Oseas 2
2
1Ja' yorail te jich me ya awalbeyic te awermanotac winiquetique:
—Lumotic yu'un Dios —xaex me.
Soc ya me awalbeyic te awermanatac antsetique:
—Na'bil yo'bolil abaic —xi' me sc'oplal awu'unic.
Ma junuc yo'tan ta stojol Dios lum Israel
2Te Cajwaltic ya yal:
—Te ja'exe albeyaic smul te ame'ique,
albeyaic te smule,
melel ma quinamuquix,
ni ma smamlaluconix.
Ma me jichuc ya spasulay sba ta ilel te bit'il jmulawil antse.
Ya me sq'uej bael ta yo'tan te mach'atic ya xmulanot yu'une.#Ez 16.8-63.
3Teme ma jichuc ya spase, t'anal me ya quijq'uitay ta jc'axel,
jich me ya xc'ot cu'un te bi yilel c'alal a ayine.#Is 47.1-3; Ez 16.37-39; Ap 17.16.
Ya me jc'atp'un ta jochol taquin q'uinal,
ta puro taquin lumq'uinal,
soc ya me xlaj ta taquinti'il.
4Ma ba ya jna'bey yo'bolil sba te yalataque,
melel chicnajem ta smulwej.
5Te sme'e la sboltes sba ta mulwej;
q'uexlaltic sba te bit'il jich la yal:
“Ya xba jle te mach'atic ya smulanone,
te mach'atic ya yac'bon jwe'el soc ja',
soc te ya jta a te stsotsil chij soc lino,
te aceite soc te bila ya cuch' yu'un te jwe'ele”,#Jer 2.23-25; 3.1-2; Os 4.12-14. te xie.
6“Jich yu'un ya me jmacbey sbe ta ch'ix
soc ya me cac'bey scorralil ta sjoyobal,
swenta yu'un ma ba ya sta sbe tey a.
7Ya sts'aclin xan te mach'atic ya xmulanot yu'un,
ja'uc me to, ma ba ya sta bael;
ya sle, ja'uc me to, ma ba ya staix.
Jich me ya yal:
“Ya sujt'on bael ta bay sbabial te jmamlale,
melel lec nix ayon soc ta neelal”, xi' me.
8“Ja'uc me to, te antse ma la sna'on.
Ma la sna' te jo'on la cac'bey
te trigo, vino soc te aceite;
te jo'on la quesmantesbey
te plata, oro ya spas yajcanan ae.
9Jich yu'un ya me xcha'talon,
ya me quich' sujt'el te trigo te vino cu'un
te c'alal yorail sloq'uesel ae,
soc ya quich' sujt'el te stsotsil chij soc lino cu'un
te la cac'bey swenta yu'un ya smuc sba a.
10Ya jt'ananbey te sbaq'uetale,
jich me ya jpasbey ta sit te mach'atic ya xmulanot yu'une.
Ma'yuc mach'a ya scoltay loq'uel ta jc'ab.
11Ya me jlajinbey sc'oplal te sbujts' yo'tane;
mero ma'yuc sbujts' yo'tan ya yaiy ta spasel te q'uinetic yu'une,
jich bit'il te yach'il u, soc ta jujun sc'aalelal cux-o'tan,
soc spisil te q'uinetic ya spase.#Is 1.12-14; Am 5.21-23.
12Ya jlajinbey te ts'usubiletic soc
te higueraetic yu'une,
ja' te jich la yalbey sc'oplalic te antse:
“Ja' jtojol te la yac'bonic te mach'atic la smulanonique”,te xie.
Ya me jc'atp'un ta pimil wanc'altic,
ja' me ya swe'elinic te ja'mal chambalametique.
13Ya me cac'bey castigo yu'un te jayeb c'aal c'axix
te la xchic'bey pom te yajcananique,
c'alal la xch'al sba ta ch'ocowiletic soc ualiletic
swenta yu'un ya yantay te mach'atic ya xmulanot yu'une,
te c'alal la xch'ayon ta yo'tane.
Jo'on Ajwalilon, tulan ya cal.
Dios c'ux ya yaiy te lum Israele
14“Jo'on me ya jmon;
ya me quic' bael ta jochol taquin q'uinal
soc ya me jc'opon soc yutsil co'tan.
15Ya me cac'bey xan te ts'usubiletic yu'un,
soc ya me jc'atp'un te xatal q'uinal Acor#Jos 7.24-26.
te tey me ya xchicnaj a te smuc'ul yo'tane.
Tey me ya sjac'bon jc'op a jich bit'il te c'alal ach'ix toe,#Jer 2.2.
jich bit'il te bi c'aalil loc' tel ta Egipto.
16Jich me ya yalbon: “Jmamlal”, xi' me;
ma me ja'uc ya yalbon xan: “Baal cu'un”, te xie.
Jo'on Ajwalilon, tulan ya cal.
17Ya me jch'aybey ta ye te sbiilic te baaletique;
ma ba ya yalbeyic xan loq'uel te sbiilique.
18“Te c'alal ya sta yorail ya me jpas trato soc
te ja'mal chambalametique,
te ja'mal mutetic soc te chanetic,
ta swenta xc'uxtayel te lum Israel.
Ya me jloq'ues ta yolil lum
te t'im, te puñal soc spisil guerra,
swenta yu'un jun nax me yo'tan ya xcux yo'tan te lum cu'une.
19Israel, ya me quinaminat sbajt'el q'uinal;
mero quinamat, jich bit'il ya yal te mandalil,
melel c'ux me ya caiyat c'alal ta yutil co'tan.
20Ya me quic' quinaminat, soc jun nax me co'tan ta atojol;
jich yu'un te ja'ate ya me ana'bon jba te jo'on Awajwalone.
21Jo'on Ajwalilon, tulan ya cal:
Jich me yorail te ya cal tel mandal ta ch'ulchan,
te ch'ulchan ya yac' tel ja'al ta lumq'uinal.
22Te lumq'uinal ya me yac' trigo, vino soc aceite;
jich me ya yalic: “Dios ya sts'unotic”.
23Jich me ya jts'un ta q'uinal c'oem te lum cu'un,
te ja' nax mero cu'un jtuquele;
ya me jna'bey yo'bolil sba te Lo-ruhama,
te Lo-ami ya calbey: “Ja'at lumat cu'un”,#Zac 13.8-9; Ro 9.25; 1 P 2.10. ya cut,
soc jich me ya yalbon: “Ja'at Diosat cu'un”,
xi' me —xi' te Cajwaltique.
Currently Selected:
Oseas 2: TZOXCH
Highlight
Share
Copy
Want to have your highlights saved across all your devices? Sign up or sign in
Biblia en Tzeltal de Oxchuc y Tenejapa © Sociedad Bíblica de México, A.C., 2001.