Ezra 1
1
Sairos-e Pesikeshü
(2 Seyie 36:22,23)
1Persia kediu Sairos kedi chükelie teicie therie cie Jihova Jeremia tie nunu pukeshü chü tseilieketuo la, Jihovae Persia kediu nou chüshü, süki puoe puo kedirüvie pete pesikeshü, mu thukeshü hamhie:
2“Persia kediu Sairos-e puya: Jihova teigei keba Ukepenuopfüe kijü nu keba kedirüvie pete pie a tsüwate, mu puoe a bu Juda nu keba Jerusalem nu ki puo chüpie puo tsünuya. 3Nieko donu ketuo puo themia pete puo Kepenuopfü bu puo ze ketuou chülie, puo bu Juda nu keba Jerusalem nu khocie, di Jihova Israel Kepenuopfü kiu chülie, puoe Jerusalem nu bayakecü Kepenuopfü. 4Siro themia peshapie keba pete, thechü kehourapuo tuo rei, u ketuora themiako bu raka, suna, mhanya mu khunuo khapie khruohilie, Jerusalem nu keba Kepenuopfü kiu la keneisephra tsügei rei khashücie.”
Miadie Chü Ketuoko la Jerusalem nu Vorkelie
5Sitse Juda mu Benjamin kikru krüko mu zievoko, siro Levimiako, mu Ukepenuopfü thuo themia nou hükeshü pete, Jerusalem nu keba Jihova kiu chütuoü sieta. 6Siro uko siezanuomia pete rei u thuo u nei di khakeshü tsügei rei rakachü liko, suna, mhanya siro khunuo mu mhama kere khashü di uko dzie chü kemeteishü. 7Sizomonyü kediu Sairos-e Nebukadnezar Jerusalem nu Jihova kiu liko se vo puo rhuoko kiko nu shüpie bakewako se vorlie. 8Sükosü Persia kediu Sairos-e puo kinyikeseu Mithredat bu se vornushü, mu süko phrüpie Juda kedinuou Sheshbazar tsüwanushü. 9Süko phrü kevo hamhie: Suna dzieteikhou ser, rakachü dzieteikhou nyie puo, zhietenuo mepfüethepfü; 10Suna khou ser, rakachü khou krie dia di ker mu mhabou kekrei nyie puo. 11Suna mu rakachü pie kechü mhabou pete nyie pengou di krie dia, Sheshbazar-e mha hako mu miadie chüketako sa di Babilon nunu ze Jerusalem nu vor.
Currently Selected:
Ezra 1: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More