Mataio 2
2
2. PAKANA.
1Ba di buta Iesu u Betileem Iudaia u ra pupukai kuma Erod i tui uni, a kum tenamanana diat wan tak u ra ist u Ierusalem, 2ma diat wetiri kup i lena, Kurawai ia ba di buta i, a tui a nu ra Iudaia? kuma miat a bobota a nuna nagnag u ra ist, ma miat wan urin lena miat a tutudug korom i. 3Ma Erod a tui ba i walogoroi, i lăklăkontau uni a balana, diat rap ma ra Ierusalem. 4Ma i ben ugai diat rap a kum tadaru na pinapet ma ra kum tenatimtimu a nu ra tara, ma i tiri diat un ta bual din buta Karisito uni. 5Ma diat piri tana, U Betileem Iudaia, kuma a parofita i a timutai lenkumi, 6Betileem, u ra bual Iudaia, pa u kinalik akit u diat a tadaru Iudaia: kuma in wan pat kon ui a Tadaru, a tenawarua ia a nudiat a nug tara Israel.
7Ma Erod i wata‐ino diat a kum tenamanana, ma i tiri nakuru diat u ra pupukai kuma a nagnag i pua uni. 8Ma i tulua diat u Betileem, ma i piri lena, Muat a wan, muat an auare nakuru kup a nat nono: ba muat a bobota i muat a wan balet urin, muat a wapua iau uni, ba ag wan ma ag tutudug korom i. 9Ba diat walogoropa a tui diat wan; ma boboi, a nagnag kuma diat a bobotai u ra ist, i muka diat, ma i aklakua u ra bual kuma i inep uni a nat măgălon. 10Ba diat bobo a nagnag diat kaia akit uni. 11Ma diat ruk u ra ruma ma diat bobo a nat măgălon ma nana Maria; ma diat tutudug ma diat lotu korom i; ma ba diat palai a nudiat utna diat tari tana a wetabara, a kold, ma ra bulit i agawian wakwakak, ma ra mura kai. 12Ma Nara i wakinapata diat u ra beberon lena, koniku diat wan balet korom Erod, ma diat wan talili u ra nudiat bual u ra akapi igen.
13Ba diat wan, boboi, Iosefa i beronopa ta agelo a nu ra Tadaru, i piri lena, Un turu, un benpa nadinana, mutul a kala u Aikupito, mutul a ki iai un ta pupukai ba ag piri balet tam uni, kuma Erod in auare kup a nat lena in um‐ua i. 14Ma i turu ma i benpa nadinana u ra marum, ma ditul kala u Aikupito; 15Ma ditul ki iai un ta pupukai ba Erod i mat uni: ba in wewaot uni a pirapira a nu ra Tadaru, a parofita i wapua‐mukatai lenkumi, Iau ukunpa na tuglik taka Aikupito.
16Ma Erod ba i boboi lena a kum tenamanana diat warukapa i, i kămkămiak akit uni ma i wetula, ma i um‐a‐rapua diat a kum nat muana Betileem ma ra nuna kum bual rap, diat ba ru pinoon i diat, ma diat a kum murumuru kai, le ra tupukai kuma i tiri nakuru diat uni a kum tenamanana. 17I wewaot uni a lig ba Ieremia a parofita i wapua‐mukatau uni lenkumi, 18A win igan te di walogoroi u Rama, a tinagi ma ra ki na tinobo akit Rasela i luan diat a kum na tunaliklik, ma pa i ligna marip, kuma diat panai kon i.
19Ba Erod i mat, boboi, Iosefa i beronopa ta agelo a nu ra Tadaru u Aikupito, 20I piri tana, Un turu, un benpa nadinana, mutul a wan u ra wanua Israel: kuma diat diat ligna um‐ua a nat diat irua rap. 21Ma i turu, ma i benpa nadinana ma ditul wan u ra wanua Israel. 22Ba i walogoroi lena, Arikeleo i nakokon kele tamana Erod u Iudaia, i burut ba i wan u iai; ma ba Nara i wakinapata i u ra beberon i wan talili u ra bual Kalilaia, 23ma i ki u ra wanua‐na‐ruma a iana Nasaret: ba in wewaot uni a pakan a pirapira a nu ra kum parofita lena, Din waragata i uni lena, A te Nasaret ia.
Currently Selected:
Mataio 2: RAI
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1896.