CAUNG: KHIN" 149
149
Caung:khin" Ra" nghaui" caung: Dalam:
1 Asang re caung:khin" ge,- Asang re nghaui" caung: asag' yang caung:khin" byid; ge,-
Yao" nho: dao:so: zaung mo; phaung gaung: mae yao: re caung: nghaui" ge,.
2Israel we"- ni" nho: phan" Asang: mathao mae ngaui bau" na wa,- Ziun mae"
byu qe we"- naonhaung" kho:kham nho: mathao mae ngaui bau: ngaui lho" za: na ge,.
3Go" mung: yao" mang a re caung:khin" na ge,- zang we' tang: be, mung: yao: re caung:khin" ge,.
4Asang wa yao" byumyu" qere qu" ngaui: na: ra".
Yao: wa nhag' lam: khyo" na mo, re aung doe; ru byid: yang: nga: yhe' byid' ra".
5Mao"So: byumyu" qe wa yao: bam aung doe; ruyang ngaui bau: ngaui lho" boe" na geshao:-
6Mao"So amyin" byid' to" ru we' dakhyo:- byumyu" mung"dan: qere aung nae" qhid'mae"-
7byumyu" cao jab alhab' re qobo dae byid: nae" qhid' mae"- yao: bam: kho:kham qere myag: she: yu nae" qhid' mae"-
8yao: bam: au: jhaung qere jao co" yang taui" she: lo" genae" qhid' mae"- byumyu" alhab' re qobo dae byid: nae" qhid' mae"
9yao: bam wa- tho' ra" shae pyang: lo,mae ci mung:- gang" qhi" zag: hug' yang: Mao"So re caung:khin" byid: geshao:- ceru wa-
Mao"So: byumyu" qenho: aung doe; ru ngad: ra".
Asang re- caung:khin " byid: ge,.
Currently Selected:
CAUNG: KHIN" 149: LHCL
Highlight
Share
Copy
Want to have your highlights saved across all your devices? Sign up or sign in
© Bible Society of Myanmar 2009