ᤜᤡᤒᤪᤢ 3
3
ᤂᤪᤡᤛ᤻ᤋᤧᤴ ᤔᤥᤛᤠᤴᤏᤢ᤺ᤸᤗᤧᤀᤠᤱ ᤐᤕᤶ ᤕᤶᤒᤠ ᤆᤥᤰ
1ᤂᤧᤸᤗᤧᤆᤥᤃᤢᤸᤗᤧ ᤀᤠᤔᤡ᤺ᤶ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤒᤠᤅᤣ ᤛᤣᤛᤣ ᤁᤢᤔᤏᤠ ᤐᤥᤱᤔᤠᤀᤠᤱ ᤛᤠᤱᤃᤪᤠᤶᤐᤣᤍᤠᤱ ᤐᤣ᤺ᤰᤔᤠ ᤗᤰ ᤁᤧᤄᤥᤛᤢᤶᤒᤠᤸᤗᤧ ᤆᤥᤃᤢᤸᤗᤧ ᤀᤠᤏᤡ᤹ ᤛᤣ᤺ᤰᤕᤢᤰᤔᤡᤒᤠ ᤏᤢ ᤔᤠᤏᤡᤱᤘᤠ᤹ᤑᤢᤛᤠᤶᤒᤠ ᤑᤠ᤹ᤀᤠᤱ ᤋᤧᤴᤍᤡᤱ ᤀᤠᤈᤥᤃᤢᤶᤒᤠ ᤕᤧᤛᤢᤴ ᤏᤡᤱᤘᤠ᤹ ᤀᤡ᤺ᤳᤋᤧᤶᤔᤧ᤹ᤀᤥ॥ 2ᤔᤥᤛᤠ᤺ᤴ#᥉:᥈ ᤔᤥᤛᤠ᤺ᤴ—ᤂᤢᤏᤧ᤹ ᤀᤢᤏᤠᤜᤢᤖᤡᤀᤥ ᤕᤜᤢᤍᤡᤜᤠ᤹ᤖᤧ ᤂᤢᤏᤡ᤹ ᤗᤠᤶᤗᤥᤒᤠ ᤘᤕᤧ॥ ᤂᤧᤱᤜᤠ᤹ ᤕᤥᤰ ᤔᤧᤘᤕᤧᤒᤠ ᤔᤡᤛᤪ ᤗᤠᤈᤣ᤹ᤗᤠᤶ ᤗᤠᤶᤗᤥᤛᤢᤛᤡ ᤗ᤺ᤳᤋᤢᤛᤡ॥ ᤂᤢᤏᤧ᤹ᤀᤣ ᤕᤜᤢᤍᤡᤜᤠ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤠᤶᤕᤥᤌᤡᤶ ᤀᤡᤱᤈᤠᤱ ᤐᤡᤖᤢᤛᤡ॥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤠᤰ ᤁᤢᤜᤡᤶᤛᤕᤱᤅᤥ ᤏᤛᤠ᤺ᤴᤛᤠᤒᤠ ᤐᤥ᤺ᤰᤂᤧᤒᤠ ᤁᤢᤀᤡᤛᤡᤰ ᤕᤧᤛᤢ᤺ᤴᤏᤠᤱ ᤂᤢᤏᤧ᤹ ᤛᤣ᤺ᤰᤕᤢᤰ ᤁᤧᤈᤥ᤺ᤰᤐᤠᤸᤗᤥ ᤋᤠ᤺ᤰᤐᤥᤛᤠᤒᤠ ᤐᤥ᤺ᤰᤂᤧ॥ 3ᤜᤡᤶᤔᤡᤴᤏᤢ᤺ᤸᤗᤧᤀᤠᤱ ᤜᤡᤶ ᤁᤧᤈᤥᤰᤐᤧᤴ ᤛᤠ᤹ᤖᤡᤰ ᤔᤡᤱᤛᤥ ᤀᤡᤱᤎᤠᤱ ᤐᤡᤔᤠ ᤗᤠ᤹ᤖᤢᤒᤠ ᤁᤢᤀᤡᤛᤡ᤺ᤰᤁᤣ ᤕᤧᤛᤢᤴ ᤔᤥᤛᤠ᤺ᤴᤏᤢ᤺ᤸᤗᤧᤀᤠᤱ ᤔᤡᤱᤛᤥ ᤀᤡᤱᤎᤠᤱᤛᤠᤒᤠ ᤐᤥ᤺ᤰᤂᤧᤖᤥ॥ 