Oseas 1
1
Yinam Oseas soc snich'nab
1Ja' sc'op Cajwaltic te tal ta stojol te Oseas te snich'an Beeri. Ja' yorail a te xmelmon c'axic ta muc' ajwalil ta Judá te Uzías,#2 R 15.1-7; 2 Cr 26.1-23. Jotam,#2 R 15.32-38; 2 Cr 27.1-8. Acaz#2 R 16.1-20; 2 Cr 28.1-27. soc Ezequías,#2 R 18.1—20.21; 2 Cr 29.1—32.33. soc ja' yorail te ay ta at'el a te Jeroboam#2 R 14.23-29. te snich'an Joás, muc' ajwalil yu'un Israel.
2Jich jajch' yal te Cajwaltic ta stojol Oseas:
—Te israeletic yac ta mulwej c'oem te bit'il loq'uic ta jtojole. Ja' yu'un, jich me ya apas te ja'ate: Baan, ic'a jtul jmulawil ants. Alaj-nich'najan soc. Jich te alaletique, yalatac jmulawil ants, xi' me sc'oplal —xi' te Cajwaltique.
3Jich yu'un te Oseas la yic' yinamin te yantsil-nich'an Diblaim. Jich la yic' yal, ayin jtul squerem-al. 4Te Oseas jich albot yu'un te Cajwaltique:
—Jezreel me sbiil xawac'bey te alale, melel nopolix ya cac'bey castigo te sts'umbal te muc' ajwalil Jehú ta scaj te milaw la spas ta Jezreel.#2 R 10.11. Ya me jlajinbey sc'oplal te nación Israel. 5Ja' me sc'aalelal a te ya jin ta bay stenlej xatal q'uinal yu'un Jezreel te yipic te soldadoetic yu'un Israel —xi' te Cajwaltique.
6Te Gomer te yinam Oseas, la yic' xan yal, ayin jtul alal ach'ix. Te Cajwaltic la yalbey te Oseas:
—Lo-ruhama xawac'bey sbiilin te alale, melel ma ba ya jcha'na'bey xan yo'bolil sba te yajwal Israel, ma ba ya jpasbey perdón. 7Ja'uc me to, ya me jna'bey yo'bolil sba te yajwal Judá; ya me jcoltay stuquel, jo'on Ajwalilon te Dioson yu'une. Pero ma ba ya jcoltay ta swenta guerra, ni ta t'im, ta puñal, ta caballoetic, ni mach'atic cajajtic tey a —xi' te Cajwaltique.#Zac 4.6.
8C'alal jil xchu' te Lo-ruhama, la yic' xan yan yal te sme'e, ayin xan jtul alalquerem. 9Jich yu'un te Cajwaltic la yalbey te Oseas:
—Lo-ami sbiil xawac'bey te alale, melel te ja'exe ma ja'uquexix te lum cu'une, ni ma jo'uconix te Dioson awu'unique#Os 1.6. —xi'.
Ya yich' xan yutsilal Israel
10Ya me sta sc'aalelal te mach'atic israeletic
te jichic te bit'il sji'al mar,#Gn 22.17.
te ma'yuc mach'a ya xju' yu'un sp'isel, ni yajtayel.
Te bit'il la yich' albeyel:
—Ma lumuquexix cu'un te ja'exe
—te xi' sc'oplalique,
Dios me ya yalbey:
—Ja'ex me yal-snich'anex te cuxul Dios#Ro 9.25-26.
—xi' me sc'oplalic.
11Jich me ya stsob sbaic te ants-winiquetic,
ja' te yajwal Judá soc te yajwal Israel.
Soc ya me yac'beyic yat'el jtul jtsobwanej,
spisil ta bayuc ya me sujt'ic bael ta Jerusalén.
Muc' me ya xc'ot sc'aalelal te Jezreel.
Currently Selected:
Oseas 1: TZOXCH
Highlight
Share
Copy
Want to have your highlights saved across all your devices? Sign up or sign in
Biblia en Tzeltal de Oxchuc y Tenejapa © Sociedad Bíblica de México, A.C., 2001.