प्रेरितो काम 4
4
पतरस अने युहन्नाआ गिरफ्तारी
1जाहा ते मांहाहा ओ कोतू ओतु ते याजक अने मंदिरोओ सरदार अने सदुकी तियाआ पोओ चोढीत आवे. 2ते तियापो याआ गोठी उपो रागाकोहे ओते का पेत्र अने योहान माहुंहु संदेश आपित ओतलू येशुउ मोल्यानंतर जिवंत ओवील्या पुनरुस्थान विषयी प्रचार कोईत ओते. 3तिये तियाहा अटक कोअयी तेहलाम ती वेल हांजेपो उवी ओती त्याकोता आगाडी दिहेजा तियाहा चौकीत मेक्ल्ये. 4परंतु जिये तो संदेश होम्लालू तीयामरोत जास्तीज माहु विश्वास कोअयु ओतु तियाआ संख्याआ सुमारे पाच हजार माहु पर्यंत ओती.
पतरस अने युहन्ना यहूदी सभा सामने
5आगाडी तेदीही त्याआं मुख्य याजक, डायु अने यहुदी धर्म शास्त्री यरुशलेम माय एकठे उवे 6महायाजक हन्ना, कैफा, योहान, सिकन्दर अने प्रमुख याजाकाआ कोऱ्याम आखे मांहे पण उपस्थित ओते. 7ते तियाअ प्रेषितांहा तिया आगाडी उभे कोईत फुसिलो लागाडीत, तुमु कोडला शक्तीवांही अथवा कोडला अधिकाराआ ओ काम कोईत होय? 8फासाडी पवित्र आत्माम रोत पुरो ओतगोयु पेत्र तियाहा कोयु, ओ मांहाहा मुख्य याजक अने डायु माहु, 9जर आज आमापोरोत होमला लंगड्या माअहुहू कोईओलो हाजा विषयी ओ विसारपूस कोअयी जात होय का, तो हाजू केहलु ओवयू? 10ताहा तुम्हाआ आखाहा अने इस्राएलाआ मांहोओ मालुम उवे का ओ काम नासरी येशु ख्रिस्ताच्या नावामेहे उवे होय ज्याहा तुमु क्रूसापोओ चोढावीन आप्लु अने परमेश्वराने मोल्यानंतर फासी जिवंत कोल्यु तीयावाही ओ पुरो हाजू ओवयू होय जो तुमा आगाडी उबु होय. 11येशु तोज, जो डोणो ज्याहा तुमु बाधनाआ तुच्छ माग्यू तोज डोणो अत्यंत महत्वपूर्ण (कोनशीला) डोणो बोल्यू. 12काहाके तारण दिहरापोरोत नाहा काहाके जुगोओ निसे मांहोहो एहलो दिहरे नाव आप्लु नाहा ज्यावाही आमाहा तारण उवे.
येशु नाव कोअता चेलाहा धमकी
13जांहा तिये पेत्र अने योहान याहा धैर्य पालील्यो अने ओन वाचना-लेखता गोगत्ले अने ओ साधारण मांहु होय तेहलाम तियाहा जास्तीज आश्चर्य वाटेम फासाडी तियाहा कोलेहे का ओ येशुआरी रोहीत्ले होय. 14काहाके जो माहहू हाजू ओवयू ओतु तियाहा त्याआरी उबु असलेला पालीत ओते कोईत तियापो किबी कोअला उरलो नाहा. 15तिये तियाहा यहुदी न्यायसभेमेरोत निहित जाहु आज्ञा कोयु अने फासाडी आपसामेहे विचार विनिमय कोअहू लागाडीत. 16याआ मांहाआरी केहलु व्यवहार कोईओलो? काहाके यरूशलेमरोत रोनारू हर एक माअहुहू मालूमे ओते का ह्यांच्याद्वारे एक उलेखनीय चिन्ह उवे होय अने आमाहा तियाहा नकार आपुहू शकत नाहा. 17परंतु आमाहा तियाहा चेतावणी आपुहू का याआ नावाबारामे कोडा ए चर्चा कोहू कायना याकोअता लोकापोरोत याआ गोटीविषयी जाखा प्रचार कोईलाकाजे थाबाडीहि सेकेले जाइअलो. 18तिये तियाहा जागे हादाडये अने आज्ञा आप्यी का येशुउ नावामें कोडोबी चर्चा कोहू नाहा अने संदेश पण आपुहू नाहा. 19परंतु पेत्र अने योहान इये उत्तर आप्लु, तुमुज कोआ, नाहाकोत परमेश्वरा आगाडीही ओ आमा कोअता योग्य होय का परमेश्वरोओ होमला कायना अने तुमाआ होमला? 20आमाहा जे किबी पालील्यो होय अने जे किबी होमल्यु होय ते कोओला आमाहा थोब नाहा शेकता. 21फासाडी तिये तियाहा जाखा धमकाव्यो अने सोडीत आप्लु तियाहा शिक्षाम कोईलाकाजे तियाहा किबी मार्ग जोड्यू नाहा काहाके जी घटना घोडीही ओती त्याकोता आखे मांहे परमेश्वरोओ स्तुती कोईत ओते. 22ज्या माअहुहू हाजो कोअलाआ चिन्हआव्ये ओते तियाआ वय सालीह वर्षापेक्षा जाखा ओते.