4ᤁᤧᤖᤧᤰ ᤜᤡᤶᤜᤠ᤹ᤃ ᤔᤏᤠᤜᤠ᤹ᤖᤧ ᤔᤧᤈᤥᤃᤢᤒᤠᤖᤥ. ᤁᤖ ᤁᤠᤰ ᤐᤠ᤺ᤴᤜᤠ᤹ ᤁᤧᤈᤥ᤺ᤰᤐᤠᤱᤃ ᤏᤡᤱᤘᤠ᤹ᤑᤢᤔᤠᤱᤅᤡᤴᤏᤣᤖᤥ॥
5ᤀᤠᤸᤗ ᤔᤥᤛᤠ᤺ᤱᤃ ᤁᤧᤍᤠᤒᤠ ᤕᤧᤶᤔᤥ ᤐᤠ᤺ᤵᤔᤠ ᤁᤧᤒᤥᤱᤒᤠ ᤐᤠ᤺ᤴᤏᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤐᤠ᤺ᤵᤔᤠ ᤑᤠ᤹ᤀᤠᤱ ᤂᤢᤏᤧ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤠᤰ ᤁᤢᤜᤡᤶᤛᤕᤱᤅᤥ ᤏᤛᤠ᤺ᤴᤛᤠᤒᤠ ᤛᤧᤘᤠᤖᤥᤒᤠ ᤘᤕᤧᤖᤥ॥ 6ᤁᤖ ᤂᤪᤡᤛ᤻ᤋᤧᤱᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤜᤡᤶᤛᤕᤱᤅᤥ ᤏᤛᤠ᤺ᤴᤛᤠᤒᤠ ᤀᤠᤒᤢᤃᤧᤴ ᤁᤢᤛ᤻ᤛᤠᤖᤥ॥ ᤂᤪᤡᤛ᤻ᤋᤀᤥᤒᤠ ᤀᤠᤏᤡ᤹ ᤀᤠᤈᤥᤃᤢᤶᤒᤠ ᤏᤡᤱᤛᤠᤱᤅᤡᤴ ᤔᤧᤸᤗᤧᤳᤋᤣ ᤜᤠᤱᤜᤠᤱᤅᤠᤱ ᤀᤠᤘᤠ᤹ᤏᤧ ᤑᤠ᤹ᤃᤪ ᤀᤠᤏᤡ᤹ᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤜᤡᤶᤛᤕᤱᤅᤥᤒᤠᤛᤡᤖᤥ॥
ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤏᤠᤜᤠ᤹ᤖᤧ ᤂᤢᤏᤡ᤹ ᤏᤠ᤺ᤶᤛᤡᤱᤔᤠᤴ
7ᤂᤧᤸᤗᤧᤆᤥᤃᤢᤸᤗᤧ ᤛᤣᤛᤣᤔᤠᤱᤅᤡᤸᤗᤧ ᤀᤰᤂᤣᤗ᤹ᤖᤡᤰ ᤐᤠ᤺ᤳᤋᤢᤒᤠ ᤜᤧᤰᤁᤣ.
