᥈ ᤌᤡᤛ᤻ᤛᤗᤥᤏᤡᤁᤡ 1
1
ᤐᤠᤘᤗᤗᤠᤶ ᤛᤧᤘᤠ
1ᤀᤠᤏᤡ᤹ ᤐᤠᤏᤢᤍᤡᤱ ᤐᤠ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤢ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤀᤥ ᤌᤡᤛ᤻ᤛᤗᤥᤏᤡᤁᤠᤛᤔᤠ ᤛᤣᤛᤣᤜᤢᤵᤗᤰᤁᤥᤒᤠ ᤁᤢᤕᤠᤵᤔᤡᤜᤠ᤹ᤀᤥ ᤀᤡᤱᤃᤠ᤹ ᤐᤠᤘᤗ. ᤛᤡᤗᤠᤛ ᤏᤢ ᤋᤡᤔᤥᤌᤡᤖᤧ ᤁᤴ ᤛᤰᤀᤡᤱᤄᤱᤅᤡᤴ ᤜᤠᤰᤁᤠᤛᤡᤃᤧᤒᤠᤖᤥ॥ 2ᤐᤠᤏᤢᤍᤡᤱ ᤐᤠ ᤏᤡᤱᤘᤠ᤹ᤑᤢᤔᤠᤱ ᤏᤢ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤂᤡᤏᤡ᤹ ᤗᤢᤱᤃᤢᤶ ᤏᤢ ᤛᤏᤠᤖᤢᤱ ᤁᤧᤒᤡᤖᤡᤖ॥
ᤏᤡᤱᤄᤢᤶᤔᤥ ᤀᤠ᤺ᤴᤇᤡᤱᤔᤠ
3ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤂᤡᤏᤡ᤹ ᤕᤠ᤺ᤶᤒᤣᤀᤥ ᤀᤠᤏᤡᤃᤧᤃ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤛᤍᤠᤍᤡᤱ ᤏᤥᤃᤧᤴ ᤐᤡᤔᤠᤀᤣ ᤐᤥᤱᤗᤥ॥ ᤜᤧᤰᤁᤩᤠᤱ ᤜᤧᤰᤁᤣ ᤆᤥ᤺ᤰᤔᤠᤃ ᤗᤠ᤹ᤖᤢᤀᤣᤖᤥ. ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ ᤏᤛᤠ᤺ᤴᤏᤥ ᤁᤧᤒᤥᤖᤡᤖ ᤁᤧᤒᤳᤇᤡᤀᤠᤱ ᤗᤢᤱᤔᤠ᤹ ᤁᤧᤍᤢᤰᤁᤠᤛᤡᤒᤠ ᤐᤠ᤺ᤴᤏᤡᤴ ᤐᤥᤖ ᤐᤳᤗᤥ॥ 4ᤂᤧᤸᤗᤧᤆᤥᤃᤢᤸᤗᤧ ᤂᤡᤏᤡ᤹ ᤕᤠ᤺ᤶᤒᤣᤀᤥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤘᤣ᤹ ᤁᤢᤛᤣᤛᤣᤜᤢᤵᤗᤰᤜᤠ᤹ᤀᤥ ᤀᤠᤏᤡᤃᤣ ᤏᤧᤒᤥ ᤆᤠᤱᤈᤠᤱ ᤔᤧᤳᤋᤢᤶᤒᤧᤖᤥ. ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ ᤏᤛᤠᤴ ᤁᤧᤈᤥᤃᤢᤶᤔᤠᤱ ᤁᤠᤰ ᤁᤧᤛᤠᤰᤐᤠ ᤐᤠᤴ ᤏᤢ ᤋᤢᤰᤂᤣᤜᤠ᤹ ᤆᤰᤔᤧᤸᤗ᤹ᤀᤣ ᤁᤧᤎᤖᤢᤶᤔᤠᤱ ᤁᤧᤘᤕᤡ᤹ᤖᤥ॥
5ᤁᤸᤗᤧᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤠᤶᤕᤥᤒᤠ ᤂᤠᤛᤧᤴ ᤆᤥᤃᤢ ᤁᤧᤗ᤹ᤒᤠ ᤐᤠ᤺ᤴᤏᤡᤴ ᤀᤥᤛᤣ᤺ᤴᤍᤠᤱ ᤆᤥᤃᤢᤖᤥ॥ ᤂᤧᤸᤗᤧᤆᤥᤃᤢᤸᤗᤧ ᤂᤡᤏᤡ᤹ ᤋᤢᤰᤂᤣ ᤁᤧᤎᤖᤢᤶᤗ ᤁᤧᤘᤕᤡᤒᤠᤸᤗᤧ ᤆᤥᤃᤢᤸᤗᤧ ᤏᤡᤱᤘᤠ᤹ᤑᤢᤜᤠᤱᤈᤢᤶᤗᤧᤴ ᤛᤢᤶᤒᤥᤎᤠᤛᤠᤒᤠ ᤁᤧᤒᤥ᤺ᤰᤂᤡ᤹ᤖᤥ॥ 6ᤏᤡᤱᤘᤠ᤹ᤑᤢᤔᤠᤱᤅᤡᤴ ᤛᤠᤶᤕᤥᤒᤠ ᤆᤥ᤺ᤰᤐᤠᤸᤗᤧ ᤆᤥᤃᤢᤸᤗᤧ ᤂᤡᤏᤡ᤹ ᤋᤢᤰᤂᤣ ᤁᤧᤈᤠ᤺ᤵᤐᤠᤜᤠ᤹ ᤂᤢᤏᤧ᤹ ᤂᤢᤶᤍᤡᤱ ᤐᤡᤖᤢᤛᤡ᤹ᤖᤥ॥ 7-8ᤍᤠᤱᤒᤠ ᤕᤧᤛᤢᤴ ᤛᤠᤱᤃᤪᤠᤶᤐᤣᤍᤠᤱᤗᤠᤶ ᤏᤢ᤺ᤱ ᤕᤢ᤺ᤸᤗᤧ ᤂᤡᤏᤡ᤹ ᤋᤢᤰᤂᤣᤀᤥᤗᤠᤶ ᤏᤠ᤺ᤶᤛᤡᤱᤔᤠ ᤁᤧᤒᤡᤖᤡ᤹. ᤜᤧᤰᤁᤩᤠᤱ ᤀᤠᤏᤡᤃᤧᤀᤠᤱ ᤏᤠ᤺ᤶᤛᤡᤱᤔᤠ ᤂᤥᤛᤢᤶᤒᤧ᤹ᤖᤥ॥ ᤂᤢᤏᤧ᤹ ᤁᤢᤔᤢᤰᤛᤠᤶᤃᤧᤴ ᤔᤠᤱᤗᤠᤀᤡᤱᤒᤠᤜᤠ᤹ᤏᤢ ᤔᤡᤖᤠ᤺ᤰᤁᤥ ᤕᤢᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤁᤢᤛᤡᤱ ᤔᤧᤴᤏᤡ᤺ᤵᤔᤏᤠᤒᤠᤜᤠ᤹ ᤏᤢ ᤔᤡ᤺ᤶᤈᤡ ᤍᤠᤱᤒᤠ ᤕᤧᤛᤢᤖᤧ ᤁᤢᤛᤢᤏᤠᤀᤡᤱ ᤋᤧᤴᤍᤡᤱ ᤆᤥ᤺ᤰᤔᤠ ᤔᤧᤴᤍᤧᤶᤔᤏᤠᤒᤠᤜᤠ᤹ ᤂᤢᤶᤍᤡᤱ ᤐᤡᤖᤢᤛᤡᤖᤥ॥ 9ᤂᤧᤱᤜᤠ᤹ᤖᤧᤃ ᤔᤧᤴᤏᤢᤵᤔᤏᤠᤒᤠ ᤔᤧᤰᤔᤠ ᤂᤢᤶᤍᤡᤱ ᤔᤧᤄᤥᤛᤢ᤹. ᤜᤧᤰᤁᤩᤠᤱ ᤍᤠᤱᤒᤠᤸᤗᤧ ᤁᤢᤍᤃᤡᤗᤠᤶ ᤏᤢ ᤔᤢᤰᤛᤠᤶᤃᤧᤴ ᤁᤢᤔᤡᤔᤡᤍᤡᤱᤗᤠᤶ ᤘᤣ᤹ ᤔᤧᤛᤧᤴᤗᤥ॥ 10ᤂᤢᤏᤧ᤹ ᤁᤢᤏᤢ᤺ᤱᤔᤠ ᤕᤢᤔᤠ ᤕᤧᤴᤏᤥ ᤀᤠᤒᤠᤅᤣ ᤛᤣᤛᤣ ᤁᤢᤔᤏᤠᤜᤠ᤹ ᤏᤢ ᤂᤢᤏᤧ᤹ ᤏᤛᤠᤴ ᤁᤧᤈᤥ᤺ᤰᤐᤠᤜᤠ᤹ᤀᤥᤗᤠᤶ ᤔᤡᤔᤡᤍᤡᤱ ᤏᤧᤶᤓᤥᤔᤠ ᤋᤠ᤺ᤰᤋᤢᤖᤥ॥ ᤂᤧᤵᤔᤥᤃ ᤂᤡᤏᤡ᤹ᤀᤠᤱ ᤁᤧᤘᤕᤡ᤹ᤖᤥ. ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ ᤀᤡᤱᤓᤴ ᤆᤥ᤺ᤰᤁᤠᤛᤡᤃᤧᤒᤠ ᤛᤢᤏᤠᤀᤡᤱᤅᤡᤴ ᤏᤛᤠᤴ ᤁᤧᤈᤥᤃᤢᤶᤗᤥ॥ 11ᤂᤧᤸᤗᤧᤆᤥᤃᤢᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤧᤀᤢ᤺ᤳᤋᤡᤒᤠ ᤜᤡᤱᤔᤴᤏᤥ ᤛᤢᤶᤒᤥᤎᤠᤛᤠᤒᤠ ᤁᤧᤒᤥ᤺ᤰᤂᤡᤏᤡ. ᤜᤧᤰᤁᤩᤠᤱ ᤂᤡᤏᤡ᤹ ᤏᤥᤏᤡᤱᤘᤠ᤹ᤛᤥᤰ. ᤏᤛᤠ᤺ᤴ. ᤏᤢ ᤁᤧᤈᤥᤃᤢᤶᤒᤠ ᤏᤥᤕᤠ᤺ᤶᤒᤰᤜᤠ᤹ ᤂᤢᤏᤧ᤹ ᤁᤢᤔᤢᤰᤛᤠᤶᤔᤡᤸᤗᤧ ᤁᤢᤗᤡᤱᤍᤥ ᤁᤧᤃᤧᤳᤋᤡ ᤁᤧᤒᤡᤖᤡᤏᤡ ᤑᤠ᤹ᤀᤠᤱ ᤀᤠᤵᤑᤠᤸᤗᤧᤛᤠᤱ ᤆᤰᤔᤧᤸᤗ᤹ᤀᤣ ᤂᤡᤏᤡ᤹ ᤏᤡᤱᤘᤠ᤹ ᤀᤡ᤺ᤳᤋᤠᤛᤡᤃᤧᤖ ᤂᤡᤏᤡ᤹ ᤕᤠ᤺ᤶᤒᤥᤀᤥ ᤋᤢᤘᤠ ᤆᤥᤃᤢᤶᤒᤧ᤹ᤖᤥ॥ 12ᤜᤧᤰᤁᤣᤗ᤹ᤖᤡᤰ ᤏᤡᤱᤘᤠ᤹ᤑᤢᤔᤠᤱ ᤏᤢ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤗᤢᤱᤃᤢᤶᤗᤠᤶ ᤍᤠᤱᤒᤠ ᤕᤧᤛᤢᤖᤧ ᤁᤢᤏᤠᤖᤠ ᤁᤧᤓᤥᤛᤢᤶᤗᤥ. ᤜᤧᤰᤁᤩᤠᤱ ᤂᤢᤏᤧ᤹ᤗᤠᤶ ᤂᤡᤏᤡ᤹ᤀᤠᤱ ᤀᤡᤱᤎᤠᤱ ᤁᤧᤄᤥᤛᤢᤶᤗᤥ॥
Currently Selected:
᥈ ᤌᤡᤛ᤻ᤛᤗᤥᤏᤡᤁᤡ 1: LIFOTNT
Highlight
Share
Copy
Want to have your highlights saved across all your devices? Sign up or sign in
© 2009, 2023, Wycliffe Bible Translators, Inc. All rights reserved.