प्रेरितो काम 11
11
पतरोसो यरूशलेम आवलोओ
1फाशो प्रेषित अने पाही जे यहूदीया मेहे होमले ओते का अन्यजाति बी परमेश्वरोओ वचनाहां मानींत लेदे. 2यास्तव जांहा पेत्र यरुशलेमो आवयू सुंता कोयु मांहे तियापरोत वादविवाद कोहू लागाडीत, 3तू बेसुंताआ कायोताआरी जात आरी रोटू कोल्यु. 4तेहलाम पेत्राई तियाहा आरंभ कोईत अनुक्रमाने कोत देखाये, 5याफा नगरामे प्रार्थना कोईत ओते अने देहभाव ओतगोयु एक दृष्टांत पाल्यू, का एक पात्र वोडा चादरीहोस चारू कोपरे कोटकीवल्याआ जुगोमोरत उतरित मा आहने आव्ये. 6तिया जागे आय वारूह पालीत विचार कोईत ओतू तेहलाम पृथ्वीपो चतूष्पाद, श्वापदे, होरकीज जीव, अने जुगोमेरयो सिडे माआ डोआ आगाडी पोडये, 7अने आय एहली वाणी गोगीलावेले आय कोअयु का पेत्रा, उठ ऐने माईत खा. 8परंतु आय कोअयु, नाहा प्रभू काहाके का आय फासी पर्यंत अशुद्ध अने अपवित्र वस्तू खादु नाहा. 9तिया फासाडी लागेज दिहरी वाणी जुगोमोरत कोअयु, जे किबी परमेश्वराने शुद्ध कोल्यु होय तेगा अशुद्ध मा कोही. 10तीन टायमोआ ऐहलेच उवे, तेहलाम आखे किबी फासी जुगोम विसित लेधलो गोये. 11अने पाला, वेगुज तीन मांहु जे कैसरियापोरोत मांही मोकल्ये गोये ओते, तियाअ कोओ माय आमाहा ओतू आविलो उभे रोल्या. 12तेहलाम आत्मावाही आविलो माहु तियाआ आरी किबी शंका नि कोईत जाहू आखिलो अने ओ सहा पाही पण माआआरी आवये अने आमाहा तियाअ माहुहु कोआ गोल्यू. 13तिये आमाहा कोयु, का तिये एक स्वर्गदूतो आपाआ कोआत उबु पाल्यू जीआ तियाहा कोयु, याफामध्ये मांहु मोकलित शिमोन ज्याहा पेत्र कोतेहे हादीत लेतआव. 14तो तुमामे एहली गोठी कोअही ज्यावाही तू अने ताआ आखे परिवाराआ तारण उवे. 15जाहा आय ए गोठी कोताच ओतू तेहलाम पवित्र आत्माआ तियापो तियाआ प्रकारे उतरी ज्या प्रकारे सुरवातीती तियापो उतरी ओती. 16तेहलाम माहु प्रभूऊ वचन ओर आव्ये जे तिये कोइतलु योहानाई ताहा पायोंवाही बाप्तिस्मे आप्लु पण तुमु पवित्र आत्मावांहि बाप्तिस्मे मिलनारू. 17वास्तव जांहा देवूही तियाहा पण तोज दान आप्लु, जे आमाहा प्रभू येशु ख्रिस्तापो विश्वास कोईलावाही मिल्ये ओते ताहा आय कोडू ओतु जो देवोहो थाबाडीहि शकतो? 18ओ होमलित ते ठावकु रोल्या अने देवाची स्तुती कोईत कोहू लागाडीत, तेहलाम ताहा देवूही अन्यजातीही पण जीवना कोअता मोन फेरविला दान आप्लु होय.
अन्ताकीया मेहे शाउल अने बरनाबास
19जे मांहे आव उपद्रवलेला संकटावही जे स्तेफनाकोईत पोडल्ये ओते इही तीही ओतगोयु गोये ओते ते फिरीत-फिरीत फेनिकडे अने कुप्र अने अन्ताकीया पुग्या पण यहुदीआ सोडीत कोडाआ तेबी वचन होमलित ओते. 20पण तीयामरोत किबी कुप्री प्रवासी अने कुरेनी ओते जे अन्ताकीयामे आविलो यूनानी पण प्रभू येशुउ सुवार्ता प्रचार कोहू लाग्यू. 21तेहलाम प्रभूआ आत्माआ तीयाआरी ओतु, अने खूप मांहे प्रभूपोरोत विश्वास वोलोलो. 22जांहा तियाआ चर्चा यरुशलेमामे मंडळीना होमला आवयी ताहा तिये बरनबास अन्ताकियाहा मोक्ल्यीत. 23तो तीइही पोताडीन अने देवोओ कृपा पालहु आनंदाम ओवयू अने आखाहा शिक्षण आप्लु का निश्चयपूर्ण मोन लागाडित प्रभूहु बिलगुल रोअलो. 24तो एक हाजू मांहु बरनाबास ओतु अने पवित्र आत्माआ अने विश्वासामेहे पुरोओत ओतु अने दिहरे जास्तीज मांहे प्रभूमे आविलो गोये. 25तेहलाम तो शौलाल होदिलाकोता तरसुस निहित गोल्यो. 26तेहलाम तो तियाहा मिल्यू ताहा तियाहा अन्ताकीया लाविले अने एहलो उवे का ते एक वर्षापर्यंत मंडळीना भटकोट अने जाअखो माहुंहु शिक्षण आपित फिर्यु अने शिष्य आखाम पहीले अंतुखीया माय ख्रिस्ती कोईत कोयु गोये. 27तियाअ दिहोम कोडु संदेष्टा यरुशलेमाम रोत अन्ताकीया आवयू. 28तीयामरोत अगबुस नावाआ एक उबुरोत आत्माआ प्रेरणा ए कोल्यी का आखे जगात दुष्काळ पोअनारू क्लौदियुस वेले ओ उवे. 29तेहलाम शिष्यांनी निर्णय लेदो का हर एक जोओ आपाआ यथाशक्तीई अनुसार यहुदीयामेहे रोणारे पायहोओ सेवा कोअता किबी मोकलित. 30तिये ऐहलेच कोल्यु अने बर्णबा अने शौल याआ आथे डायाआ जागे काही मोकलित आप्लु.
Currently Selected:
प्रेरितो काम 11: NOINT
Highlight
Share
Copy
Want to have your highlights saved across all your devices? Sign up or sign in
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.