Sofonías 2
2
1Ja'ex ants-winiquetic te ma'yuc aq'uexlalic,
tsoba abaic, jun xawac' abaic,
2te bit'il ma to ya awich'ic ch'ojel bael jichuc ac#Sal 1.4; Jer 13.24; Os 13.3.
te jun nax c'aal ya xch'ay ta jc'axele;
te bit'il ma to xjul ta atojolic te sc'aal yilimba te Cajwaltique;
te bit'il ma to xc'ot ta atojolic te sc'aalelal yilimba te Cajwaltique.
3Leaic Cajwaltic ta apisilic
te ja'ex te peq'uelex ta balumilal,
mach'aex ach'uunejbeyic te smandale.
Toj xawac' abaic soc pejc'ana abaic,
te ayuc bit'il ya ataic canantayel a
te sc'aalelal yilimba te Cajwaltique.#Is 55.6-7; Jl 2.12-14.
Castigo ya yich'ic nacionetic
4Te lum Gaza, jochol taquin q'uinal ya xjil;
te Ascalón, jochol ya xjil.
Ta c'aaleltic ya yich' ch'ojel loq'uel te mach'atic nainemic ta Asdod;
te mach'atic ayic ta Ecrón ya me yich'ic bulel c'oem.
5¡Ya me awil awocolic ants-winiquetic te talemex ta Creta
te nainemex ta sti'il mar!
Dios ya yalbeyex ac'oplalic ta scontroinbelex:
—Canaán, slumalat filisteoetic,#Is 14.29-31; Jer 47.1-7; Ez 25.15-17; Jl 3.4-8; Am 1.6-8.
ya me jlajinat soc ma'yuc mach'a ya quijq'uitaybat.
6Te lumq'uinal ta sti'il mar
ya me xc'atp'uj jilel ta aquiltic,
tey me ya stsob sbaic a te jcanan-chijetique,
soc corraletic ya xc'ot yu'un chijetic —xi' te Diose.
7Te mach'atic cuxulic xan ta Judá,
ya me x'och ta sc'abic te lumq'uinale,
te c'alal ya xtal te Cajwaltic Dios
te ya yac'bey coltayel soc te ya slecubtes te bit'il ayique.
Tey me ya xbajt'ic soc a te xchijique,
soc ta ajc'ubal ya me xcux yo'tanic
ta bay nanatic yu'un Ascalón.
8-9Ja' tulan ya yalbey sc'oplal Cajwaltic te Spisil ya xju' yu'une, te Dios yu'un Israel:
—Caiyojbey stojol yixta-c'opic te moabaetic,#Is 15—16; 25.10-12; Jer 48; Ez 25.8-11; Am 1.13-15.
soc te sbol-c'opic te amonetique.#Jer 49.1-6; Ez 21.28-32; 25.1-7; Am 1.13-15.
Melel ja' la sbolc'optaybonic te ants-winiquetic cu'un,
soc muc' la yac' sbaic ta bay sq'uinalic.
Jich yu'un, ya cal ta jamal te bit'il cuxul Dioson jtuquel,
te Moab jich me ya xc'ot te bit'il Sodoma,
soc te mach'atic ayic ta Amón jich me ya xjilic te bit'il Gomorra.#Gn 19.24.
Ya me xc'atp'uj ta ch'ixtiquil te sq'uinalique,
sloq'uib me ats'am ya xc'otic,
sbajt'el q'uinal ma'yuc yutsil ya xjil ta jc'axel.
Te mach'atic cuxulic xan ta bay lum cu'un
ya me xba spojbeyic sbiluc,
soc ya me yich'bey jilel te sq'uinalique —xi'.
10Jich me ya x'ac'bot stojic te Moab soc Amón
te bit'il la yixtac'optayic te lum yu'un Cajwaltic,
te bit'il muc' la yac' sbaic ta stojol
te lum yu'un Cajwaltic te Spisil ya xju' yu'une.
11Te Cajwaltic xiweltic nax me sba ta stojolic.
Ya me sjin spisil te lotil diosetic ta lumq'uinale;
soc ja' me ya yich' ch'uunel yu'un spisil ants-winiquetic ta bayuc,
asta te mach'atic ayic ta q'uinal joytaybil ta mar.
12Ja' nix jichex mach'a ayex ta Etiopía,#Is 18.1-7.
ya me x'ejch'enajex jilel yu'un spuñal te Cajwaltique.
13Soc ya me stoy bael sc'ab ta scontroinel ta norte
ta swenta slajinel te Asiria.#Is 10.5-34; 14.24-27; Nah 1—3.
Tan ya xjil te lum Nínive,
ya xc'atp'uj ta jochol taquin q'uinal.
14Te ste'el snaic ya me yich'ic bots'el loq'uel;
tey me ya smejts'an sbaic a te chijetic
soc spisil ja'mal chambalametic.
Te pelicano soc erizo mutetic
tey me ya xlujch'ajic ta wayel ta sba te oyetique;
te jojetic tey me ya xc'opojic a ta bay ventanaeticsoc ta bay ti'nailetic.
15Ja' te lum te nojel toybail ta yo'tan
te la yich' sbaic ta muq'ue,
te la yal te yajwal
te ma'yuc mach'a ya xpajot yu'un ta spamal balumilal.
Ta ora to tan a jilix,
soc c'atp'ujix ta xch'en jti'awal chambalametic.
Jayebuc mach'a ya xc'axic tey a
ya xuxubajic yu'un, soc ya spasbeyic seña ta slabanel.
Currently Selected:
Sofonías 2: TZOXCH
Highlight
Share
Copy
Want to have your highlights saved across all your devices? Sign up or sign in
Biblia en Tzeltal de Oxchuc y Tenejapa © Sociedad Bíblica de México, A.C., 2001.