2 Corintios 13
13
Pablo myu̶gu'ugtu̶jk ayuuk jaknajtzkapxu̶u̶yu̶ y yajpókxu̶ñ jak'yajniguéxy
1Adaa je̱' je̱'e̱ mu̶du̶gu̶u̶g'ookpu̶ ma nu̶kxy ngu'ix nmu̶gapxaangu̶xyu̶ñ. Pu̶nu̶ mxu̶'u̶waangu̶xypy je̱'e̱ mmu̶gu'ug tu'ug kuaanu̶ nidu̶y'ajt'ajtpu̶ me̱tzk o tu̶gu̶u̶g m'u̶xtaaygyu̶xu̶ch je̱'e̱ mu̶dyiibu̶ oy wa'adz mu̶dya'agu̶bu̶ñ. 2Nigu̶xyu̶ je̱'e̱ mu̶dyiibu̶ jékyu̶p pokytyuungu̶xu̶ñ, jada'achám ma u̶u̶ch yam ju̶gue̱m nyajpaady cham jadu'ook nyajja'aymye̱jtzku̶xnu̶ba neby nnajtzkapxu̶u̶yu̶ju̶ñ ajku̶xy mu̶naa u̶u̶ch najty jim wiinu̶ ju̶jpu̶ nyajpaady ma miich ajku̶xyu̶ñ, je̱'e̱ mu̶naaba oy mu̶me̱jtz'ook ngu'ijxku̶xy nmu̶gápxku̶xyu̶ñ: ko naty nu̶kxy jadu'ook ngu'ijxku̶xy nmu̶gápxku̶xy, ka'p n'okwinmé̱kxku̶xnu̶ch. 3Miich je̱'e̱ tu̶y'ajt mye̱jkku̶xypy ko du'un neby u̶u̶ch nmu̶na'añu̶ñ, je̱'e̱ Cristo u̶u̶ch du'un xyajkápxp. Y je̱'e̱ Cristo ka'p je̱'e̱ xypya'a''ayoogu̶xu̶ch xyajkumu̶doogu̶xu̶p je̱', y yajni'igu̶xu̶'kypy ma miich ajku̶xyu̶ñ ko je̱'e̱ mu̶k'ajt mu̶u̶du̶ch y ka'p dyu'unu̶ch neby je̱'e̱ ja'ay yuubu̶ pu̶ma'aybyu̶ju̶ñ. 4Y tu̶y'ajt je̱' ko yajcruutzpe̱jtu̶ neby je̱'e̱ ja'ay yuubu̶ puma'aybyu̶ju̶ñ neby je̱'e̱ mu̶k'ajt ka'pu̶ mu̶u̶du̶chu̶ñ, peru̶ jugy'ajtp jada'achambaad mu̶u̶d je̱'e̱ Dios myu̶k'ajtu̶ñ. Y du'un u̶u̶ch nandu'un ajtu̶m ajku̶xy neby je̱'e̱ ja'ay yuubu̶ pu̶ma'aybyu̶ju̶ñ ka'p je̱'e̱ mu̶k'ajt nmu̶dajtu̶m ajku̶xy, peru̶ tzu̶naay jugy'ajtku̶xu̶bu̶ch tu'ugyu̶ ma je̱'e̱ Crístoju̶ñ mu̶u̶d je̱'e̱ Dios myu̶k'ajtu̶ñ neby miich mu̶baad nbube̱jtku̶xyu̶ñ.
