Mhasidie 1
1
1David nuou Solomon, Israelmia kediu mhasidie:
Mhasidie Ma Kere
2Themia bu mhasi mu kepethadie silieketuo,
tsiu mhacamhala silieketuo la,
3mhasi siro kepethadie puotou,
kemiatho, kethoca,
kede mu kemo rhi silieketuo la;
4miamomia bu mha silieketuo,
tsiu khriesarüümia bu mhasi mu kevikesuo si kekreilieketuo;
5mhakesimia bu kerünyü nunu mhasi miemielieketuo,
mu mhakelemia bu mhasi doko si salieketuo,
6mhasidie tsiu puoca vatshakeshü silieketuo;
mhakesimia dieko siro dievi kesouko silieketuo la.
7Jihova khrükepreie mhasi bode zo;
sirei mhalekemomiae mhasidie tsiu kepethadie rütseya.
Tarhokeshü mu Kepethadie
8A nuo,
n puo n tarhokeshü dieko rünyüliecie,
tsiu n zuo kepetha die khawa hiecie;
9kekreilamonyü sükoe n tsügei rütsonyie kezivi tuoi,
mu n vo nu pienyie zocü la.
10A nuo,
kephoumamia n ketsi shierei
u pfhekhoshü hie.
11Mhanuü ukoe sie,
“Vorlie, úko thezie pekru khe;
úko puocapuola jü zorei pekhre kejo kejüko rü khe;
12mekhru tuoi tsiu thekhe nu ketsu tuoi pecho süko perhei mezulie khe.
13We mhanya puoma kere pete ngulietuo,
mu vakelie nyako se u kiko tshulietuo.
14No rei n khapie hie kro nu shüliecie;
úko pete priesabou kerhetuomu” irei,
15a nuo, no uko cha nu vo hiecie;
n phi chapie uko cha nu shü hie;
16kekreilamonyü uko phi-e mha kesuo chatsa voya;
tsiu thezie pekrutuoü rhürhü tuoya.
17Kebie pethoupie zhü rei kemethuo zo;
perau süu ngu keba sie;
18derei ukoe u thuo u zie pekruketuo,
mu pekhre di u thuo u kerheiro liewaketuo pfhe ba zo.
19U medasuo di mha mehoukecümia pete hai di thela#1:19 Gk: Ibri Chako. chü zotuo;
süu thuo u kerheiro chüsetaya.
Mhasi Kepfhü
20Mhasi-e cha nu shiekhoui zo di,
ziekeko nunu shiekhoui tuo zo.
21Kemereitho chüu nunu puoe shieya;
nadi khru nu puoe die pu di sie:
22“Miamoko,
nie kichiepuo mhale mo ba zotuo ga?
Mia kre zo ba rei nie nei tuo me?
Kemeloko kichiepuo mha kesikele mecü batieya ga?
23A n kerhie di pethakeshü lecie,
a kele rupie nie ki shüya,
a dieko pie nie pesishütuo.
24A nieko kieshü rei nie mvüte,
a dzie yhashü rei miapuorei rünyü mo,
25nieko a kepetha die üse mhathomharo kemo chüwa,
tsiu a ruo di pethakecü die puorei lielie mote,
26süla nie kemezhiekelie ki a rei nyü batatuo;
siro kemichie nie gei kevor ki a rei nieko kretatuo,
27kemichieu khriedi tuoi nie vakecü ki tsiu kepekau khriewhi tuoi nie gei kevor ki,
kemezhiekecü tsiu thenou kesuo nie gei kevor nhie.
28Sitse nie a kietuo,
derei a nie khoüshü lho;
uko rükri sie a pfhütuo,
sirei uko a ngulie lho.
29Kekreilamonyü uko mhasi ngumecüte,
tsiu Jihova khrüprei kedalie mote;
30ukoe a kepetha die puorei lie mvü mu uko ruokeshü pete rütsete.
31Süla ukoe u mhatho kesuo siu cüükrietuo,
mu uko doko se u kelhuo chütatuo.
32Cha vajokewa thuo miamomia dukhriwatuo,
tsiu mhamo icüu thuo mhalekemomia pekawatuo;
33derei kehoupuorei a pfhe kerünyümia khrukhre batatuo,
mu lhou rüütatuo,
kepeka prei lho.”
Currently Selected:
Mhasidie 1: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More