“ᤀᤠᤀᤡᤴ ᤂᤢᤏᤧ᤹ ᤁᤢᤀᤡᤰᤗᤠᤴ ᤁᤧᤄᤧᤵᤛᤢᤶᤔᤡᤸᤗᤧ 8ᤀᤣ᤺ᤰᤛᤠᤍᤧᤴᤏᤥ ᤀᤡᤛᤪᤠᤀᤡᤗᤡᤜᤠ᤹ᤖᤧ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤜᤱᤔᤧᤛᤠ᤹ᤖᤢᤒᤠ ᤕᤧᤶᤔᤥ ᤒᤡᤑᤩᤢᤱ ᤔᤧᤈᤥᤃᤢᤒᤠ ᤁᤢᤀᤡᤛᤡᤰ ᤂᤡᤏᤡ᤹ ᤏᤡᤱᤘᤠ᤹ᤒᤠᤴ ᤁᤧᤎᤢᤱᤒᤠ ᤔᤧᤈᤥᤃᤧᤶᤔᤡᤴᤏᤧ᤹ᤀᤥ॥ 9ᤂᤧᤵᤔᤥ ᤂᤡᤏᤡ᤹ ᤌᤠ᤺ᤰᤌᤧᤒᤠᤜᤠ᤹ᤖᤧ ᤀᤡᤱᤃᤠ᤹ ᤀᤠᤏᤠᤛᤡ ᤌ᤺ᤵᤔᤠᤴ ᤔᤧᤛᤠ᤹ᤖᤢ ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤋᤱᤒᤣ ᤗᤡᤒᤥᤱ (᥊᥆) ᤌᤠᤖᤡᤰ ᤆᤥᤃᤢᤱᤒᤠ ᤀᤠᤕᤠ᤺ᤶᤒᤰᤁᤡᤴ ᤔᤧᤏᤡᤛᤢ॥ 10ᤂᤧᤸᤗᤧᤆᤥᤃᤢᤸᤗᤧ ᤂᤧᤴ ᤌᤠ᤺ᤰᤜᤠ᤹ᤏᤢ ᤀᤡᤱᤃᤠ᤹ ᤀᤠᤛᤡᤰ ᤐᤥᤃᤧᤀᤠᤱ ᤐᤠ᤺ᤳᤋᤢᤱ. ‘ᤂᤧᤱᤜᤠ᤹ᤖᤧ ᤂᤢᤏᤡ᤹ ᤛᤡᤰᤗᤢᤱᤔᤠᤴ ᤛᤍᤠᤍᤡᤱ ᤋᤠᤵᤐᤧ᤹ᤖᤥ. ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤀᤠᤗᤠᤶᤔᤡᤴ ᤁᤢᤛᤡᤱ ᤔᤧᤴᤏᤡ᤺ᤳᤋᤣ ᤔᤧᤘᤠ᤹ᤖᤥ॥’ 11ᤜᤧᤰᤁᤣ᤺ᤸᤗᤧ ᤀᤡᤱᤃᤠ᤹ ᤀᤠᤛᤡᤰ ᤐᤥ᤺ᤰᤔᤥ ᤀᤰᤂᤣᤗ᤹ᤖᤡᤰ ᤔᤠᤱᤜᤧᤰᤛᤡᤱᤅᤠᤱᤗᤥ. ‘ᤂᤧᤱᤜᤠ᤹ᤃ ᤀᤡᤱᤃᤠ᤹ ᤕᤠᤖᤡᤵ ᤆᤥᤃᤢᤱᤒᤠ ᤏᤠ᤺ᤶᤛᤡᤱᤔᤠ ᤋᤧᤴᤏᤥ ᤀᤠᤵᤑᤠᤸᤗᤧᤀᤠᤱ ᤗᤠ᤺ᤵᤔᤠ ᤔᤧᤱᤄᤥᤏᤧᤴᤗᤥ॥’”#ᤏᤡᤱ ᤛᤢᤶ ᥏᥋:᥍-᥇᥇