5Oktaj okmaaygyu̶x y ok'yajmiin ok'yajme̱jtzku̶x je̱'e̱ mjoot mwinma'añ ku̶'u̶m, pu̶nu̶ tu'ug'aa tu'ugjoot je̱'e̱ mmu̶bu̶jku̶ñ mmu̶dajtku̶xy ma je̱'e̱ Crístoju̶ñ; nayjyoot'ijx naywyinma'añ'ijxu̶gu̶x ku̶'u̶m. ¿Nej ka'p mnejwu̶u̶ygyu̶xy ko je̱'e̱ Jesucristo yajpaatp ma miich ajku̶xyu̶ñ? Y pu̶nu̶ ka'p mnejwu̶u̶ygyu̶xy ni'igú̶xp ku'uduuy je̱'e̱ Jesucristo du'un je'eyu̶ mmu̶bu̶jkku̶xy. 6Nju̶jp'ijxypyu̶ch ko miich mnejwu̶u̶ygyu̶xu̶ch ko ka'p u̶u̶ch je̱'e̱ nmu̶bu̶jku̶ñ nyajtu̶gooygyu̶xyñu̶ ma je̱'e̱ Jesucrístoju̶ñ. 7Y nmu̶bu̶jktzoogu̶xypyu̶ch je̱'e̱ Dios mu̶u̶d miich kyu̶xpu̶ ajku̶xy ka'pu̶ je̱'e̱ ju̶bu̶kpu̶ mduungu̶xu̶ch; ka'p pyaadyu̶ch neby u̶u̶ch ngu'umaybyu̶dzu̶u̶maangu̶xyu̶ñ ko u̶u̶ch je̱'e̱ nmu̶bu̶jku̶ñ ka'p tu̶ nyajtu̶gooygyu̶xy, paady u̶u̶ch je̱'e̱ Dios nmu̶bu̶jktzoogu̶xy neby je̱'e̱ oybyu̶ mduungu̶xu̶chu̶ñ, oy du'un jya'aku̶xu̶'u̶gy neby ka'pu̶ tyu̶y'ajtu̶chu̶ñ neby u̶u̶ch nmu̶naangu̶xyu̶ñ. 8Je̱' ko ka'p je̱'e̱ tu̶y'ajt mu̶baad nmu̶dzip'ajtu̶m ajku̶xy, ni'igyu̶ je̱'e̱ tu̶y'ajt nguydyuunu̶mu̶ch ajku̶xy. 9Paady u̶u̶ch nxondaakku̶xy ko u̶u̶ch ka'p mu̶k nnayju̶wu̶u̶yu̶gu̶xy, neby miich mu̶baad mu̶k mnayjyu̶wu̶u̶yu̶gu̶xyu̶ñ; y nmu̶bu̶jktzo'adu̶'u̶dzu̶byu̶ch je̱'e̱ Dios ajku̶xy neby je̱'e̱ wij'ajt ke̱j'ajtu̶ñ mu̶baad mbaatku̶xyu̶ñ ma je̱'e̱ Diosu̶ñ. 10Cham adayaaba naky nyajnijayu̶u̶ygyu̶xy ma u̶u̶ch ka'p nnu̶kxyñu̶ ku'ijxpu̶ mu̶gapxpu̶ ma miich ajku̶xyu̶ñ, ka'pu̶ mu̶k nmu̶gapx n'ane̱'e̱mgu̶xu̶ch y ko u̶u̶ch naty jim nnu̶kxy ma miich ajku̶xyu̶ñ mu̶u̶d u̶u̶ch je̱'e̱ n'ane̱'e̱mu̶ñ je̱'e̱ mu̶dyiibu̶ u̶u̶ch je̱'e̱ Windzú̶n Jesucristo tu̶ xymyo'oyu̶ñ, neby je̱'e̱ mmu̶bu̶jku̶ñ ni'igyu̶ ye̱e̱kku̶xu̶chu̶ñ, y ka'p neby je̱'e̱ mmu̶bu̶jku̶ñ ni'igyu̶ myajtu̶gooyu̶chu̶ñ ajku̶xy.
11Ma u̶u̶ch yam ngapxta'ay nmu̶dyaakta'ayu̶ñ, mu̶gu'uktu̶jk, ndzojkypyu̶ch ko jootkujk mdzu̶naay mjugy'ajtku̶xu̶ch y mu̶joottu̶gooygyu̶x ma je̱'e̱ mdzu̶naay mjugy'ajtu̶ñ ajku̶xyu̶ñ je̱'e̱ wij'ajt ke̱j'ajtu̶ñ mu̶dyiibu̶ yajpaatp ma je̱'e̱ Diosu̶ñ. Nayyajjootkugu̶u̶yu̶gu̶x amíñ axyu̶py, y tzu̶naaygyu̶x jugy'ajtku̶x tu'ugjoot tu'ugwinma'añ y jootkujk; y je̱'e̱ Dios mu̶dyiibu̶ tzojkp ju̶wu̶u̶ybyu̶ñ y yajjootkujk'ajtpu̶ñ yajpaadu̶p ma miich ajku̶xyu̶ñ. 12Nayyajpókxu̶gu̶x xi'ig xon amíñ u̶xyu̶py; cham mnaymyajtz mnaymyu̶ne̱e̱nu̶gu̶xy. 13Nigu̶xyu̶ je̱'e̱ mu̶gu'uktu̶jk je̱'e̱ mu̶dyiibu̶ je̱'e̱ ayuuk tu̶y'ajt mu̶bu̶jkku̶xpu̶ñ yaa, je̱'e̱ yajpókxu̶ñ xyajnigue̱jxku̶xy.
14Wan je̱'e̱ Windzú̶n Jesucristo y'oy'ajt myay'ajt, je̱'e̱ Dios chojku̶ñ jyu̶wu̶u̶yu̶ñ y je̱'e̱ Espíritu Santo y'ijtu̶wu̶ch ma miich nigu̶xyu̶ ajku̶xyu̶ñ.
Currently Selected:
2 Corintios 13: MIXE
Highlight
Share
Copy
Want to have your highlights saved across all your devices? Sign up or sign in
Nuevo Testamento en Mixe de Mazatlán y Tutla, Oaxaca, México © Sociedad Bíblica de México, A.C. 2005