MALAKHI 4
4
Asang: Ba Na Joe" Li" Na: Ra"
1Qam: so' bo: ra" Asang wa ngad beim: mo, we' makhyang: mashab mo, khovho re" ru: nga" lo" nae" ba na joe" li" na: ra". Ai: ba na mae yao: bam wa nga" jeim" lo" mung:- yao: bam: akhyo pe" re: madang lo nae". 2Ngadqere: ngo re phug' cao" ra" naonhaung" qhid' mae" kam" wa ba ru" ra" khyad' yu: ra" qam: so' wa naonhaung" dao mae thug' li" mung: ba lo; ru" ra" no gai byid' ru zho: thug' li" nae". Naonhaung" wa nung: yham mae" pheim: thug' ke' ra" nung: nau" ru: loe, mung: ngaui bau" li" genae". 3Ngo mau" kad' ra" ba na re naonhaung" wa makhyang: mashab mo, re aung: pye' mung: yao: bam wa naonhaung" nho: khyid qao: mae" phalhug we' dakhyo: ngad: li" genae".
4Nga" daui daui yaug Moshe mho" shid' ra" dao: re we' Israel byumyu" qe alhab' mo, phug' cao" nae" qhid' mae" Sina bam mae yao: re ngo byid' ra" amyin" jham re xam" to: ge,.
5Ngadqere: Asang: nho: qi" qhang: ru we' gyaug ci" ba na majoe" shire- Lapa Elia re ngo nhao: ke' byid: nae". 6Yao: wa yao: pho" qe we' yao: zo: qere daga" dam: qham nhao: li" nae". Airu: mangad: re ngo joe" li" mung: naonhaung" mung"dan: re phyo' sin" pye' byid: nae" ngad:- ga: ta" ra".
Currently Selected:
MALAKHI 4: LHCL
Highlight
Share
Copy
Want to have your highlights saved across all your devices? Sign up or sign in
© Bible Society of Myanmar 2009