12ᤀᤠᤔᤡ᤺ᤶ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤂᤡᤏᤡ᤹ ᤗᤢᤶᤔᤥ ᤋᤠᤵᤑᤧ᤺ᤶᤒᤠ ᤏᤢ ᤏᤛᤠᤴ ᤔᤧᤴᤈᤥ᤺ᤰᤔᤏᤠᤒᤠ ᤏᤡᤱᤘᤠ᤹ᤒᤠᤸᤗᤧ ᤂᤡᤏᤡ᤹ ᤀᤠᤈᤢᤏᤡ ᤏᤡᤱᤘᤠ᤹ᤑᤢᤔᤠᤱᤗᤠᤶᤒᤠ ᤔᤠ᤺ᤱᤄᤠ ᤁᤧᤴᤈᤥᤃᤡᤴᤗ ᤑᤠ᤹ᤀᤠᤱ ᤛᤡᤱᤛᤡᤱ ᤗ᤹ᤖᤧᤶᤔᤧ᤹ᤀᤥ॥ 13“ᤀᤠᤀᤡᤴᤒᤠ ᤕᤧᤴ” ᤔᤧᤵᤏᤠᤒᤠ ᤐᤠ᤺ᤴᤏᤧᤴ ᤘᤠ᤹ᤖ ᤌᤠᤖᤡᤰ. ᤌᤡᤰᤗᤧ ᤘᤣ᤹ᤀᤡᤴ ᤂᤠᤜᤢᤴ ᤐᤡᤀᤠᤛᤡᤶᤔᤧ᤹ᤀᤥ. ᤜᤧᤰᤁᤩᤠᤱ ᤗᤠᤕᤥᤸᤗᤧᤴ ᤀᤡᤱᤗᤧᤰᤁᤡᤸᤗᤧ ᤂᤡᤏᤡ᤹ ᤀᤠᤳᤋᤡᤸᤗᤧ ᤁᤢᤛᤡᤰᤗᤢᤱᤔᤧᤴᤏᤡᤴᤏᤠᤱ ᤁᤧᤛᤠ᤺ᤰᤐᤠ ᤔᤧᤒᤥᤱᤏᤧᤸᤗ॥ 14ᤀᤠᤏᤡ᤹ ᤋᤃᤡ ᤏᤛᤠᤴ ᤀᤠᤈᤥᤃᤢᤶᤒᤠ ᤕᤧᤶᤔᤥ ᤂᤢᤏᤧ᤹ ᤋᤠ᤺ᤰᤐᤥ ᤀᤠᤈᤥᤃᤢᤶᤒᤠ ᤁᤢᤀᤡᤛᤡᤰ ᤁᤢᤏᤢᤵᤔᤥ ᤌᤠᤖᤡᤰ ᤏᤛᤠ᤺ᤴᤛᤠᤒᤠ ᤀᤠᤒᤥᤱᤏᤧ ᤑᤠ᤹ᤃᤪ ᤂᤪᤡᤛ᤻ᤋᤧᤴᤏᤢ ᤗᤰᤁᤧᤄᤥᤒᤠ ᤀᤠᤒᤥ᤺ᤰᤂᤧᤀᤠᤱ ᤀᤠᤘᤠ᤹ᤖᤥ॥ 15ᤛᤠᤶᤕᤥᤛᤠᤵᤗᤠ᤺ᤸᤗᤧ ᤀᤰᤂᤣᤗ᤹ᤖᤡᤰ ᤛᤠᤶᤍᤡᤱ ᤀᤠᤒᤡ᤹ᤖᤥ.
