2 Timoteo 4
4
Chola me te Sc'op Diose
1Ya jpasat ta mandal ta stojol te Diose soc ta stojol te Cajwaltic Jesucristoe, te ya xtal ta muc' ajwalile soc te ya yilbey bi yilel yat'el spisil te mach'atic cuxulique soc te mach'atic lajemique. 2Ja' ya calbat te ya me awat'elin xcholel te sc'op Diose; chican teme yorail a te ya achole, o teme ma yorailuque. Aiya me tojobteswanej, soc comaw; soc lamaluc me awo'tan ta tac'uywanej soc yaq'uel ta nopel te bila ay ta ch'uunele. 3Melel ya me sta yorail te ma sc'an yaiyic stojol te lequil p'ijubtesele. Ta scaj sbic'tal yo'tanic ya xcaj stsobic p'ijubteswanejetic te ya yaq'uic ta nopel te bila mulanbil ta aiyel stojol yu'unique. 4Ya yijq'uitayic ta aiyel stojol te smelelil c'ope. Ja' ya xbajt' ta yo'tanic yaiyel stojol te jontol c'op aiyejetique. 5Yan te ja'ate canantaya me aba spisil ora. Ts'ica me te awocole. Pasa me awat'el ta xcholel te lec yach'il c'ope. Ju'tesa me awat'el te ac'botat apase.
6Te jo'one nopolix ya cac' jba ta milbil smajt'an Dios, yu'un nopolix ya quijq'uitay te balumilale. 7Te jo'one la caiyix tsalaw, ju'ix cu'un te animal beele, ma ba ch'ay te xch'uunjel co'tane. 8Ta ora to, ja' xanix ya jmaliy te jcorona te bit'il toj ainon ta q'uinale te q'uejbil yu'un te Cajwaltique, te ya yac'bon te c'alal ya sta sc'aalelal te ya xcha'tal xane. Melel ja' lequil juez stuquel te toj ya xchajbanwane. Ma jo'ocon nax jtuquel te ya yac'bon jmajt'ane, melel ya yac'bey smajt'an uuc spisil mach'atic bin nax yo'tanic ta smaliyel te bi ora ya xchicnaj tele.
Te bila ya sc'an ya spas te Timoteo
9Ya me xtal awilon ta ora. 10Melel te Demase,#Col 4.14; Flm 24. la spijt'esonix jilel scaj te bic'tajix yo'tan yu'un te bila swenta nax in balumilal to. Jich bajt'ix ta lum Tesalónica. Te Crescente bajt'ix ta sq'uinal Galacia. Te Tito#2 Co 8.23; Gá 2.3; Tit 1.4. bajt'ix ta sq'uinal Dalmacia. 11Ja' xanix joinej li'to te Lucase.#Col 4.14; Flm 24. C'axan ic'a tel te Marcose,#Hch 12.12,25; 13.13; 15.37-39; Col 4.10; Flm 24. yu'un ya me scoltayon ta spasel yat'el te Diose. 12Te Tíquico#Hch 20.4; Ef 6.21-22; Col 4.7-8. la jticunix bael ta lum Éfeso. 13Te c'alal ya xtalate, ich'bon tel te najt'il jc'u'e te quijq'uitayej jilel ta lum Troas#Hch 20.6. ta bay sna Carpo. Ich'bon tel uuc te libroetique soc te balbil junetic te bayal sc'oplal ta co'tane.
14Te Alejandro#1 Ti 1.20. te jpas-calderae, la yac'bonix bayal jwocol. Ya me x'ac'bot stoj yu'un Cajwaltic te bila la spasbone.#Sal 62.12; Ro 2.6. 15Te ja'ate tsajtaya me aba ta stojol, melel jc'axel scontroinej te c'op ya caltique.
16Te sbabial buelta te la quich' tejc'anel ta stojol te ajwaliletique, jtul ma'yuc mach'a la scoltayon ta c'op. La spijt'esonic jilel ta spisilic. Ma me x'ac'bot smulinic yu'un te Diose. 17Ja'uc me to, ja' teq'uel ta jts'eel te Cajwaltique soc la yac'bon yip co'tan. Jich ju' cu'un xcholel spisil te lec yach'il c'ope, soc la yaiyic stojol spisil te jyanlumetique. Jich la scoltayon loq'uel ta ye león-choj te Cajwaltique. 18Ja' la scoltayon loq'uel ta yolil spisil te bila amene, soc ya me scanantayon ja' to c'alal ya sta yorail te ya yic'on bael ta banti ay ta ajwalinel te Diose. Ac'a ich'otuc ta muc' soc yutsilal sbajt'el q'uinal. Jichuc.
Spatjibal yo'tanic ta slajibal
19Albon spatjibal yo'tan te Priscila soc te Aquilae,#Hch 18.2,18. soc te mach'atic ay yu'un ta sna te Onesíforo.#2 Ti 1.16-17. 20Te Erasto#Hch 19.22; Ro 16.23. jilem ta lum Corinto. Yan te Trófimo#Hch 20.4; 21.29. tey jil ta lum Mileto, yu'un ay ta chamel. 21Te ja'ate talan me ta ora te bit'il ma to sta yorail te invierno. La sticunbat spatjibal awo'tan te Eubulo, te Pudente, te Lino, te Claudia soc spisil te quermanotactique.
22Ac'a ainuc ta awo'tanic te Cajwaltic Jesucristoe, soc ac'a yac'beyex bayal yutsil yo'tan ta apisilic. Jichuc.
Currently Selected:
2 Timoteo 4: TZOXCH
Highlight
Share
Copy
Want to have your highlights saved across all your devices? Sign up or sign in
Biblia en Tzeltal de Oxchuc y Tenejapa © Sociedad Bíblica de México, A.C., 2001.