤗᤠᤕᤥᤒᤠᤜᤠ᤹—ᤁᤴ ᤔᤏᤠᤜᤠ᤹ ᤑᤖᤡᤛᤡᤜᤠ᤹ᤖᤧ ᤁᤢᤳᤆᤠ᤹ᤛᤠᤱ ᤗᤠᤕᤥᤒᤠᤛᤡ ᤑᤠ᤹ᤀᤠᤱ ᤔᤧᤔᤧᤳᤋᤢᤛᤡᤀᤠᤱ ᤘᤕᤧ. ᤌᤣᤀᤠᤱᤓᤧᤸᤗᤧ ᤂᤧᤱᤜᤠ᤹ᤖᤧ ᤑᤖᤡᤛᤡᤜᤠ᤹ᤖᤧ ᤂᤢᤏᤡ᤹ ᤌᤡᤶᤜᤠ᤹ ᤔᤧᤴᤀᤡ᤺ᤳᤋᤢᤴ ᤔᤧᤴᤏᤠ᤺ᤳᤋᤢᤴᤗᤥ॥ ᤛᤥᤖᤡᤰ ᤆᤠᤈᤠᤏᤢ ᤕᤢᤅᤧᤒᤠ ᤔᤧᤏᤡᤛᤢᤀᤠᤱ ᤕᤠᤶᤔᤥ ᤂᤧᤱᤜᤠ᤹ᤖᤧ ᤕᤧᤛᤢᤖᤧ ᤁᤢᤜᤢ᤹ᤛᤠᤶᤒᤠᤜᤠ᤹ ᤔᤧᤔᤧᤳᤋᤢᤛᤡ. “ᤀᤣ᤺ᤱᤕᤠᤱ ᤁᤧᤓᤥᤱᤒᤠᤜᤠ᤹ ᤜᤧᤰᤁᤩᤠᤱ ᤗᤠᤕᤥᤒᤠᤜᤠ᤹ᤏᤢ ᤂᤢᤏᤧ᤹ ᤌᤣᤀᤠᤱ ᤆᤠᤈᤠᤒᤠᤒᤣ᥅” 17ᤕᤧᤛᤢᤖᤧ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤐᤠ᤺ᤴᤏᤡᤴ ᤂᤧᤵᤛᤢᤀᤠᤱ ᤏᤥᤃᤵ ᤐᤡᤖᤢᤛᤡ. “ᤛᤡᤍᤠ᤹ᤛᤠᤶᤒᤧᤱᤃ ᤔᤧᤴᤍᤢᤰᤔᤏᤠᤜᤠ᤹ᤖᤧ ᤗᤠᤃᤡ ᤔᤣ᤺ᤴ. ᤁᤖ ᤁᤧᤍᤢᤰᤐᤠᤜᤠ᤹ᤖᤧ ᤗᤠᤃᤡᤖᤥ॥ ᤂᤧᤴ ᤜᤧᤰᤁᤣ ᤀᤡᤱᤃᤠ᤹ᤀᤠᤱ ᤛᤠᤶᤕᤥᤒᤠᤜᤠ᤹ᤖᤧ ᤗᤠᤃᤡ ᤔᤣ᤺ᤴ. ᤁᤖ ᤗᤠᤕᤥᤒᤠᤜᤠ᤹ ᤗᤠᤕᤥᤗᤠᤶ ᤔᤧᤏᤢ᤺ᤱᤅᤠᤱ ᤋᤠᤱᤔᤧᤛᤧ᤺ᤵᤗ ᤑᤠ᤹ᤀᤠᤱ ᤋᤩᤠᤱᤒᤠᤖᤥ॥”
ᤋ᤺ᤰᤏᤧᤳᤋᤡᤸᤗᤧ ᤁᤢᤕᤠ᤺ᤶᤒᤣᤀᤥ
(ᤔᤳᤋᤡ ᥏:᥇᥊-᥇᥍; ᤗᤢᤁᤠ ᥋:᥉᥉-᥉᥏)
18ᤀᤠᤸᤗ ᤒᤵᤋᤡᤛ᤻ᤔᤠ ᤁᤧᤒᤡᤒᤠ ᤕᤢᤜᤢᤴᤏᤠ ᤏᤢ ᤑᤖᤡᤛᤡᤜᤠ᤹ᤖᤧ ᤂᤢᤏᤡ᤹ ᤜᤢ᤹ᤛᤠᤶᤒᤠᤜᤠ᤹ ᤆᤠᤏᤧᤳᤋᤥ ᤔᤧᤕᤢᤅᤧᤀᤠᤱ ᤔᤧᤘᤕᤧ॥ ᤌᤡᤰᤕᤧᤴ ᤔᤏᤠᤜᤠ᤹ ᤔᤧᤍᤩᤧᤀᤠᤱ ᤕᤧᤛᤢᤴ ᤛᤣ᤺ᤴᤔᤧᤗᤠᤵᤋᤢ. “ᤑᤖᤡᤛᤡᤜᤠ᤹ ᤏᤢ ᤒᤵᤋᤡᤛ᤻ᤔᤠ ᤁᤧᤒᤡᤒᤠ ᤕᤢᤜᤢᤴᤏᤠ᤺ᤸᤗᤧ ᤂᤢᤏᤡ᤹ ᤜᤢ᤹ᤛᤠᤶᤒᤠᤜᤠ᤹ᤃ ᤆᤠᤏᤧᤳᤋᤥ ᤔᤧᤕᤢᤱ. ᤁᤖ ᤂᤧᤏᤧ᤹ ᤁᤧᤜᤢ᤹ᤛᤠᤶᤒᤠᤜᤠ᤹ ᤌᤣᤀᤠᤱ ᤆᤠᤏᤧᤳᤋᤥ ᤔᤧᤴᤕᤢᤱᤏᤧᤴᤒᤠᤒᤣ᥅” 19ᤕᤧᤛᤢᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤔᤣ᤺ᤰᤂᤡᤶᤛᤠᤒᤧᤴ ᤁᤢᤴᤈᤢᤶᤜᤠ᤹ᤏᤢ ᤘᤠ᤹ᤖ ᤌᤠᤖᤡᤰ ᤂᤧᤱᤜᤠ᤹ ᤆᤠᤏᤧᤳᤋᤥ ᤔᤧᤕᤢᤱ ᤑᤠ᤹ᤀᤠᤱ ᤁᤧᤀᤡ᤺ᤳᤋᤢᤶᤒᤡ᥅ ᤔᤣ᤺ᤴᤗᤥ. ᤔᤣ᤺ᤰᤂᤡᤶᤛᤠᤒᤧᤴ ᤘᤠ᤹ᤖ ᤌᤠᤖᤡᤰ ᤂᤧᤱᤜᤠ᤹ ᤀᤠᤵᤑᤠᤸᤗᤧᤀᤠᤱ ᤆᤠᤏᤧᤳᤋᤥ ᤔᤧᤴᤕᤢᤱᤏᤧᤴ. 20ᤁᤖ ᤂᤧᤱᤜᤠ᤹ᤗᤠᤶ ᤔᤣ᤺ᤰᤂᤡᤶᤛᤠᤒᤧᤴ ᤛᤠᤰᤁᤧᤸᤗᤧᤰ ᤔᤧᤍᤧᤶᤛᤢᤀᤠᤱ ᤔᤧᤍᤣ᤹ᤖᤢᤸᤗᤧ ᤂᤧᤱᤜᤠ᤹ ᤆᤠᤏᤧᤳᤋᤥ ᤔᤧᤕᤢᤱᤗᤥ॥ 21ᤀᤠᤳᤋᤡᤸᤗᤧᤀᤠᤱ ᤁᤢᤛᤱ ᤆᤡᤖᤡᤰᤁᤡᤸᤗᤧ ᤁᤢᤍᤪᤧᤰ ᤆᤠᤱᤅᤡᤴ ᤔᤧᤗᤧᤶᤍᤢᤴᤗᤥ. ᤗᤧᤶᤍᤢᤏᤧ ᤑᤠ᤹ᤃᤪ ᤂᤧᤴ ᤁᤡᤱᤅᤠᤱ ᤀᤠᤸᤗᤛᤠᤱ ᤕᤶᤒᤠ ᤌᤧ᤺ᤰᤂᤢᤍᤣᤛᤢ᤹ᤖᤥ॥ 22ᤀᤠᤳᤋᤡᤸᤗᤧᤀᤠᤱ ᤁᤢᤛᤱ ᤆᤧᤸᤗᤧᤰᤛᤣ᤹ ᤌᤡ᤺ᤴ#᥈:᥈᥈ ᤂᤧᤴ ᤗᤠᤈᤣ᤹ᤀᤥ ᤆᤧᤸᤗᤧᤰᤛᤣ᤹ᤗᤠᤶ (ᤀᤱᤃᤢᤖ) ᤌᤡ᤺ ᤔᤧᤈᤥᤃᤢ. ᤜᤧᤰᤁᤩᤠᤱ ᤁᤧᤖᤧᤰᤗᤧ ᤔᤧᤎᤢᤅᤢ॥ ᤁᤢᤍᤪᤧᤰ ᤛᤧᤜᤥᤒᤠ ᤛᤢᤰᤘᤠᤀᤥ#᥈:᥈᥈ ᤀᤢᤴᤇᤣ᤺ᤴ ᤂᤧᤱᤜᤠ᤹ᤖᤧ ᤆᤫᤠ᤺ᤳ. ᤌᤡ᤺. ᤛᤣᤈ᤺ᤱᤘᤠ ᤛᤧᤜᤥᤒᤠ ᤛᤢ᤺ᤰᤘᤠᤀᤥ ᤔᤧᤕᤠᤰᤋᤢᤀᤠᤱ ᤔᤧᤒᤰᤂᤢ॥ ᤔᤧᤕᤢᤰᤂᤢᤴ॥ ᤕᤢᤰᤂᤢᤏᤧ ᤑᤠ᤹ᤃᤪ ᤁᤢᤛᤱ ᤆᤧᤸᤗᤧᤰᤛᤣ᤹ ᤌᤡ᤺ᤸᤗᤧ ᤁᤢᤍᤪᤧᤰ ᤛᤧᤜᤥᤒᤠ ᤛᤢᤰᤘᤠᤴ ᤌᤧ᤺ᤰᤂᤢᤍᤣ᤺ᤛᤢ᤹ᤖᤥ॥ ᤜᤧᤰᤁᤩᤠᤱ ᤌᤡᤴ ᤘᤧᤳ ᤐᤣ᤺ᤰᤁᤠᤱ ᤏᤧᤵᤔᤠᤱ ᤆᤠᤛᤥᤰᤗᤥ॥ ᤁᤖ ᤁᤢᤛᤱ ᤆᤧᤸᤗᤧᤰᤛᤣ᤹ ᤌᤡᤴ ᤁᤢᤛᤱ ᤛᤧᤜᤥᤒᤠ ᤛᤢ᤺ᤰᤘᤠᤀᤥᤀᤣ ᤕᤠᤰᤔᤠ ᤐᤥᤱᤗᤥ॥”
ᤏᤠ᤺ᤶᤛᤡᤱ ᤕᤧᤴᤏᤡᤸᤗᤧ ᤁᤢᤴᤍᤠᤱᤒᤠ
(ᤔᤳᤋᤡ ᥇᥈:᥇-᥎; ᤗᤢᤁᤠ ᥌:᥇-᥋)
23ᤌᤡᤰᤗᤧᤱ ᤏᤠ᤺ᤶᤛᤡᤱᤔᤠ ᤕᤧᤴᤏᤥ ᤕᤧᤛᤢᤴ ᤏᤢ ᤁᤢᤜᤢ᤹ᤛᤠᤶᤒᤠᤜᤠ᤹ ᤐᤩᤠᤱᤛᤡᤃᤧᤴ ᤀᤡᤰᤋᤠᤵᤗᤢᤶᤔᤥᤏᤢ ᤔᤧᤒᤣᤖ ᤔᤧᤒᤳᤇᤧᤸᤗᤧ ᤁᤢᤜᤢ᤹ᤛᤠᤶᤒᤠᤜᤠ᤹ᤖᤧ ᤏᤢᤰᤔᤠ ᤆᤠᤔᤠ ᤑᤠ᤹ᤀᤠᤱ ᤛᤡ᤺ᤍᤠᤵᤔᤠᤜᤠ᤹ ᤋᤢᤵᤔᤠ ᤔᤧᤜᤣ᤺ᤰᤋᤢ॥#᥈:᥈᥉ ᤂᤧᤴ ᤕᤧᤶᤔᤥᤒᤠ ᤕᤜᤢᤍᤡ ᤌᤡᤶᤔᤥ ᤀᤡᤰᤋᤠᤵᤐᤥ ᤗᤠᤱᤔᤧᤄᤣ᤺ᤃᤧᤸᤗᤧ ᤗᤠᤶᤔᤥ ᤁᤧᤕᤢᤱᤒᤠ ᤛᤡᤱᤛᤣᤜᤠ᤹. ᤆᤠᤜᤠ᤹ ᤋᤢᤵᤔᤠᤀᤠᤱ ᤆᤠᤔᤠ ᤔᤧᤄᤥᤛᤢ. ᤁᤖ ᤛᤢ᤺ᤰᤘᤠᤀᤥ ᤕᤠᤰᤔᤠᤀᤠᤱ ᤋᤣ᤹ᤔᤠ ᤂᤥᤔᤧᤴᤍᤧᤵᤔᤏᤠᤒᤠ ᤘᤕᤧ॥ ᤁᤖ ᤏᤠ᤺ᤶᤛᤡᤱ ᤕᤧᤴᤏᤥ ᤜᤧᤰᤁᤣᤀᤠᤱ ᤆᤥ᤺ᤰᤔᤠ ᤛᤢᤰᤔᤧᤴᤍᤧᤵᤔᤏᤠ ᤘᤕᤧᤖᤥ॥ 24ᤜᤧᤰᤁᤣ᤺ᤸᤗᤧ ᤑᤖᤡᤛᤡᤜᤠ᤹ᤖᤧ ᤂᤢᤏᤧ᤹ ᤔᤧᤔᤧᤳᤋᤢ. “ᤀᤥᤔᤧᤳᤋᤧ᤹. ᤌᤣᤀᤠᤱ ᤏᤠ᤺ᤶᤛᤡᤱ ᤕᤧᤴᤏᤥ ᤆᤥ᤺ᤰᤔᤠ ᤔᤧᤴᤏᤢ᤹ᤔᤏᤠᤒᤠ ᤕᤠ᤺ᤶᤒᤰᤁᤡᤴ ᤔᤧᤈᤥᤃᤢᤒᤠᤒᤣ᥅” 25ᤕᤧᤛᤢᤖᤧ ᤂᤧᤱᤜᤠ᤹ ᤏᤥᤃᤵ ᤐᤡᤖᤢᤛᤡ. “ᤛᤠᤶᤕᤥᤛᤠᤵᤗᤠᤴ ᤂᤡᤏᤡ᤹ ᤔᤧᤴᤏᤡ᤺ᤳᤋᤣ ᤁᤧᤘᤕᤡ᤹ᤒᤡ᥅ ᤍᤠᤀᤢᤍ ᤜᤠᤱᤅᤡᤴ ᤏᤢ ᤁᤢᤔᤏᤠᤜᤠ᤹ᤖᤧ ᤂᤢᤏᤡ᤹ ᤛᤧᤳᤗᤠ᤺ᤰᤋᤧᤸᤗᤧ 26ᤍᤠᤀᤢᤍᤧᤴ ᤏᤡᤱᤘᤠ᤹ᤑᤢ ᤛᤠ᤺ᤱᤃᤠᤜᤡᤶᤔᤥ ᤗᤠᤛᤧᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤥ ᤋᤥ᤺ᤶᤔᤏᤠᤒᤠ ᤛᤣᤛᤣ ᤂᤖᤧ᤺ᤱᤅᤡᤴ ᤆᤀᤠᤱ ᤕᤠᤶᤔᤥ ᤁᤢᤔᤏᤠᤜᤠ᤹ᤀᤠᤱ ᤐᤡᤖᤢᤛᤡ (ᤂᤧᤴ ᤕᤧᤶᤔᤥ ᤀᤒᤡᤕᤠᤌᤠᤖᤧᤴ ᤔᤠᤏᤡᤱᤘᤠ᤹ᤑᤢᤛᤠᤶᤒᤠ ᤘᤕᤧ)॥ ᤂᤧᤱᤃ ᤀᤠᤏᤡ᤹ ᤛᤠᤶᤕᤥᤌᤡᤶ ᤁᤢᤀᤡᤛᤡᤰ ᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ᤖᤧᤖᤰ ᤆᤠᤔᤠ ᤁᤧᤏᤢ᤹ᤒᤠ ᤘᤕᤧᤖᤥ॥” 27ᤜᤧᤰᤁᤩᤠᤱ ᤕᤧᤛᤢᤖᤧ ᤀᤰᤂᤣ ᤐᤠ᤺ᤳᤋᤢᤖ ᤐᤠᤴ ᤏᤢᤵᤛᤢ. “ᤏᤠ᤺ᤶᤛᤡᤱ ᤕᤧᤴᤏᤡᤴ ᤔᤧᤴᤇᤠᤶᤃᤧᤴ ᤕᤠᤵᤔᤡ ᤏᤢ᤹ᤔᤠ ᤋᤠᤔᤠᤖᤧ ᤗᤠᤃᤡ ᤆᤥᤃᤧᤒᤠᤖᤥ. ᤁᤖ ᤁᤴ ᤔᤧᤴᤇᤠᤶᤃᤧᤴ ᤕᤠᤵᤔᤡᤴ ᤏᤠ᤺ᤶᤛᤡᤱ ᤕᤧᤴᤏᤡᤸᤗᤧ ᤗᤠᤃᤡ ᤆᤥᤃᤧᤒᤠ ᤔᤣ᤺ᤴᤗᤥ॥ 28ᤜᤧᤰᤁᤣ᤺ᤸᤗᤧ ᤀᤡᤱᤃᤠ᤹ ᤔᤧᤴᤇᤠᤶᤛᤠ᤺ᤱᤃ ᤏᤠ᤺ᤶᤛᤡᤱ ᤕᤧᤴᤏᤡᤸᤗᤧᤴᤏᤠᤱ ᤁᤢᤴᤍᤠᤱᤒᤠᤀᤠ᤹ᤖᤥ॥”
Currently Selected:
ᤔᤷᤁᤢᤛ 2: LIFOTNT
Highlight
Share
Copy
Want to have your highlights saved across all your devices? Sign up or sign in
© 2009, 2023, Wycliffe Bible Translators, Inc. All rights reserved.