Fil INTRODIKSION
INTRODIKSION
Let Pol pou bann Filipien ti ekrir pou premie legliz ki Pol ti ouver dan Lerop, dan provins Masedwann. Sa let la finn ekrir letan apot Pol ti dan prizon, enn lepok kan bann lezot Kretien angaze ti kont li; e li ti dekouraze par fos lansegnman dan legliz dan Filip. Pourtan sa let la exprim enn lazwa ek enn konfians. Zis lafwa profon ek ferm ki Pol ti ena dan Lekris ki kapav explik sa.
Pol ti ekrir sa let la prinsipalman pou dir mersi bann Kretien dan Filip pou kado ki zot ti avoy li kan li dan difikilte. Li servi sa lokazion la pou rasir zot, pouki zot kapav gagn kouraz ek konfians malgre tou so problem, e malgre zot problem osi. Li invit zot pou imit limilite Zezi, plito ki zot les bann anbision personel ek lorgey kontrol zot. Li rapel zot ki lavi dan linite avek Lekris enn kado ki zot finn resevwar par lafwa, pa parski zot finn obeir bann seremoni lalwa Zwif. Li koz lor lazwa ek lape ki Bondie donn bann dimoun ki viv dan kominion avek li.
Sa let la marke par lazwa, konfians, linite, ek perseverans dan lafwa ek lavi Kretien. Li montre osi lafeksion profon ki Pol ti ena pou legliz dan Filip.
Plan let la
Introdiksion 1:1-11
Pol dan bann sitiasion personel 1:12-26
Lavi dan Zezi 1:27-2:18
Avertisman kont bann ennmi ek bann danze 3:1-4:.9
Pol ar so bann kamarad Filipien 4:10-20
Konklizion 4:21-23
Currently Selected:
Fil INTRODIKSION: NTKM2009
Highlight
Share
Copy
Want to have your highlights saved across all your devices? Sign up or sign in
Mauritian Kreol New Testament © Bible Society of Mauritius, 2009.