YAWSHU 16
16
Ehprim Hte Sinna Maga De Na Manashe Amyu Matu Ni Hpe Karan Ya Ai
1Yosep a amyu matu ni hpe masat ya ai lamu ga a dingda maga de na lamu ga jarit gaw Yawdan hka kau Yerihko mare a sinpraw maga na Yerihko hka hpawk kaw nna nam mali de hprang, dai hpang Yerihko kaw nna bum ga lam hkan nhtawm Behtela de byawn rai nga ai. 2Behtela kaw nna Luza hku hprang, Arhki masha ni nga ai Ahtarot Adara e byawn rai nga ai. 3Dai kaw nna sinna maga de sa wa yang Yahpleti masha ni nga ai shara hku garet, lawu Bet Horon e di rai nga ai. Dai kaw nna Gezera e byawn rai nna Ka-ang Panglai e htuk rai nga ai.
4Yosep a amyu matu hta na Ehprim amyu bawsang hte sinna maga de nga ai Manashe amyu bawsang ni lamu ga sali lu la nga ma ai.
Ehprim
5Ndai gaw Ehprim amyu bawsang hta na lakung lama ni a lamu ga rai nga ai. Shanhte madu da ai lamu ga jarit gaw sinpraw maga Atarot Ada kaw nna lahta Bet Horon du hkra, 6dai kaw na Ka-ang Panglai htuk rai nga ai. Dingdung maga Mikmehta kaw nna lamu ga jarit gaw sinpraw maga Tanat Shilo de magaw yu wa nhtawm, Yanoa sinpraw maga de hkren rai nga ai. 7Dai hpang, Yanoa kaw nna Atarot hte Nara de hprang, Yerihko de byawn rai nna Yawdan hka e htuk rai nga ai. 8Dai lamu ga jarit gaw Tapua kaw nna sinna maga de shanang sa mat wa nhtawm, Kana hka shi e hprawt, Ka-ang Panglai e htuk rai nga ai. Dai gaw Ehprim amyu bawsang hta na lakung lama ni madu la na matu jaw ai lamu ga sali rai nna, 9Manashe a lamu ga jarit kata kaw na Ehprim kashu kasha ni hpe jaw ai mare kahtawng nkau mi mung lawm nga ai. 10Rai ti mung, Gezera mare e nga ai Hkanani masha ni hpe shanhte n gawt shapraw kau mu ai rai nna, dai ni du hkra Ehprim kashu kasha ni hta Hkanani masha ni nga nga ma ai; rai ti mung shanhte gaw mayam shatai hkrum nga ma ai. #Trg 1:29.
Currently Selected:
YAWSHU 16: JCLB
Highlight
Share
Copy
Want to have your highlights saved across all your devices? Sign up or sign in
Jinghpaw Common Language Bible © Bible Society of Myanmar, 2009.