चेलाआ प्रार्थना
23जांहा तियाहा सोडीत आपलो आव्ये ते आपाआ मित्राआरी फासी आव्ये अने तियाहा जे किबी मुख्य याजकांवाही अने डायु अधिकार्यांवाही जे किबी कोयु ते आखे तियाहा कोयु. 24जांहा तिये ओ होमल्यु तेहलाम आखे मिलीत परमेश्वरोओ आवाज आपित कोयु, मालिक, तांहुज जुग, धोरती, समुन्द्र अने तीयाम जे किबी होय तियाआ रचना कोअयी होय. 25तांहुज पवित्र आत्माआ द्वारा आपाआ सेवक, आमाआ आगाडी डाये दाविद याआ सोबिमेहे कोयु ओते, अन्यजाति माहु काहा अहंकार देखाड्यो अने देश-देशो माहु व्यर्थ योजना काहा कोअल्यो? 26धरतीइ राजांई याआ विरूध युद्ध कोईलाकाजे तीयारी कोअयी अने शासक प्रभू अने ख्रिस्ताच्या विरोधा मेहे एकठे आव्ये. 27खरोज, हेरोद अने पुन्तियुस पिलात पण आव नगरामेहे अन्यजाति अने इस्रायला आरी मिलून ताआ पवित्र सेवक येशुउ विरोधाम ज्याहा तुमु ख्रिस्ताच्या रुपोमे अभिषेक कोल्यु ओते, वास्तव एकजूट उवे ओते, 28ते एकठे उवे याकोअता का ताआ शक्ती इच्छेनुसार जे किबी पालील्यो निच्छित उवे ते पुरो उवे. 29अने ओमे ओ प्रभू तियाआ धमकीईही लक्ष्य आप अने आपाआ सेवकांआ निर्भयतावाही ताआ वचन कोइला शक्ती आप. 30जांहा हाजो कोईलाकाजे तू आपाआ आथे आगाडी कोअनारू अने चिन्ह तेहलूज अदभूत काम ताआ पवित्र सेवकांद्वारे येशुउ नावामें कोल्यु जालो. 31जांहा तिये प्रार्थना पुरो कोअयी तेहलाम ज्या जागापो ते एकठे ओते ती जागू आल्यी अने तियाअ आखांम पवित्र आत्मावांहि वास कोल्यु अने ते निर्भयतावाही परमेश्वरोओ वचन गोगू लागाडीत.
विश्वासीई सहयोगी
32विश्वासी माहुहु ओ मदत कोअनारे जमाव एक मोन अने एक तन ओतु कोडोबी एहलो कोयु निमिले का ए माआ वस्तु होय, तियापो जे किबी ओते ते आखे मिलून वाटीत लेत ओते. 33अने प्रेषित योग्य शक्तीवांही प्रभू येशुउ फासी जिवंत झाल्याचे साक्षी आपित ओते परमेश्वरोओ महान अनुग्रह वरदान तियाअ आखा मेहेरोत ओते. 34तीयाम कोडाहि काहीही धाकनाय पोडीत निमिले काहाके ज्या कोडापो खेतू अने को ओते ते तियाहा वेसेत आपित ओते अने तीयावाही जे धन मिलीअलो ओते ते घेऊन. 35प्रेषिताआ गूडाम मेकीत ओते अने ज्याहा जेवडे गोरोज ओते तियाहा तेवडो धन आप्लु जात ओते. 36उदाहरना कोता यूसुफ नाव कुप्र बेटाम जन्म उवलू एक लेवी ओतु ज्याहा प्रेषित बर्णबा अर्थात शांतीचा पोऱ्या पण कोयो ओते. 37तिये एक खेतू वेसेत आप्यी, तो तिया मालिक ओतु अने ते धन प्रेषिताआ गूडाम मेकल्ये.
Currently Selected:
प्रेरितो काम 4: NOINT
Highlight
Share
Copy
Want to have your highlights saved across all your devices? Sign up or sign in
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.