2 HTESALONI 3
3
Anhte A Matu Akyu Hpyi Ya Mi
1Anhte a hpu nau ni e, hpang jahtum nanhte hpe htet dat mayu ai lam gaw, Madu a mungga gaw nanhte hta e byin ai zawn matut nna grai lawan ai hku chyam bra wa na hte shagrau shareng let hkap la mu ga, anhte a matu akyu hpyi ya mi. 2Karai Kasang gaw anhte hpe n hkru n shawp n kaja ai masha ni a lata na mawai la u ga, akyu hpyi nga mu; hpa majaw nga yang, dai Kabu Gara Shiga hpe masha shagu wa kam sham ma ai n rai.
3Rai ti mung Madu gaw kangka nga ai rai nna, shi gaw nanhte hpe myit n-gun shaja ya ai hte N hkru N kaja Ai Wa a hpyen ai kaw na makawp maga na ra ai. 4Anhte tsun htet da mada hte hpe nanhte galaw nga myit dai hte maren, matut nna galaw nga na marin dai ngu nna nanhte a ntsa e anhte myit mu myit hkut ai hte kam ai myit dai Madu gaw anhte hpe jaw mani ai.
5Nanhte gaw Karai Kasang a tsaw ra myit hpe grau nna chye na wa na matu hte, Hkristu jaw ai hkam sharang ai myit hpe grau chye na wa na matu mung, dai Madu gaw nanhte hpe woi awn nga u ga.
Amu Bungli Galaw Na Lit Lu Ai Lam
6Hpu nau ni e lagawn let asak hkrung nga ai ni yawng hte mung, anhte sharin shaga ai lam ni hpe n hkan n sa ai ni hte mung, n kanawn ai sha, kaga hkrai rai nga na matu Hkristu a mying nsang hte nanhte hpe anhte hkang dat ga ai. 7Nanhte gaw anhte galaw dan ai len ningli hte maren hkan galaw ang myit dai lam nanhte nan atsawm sha chye nga myit dai. Nanhte hte rau anhte nga nga ai ten hta anhte ni lagawn ai lailen n madun ga ai. 8Anhte gaw jahpu manu n jaw ai gade a lusha hpe mung n la sha ga ai. De a malai, nanhte kadai hpe mung lit n shali u ga, anhte shani shana salu salat hte amu bungli galaw lai wa saga ai. 9Anhte ning rai galaw ai gaw, anhte hta nanhte kaw na karum madi shadaw ai hpe hpyi na ahkang n nga ai majaw n rai, nanhte hkan sa na matu kasi ningli tai u ga, ngu nna she galaw ga ai. 10Nanhte hte rau anhte naw nga nga ai ten hta, “Amu bungli n galaw mayu ai wa gaw shat mung n sha u ga,” ngu nna nanhte hpe anhte tsun ga saga ai.
11Anhte ndai lam hpa majaw tsun ga ta? nga yang, nanhte hta na masha nkau ni gaw lagawn ai hte asak hkrung nna, hpa mung n galaw ai sha, masha kaga ni a amu hta shang shalau lawm chye ai ni nga ma ai hpe anhte na lu ga ai. 12Shing rai nga ai masha ni gaw, atsawm sha hkrak ai hku nga nna tinang a kan bau bungli galaw let hkrung nga mu ga, ngu nna Madu Yesu Hkristu a mying nsang hta e anhte htet da ai hte sadi jaw dat ga ai.
13Rai ti mung hpu nau ni e, nanhte mai kaja ai amu galaw na hkum hki ba dum nga myit. 14Ndai laika hta nanhte hpang de anhte ka shagun dat ai mungga hpe n madat n mara ai masha langai ngai nga ai rai yang gaw, shi hpe matsing da nna, shi kaya mat u ga, shi hte hkum kanawn nga myit. 15Rai ti mung shi hpe hpyen wa hpe zawn hkum di myit, hpu nau wa langai mi hpe zawn sadi jaw shadum shahprang nga mu.
Ga Hpungdim
16Anhte a ngwi pyaw ai lam a npawt rai nga ai Madu gaw, nanhte hpe tut nawng e lam shagu hta ngwi pyaw ai lam ajaw nga u ga.
17Nye a lata hte nan lawu na hte maren ngai ka nngai, Shakram dat ai wa ngai Pawlu. Laika shagu hta nye a ta masat gaw ndai rai li ai. Ndai gaw nye a laika ka ai lai rai sai.
18Anhte a Madu Yesu Hkristu a chyeju gaw nanhte yawng hte rau anga nga u ga law.
Currently Selected:
2 HTESALONI 3: JCLB
Highlight
Share
Copy
Want to have your highlights saved across all your devices? Sign up or sign in
Jinghpaw Common Language Bible © Bible Society of Myanmar, 2009.