“ᤀᤠᤀᤡᤴ ᤂᤢᤏᤧ᤹ ᤁᤢᤀᤡᤰᤗᤠᤴ ᤁᤧᤄᤧᤵᤛᤢᤶᤔᤡᤸᤗᤧ ᤀᤡᤛᤪᤠᤀᤡᤗᤡᤜᤠ᤹ᤖᤧ ᤒᤡᤑᤩᤢᤱ ᤔᤧᤈᤥᤃᤢᤒᤠ ᤁᤢᤀᤡᤛᤡᤰ ᤂᤡᤏᤡ᤹ ᤏᤡᤱᤘᤠ᤹ᤀᤡᤴ ᤁᤧᤎ᤺ᤵᤐᤠ ᤔᤧᤈᤥᤃᤧᤶᤔᤡᤴᤏᤧ᤹ᤀᤥ॥”#ᤏᤡᤱ ᤛᤢᤶ ᥏᥋:᥇᥇
16ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤀᤡᤰᤗᤠᤴ ᤔᤧᤄᤧᤵᤛᤢᤛᤠᤱ ᤂᤢᤏᤧ᤹ ᤁᤢᤍᤰᤗᤧᤱᤘᤠᤀᤥ ᤒᤡᤑᤩᤢᤱ ᤁᤧᤈᤥ᤺ᤰᤐᤠᤜᤠ᤹ ᤀᤠᤳᤋᤡᤴᤜᤠ᤹ ᤔᤧᤘᤕᤧᤒᤣ᥅ ᤜᤠᤒᤠ ᤂᤧᤴ ᤔᤥᤛᤠᤖᤧ ᤔᤡᤛᤪ ᤗᤠᤈᤣ᤹ᤗᤠᤶ ᤗ᤺ᤳᤋᤢᤛᤡᤒᤠ ᤔᤏᤠᤜᤠ᤹ᤀᤣ ᤔᤧ᤺ᤴᤇᤡᤒᤡ᥅ 17ᤜᤧᤰᤁᤩᤠᤱ ᤋᤱᤒᤣ ᤗᤡᤒᤥᤱ ᤌᤠᤖᤡᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤠᤰᤁᤧᤴ ᤁᤧᤓᤥᤱᤒᤠᤜᤠ᤹ ᤀᤠᤳᤋᤡᤴᤜᤠ᤹ ᤔᤧᤘᤕᤧᤒᤣ᥅ ᤀᤣ᤺ᤰᤛᤠᤍᤧᤴᤏᤥ ᤗᤠᤕᤥ ᤁᤧᤈᤥ᤺ᤰᤐᤠᤀᤠᤱ ᤁᤧᤛᤡᤒᤠ ᤔᤏᤠᤜᤠ᤹ᤀᤣ ᤔᤧ᤺ᤴᤇᤡᤒᤡ᥅ 18ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤕᤠᤖᤡᤵ ᤆᤥᤃᤢᤒᤠ ᤏᤠ᤺ᤶᤛᤡᤱᤍᤧᤴᤏᤥ ᤀᤠᤵᤑᤠᤸᤗᤧᤀᤠᤱ ᤗᤠ᤺ᤵᤔᤠ ᤁᤧᤱᤄᤥᤛᤡᤴᤗᤥ ᤗ᤹ᤖᤡᤰ ᤀᤠᤳᤋᤡᤴᤜᤠ᤹ᤏᤢ ᤔᤠᤱᤜᤧᤰ ᤆᤥᤃᤢᤀᤠᤱ ᤘᤕᤧᤒᤣ᥅ ᤁᤢᤀᤡᤱᤈᤠᤱ ᤀᤡ᤺ᤵᤔᤠ ᤏᤠ᤺ᤵᤔᤠ ᤔᤧᤴᤍᤧᤶᤔᤏᤠᤒᤠ ᤔᤏᤠᤜᤠ᤹ᤏᤢᤀᤣ ᤔᤣ᤺ᤶᤒᤡ᥅ 19ᤜᤧᤰᤁᤣ᤺ᤸᤗᤧ ᤂᤧᤱᤜᤠ᤹ᤃ ᤂᤢᤏᤡ᤹ ᤏᤛᤠᤴ ᤔᤧᤴᤈᤥ᤺ᤰᤔᤏᤠᤒᤠ ᤏᤡᤱᤘᤠ᤹ᤒᤠᤸᤗᤧ ᤆᤥᤃᤢᤸᤗᤧ ᤂᤧᤴ ᤏᤠ᤺ᤶᤛᤡᤱᤍᤧᤴᤏᤥ ᤗᤠ᤺ᤵᤔᤠ ᤔᤧᤱᤄᤥ᤺ᤛᤢᤶᤒᤠᤴ ᤀᤠᤏᤡᤛᤢᤶᤗᤥ॥
Currently Selected:
ᤜᤡᤒᤪᤢ 3: LIFOTNT
Highlight
Share
Copy
Want to have your highlights saved across all your devices? Sign up or sign in
© 2009, 2023, Wycliffe Bible Translators, Inc. All rights reserved.