Ezra 2
2
Miadie Kechü nunu La Vorkelieko
(Neh 7:5-73)
1Babilon kediu Nebukadnezar bu teze Babilon nu vo di miadie chüketako parlie di Jerusalem mu Juda nu la vorlie. Mia puopuokecü puo thuo puo nadiu nu la volie. 2Ukoe Zerubabel, Jeshua, Nehemia, Seraia, Relaia, Mordekai, Bilshan, Mispar, Bigvai, Rehum mu Bana ze di vorlie.
Israel themia phrükeshü: 3Parosh nuonuo thepfu nyie kenie krie puo di hietheniekenie. 4Shefatia nuonuo, krie se di hietheniekenie. 5Ara nuonuo, krie thenie di hietheniepengou. 6Pahat-moab nuonuoko, süu Jeshua mu Joab nuonuoko nyie kenie krie thetha di kerekenie. 7Elam nuonuoko nyie puo krie kenie di hiepengouedia. 8Zatu nuonuoko krie thepfü di hiediaepengou. 9Zakai nuonuoko krie thenie di hiesorou. 10Bani nuonuoko, krie sorou di hiediaekenie. 11Bebai nuonuoko, krie sorou di mepfüese. 12Azgad nuonuoko nyie puo krie kenie di mepfüekenie. 13Adonikam nuonuoko krie sorou di hiesorouesorou. 14Bigvai nuonuoko nyie kenie di hiepengouesorou. 15Adin nuoko krie dia di hiepengouedia. 16Ater nuoko, süko Hezekia yiemia, hiethepfüethetha. 17Bezai nuoko, krie se di mepfüese. 18Jora nuoko, krie puo di kerekenie. 19Hashum nuonuoko krie kenie di mepfüese. 20Gibar nuonuoko, hiethepfüepengou. 21Bethlehem nuonuoko, krie puo di mepfüese. 22Netofa themiako hiepengouesorou. 23Anathot, themiako krie puo di mepfüethetha. 24Azmavet nuonuoko, mia hiediaekenie. 25Kiriatharim, Kefira mu Berot nuonuoko mia krie thenie di hiediaese. 26Rama mu Geba nuonuoko, krie sorou di mepfüepuo. 27Mikmas themiako, krie puo di mepfüekenie. 28Bethel mu Aimia krie kenie di mepfüese. 29Nebo nuonuoko mia hiepengouekenie. 30Magbish nuonuoko krie puo di hiepengouesorou. 31Elam kekreiu nuonuoko nyie puo krie kenie di hiepengouedia. 32Harim nuonuoko krie se di mepfü. 33Lod, Hadid mu Ono nuonuoko krie thenie di mepfüepengou. 34Jeriko nuonuoko krie se di hiediaepengou. 35Sena nuonuoko nyie se krie sorou di ser.
36Zievoko: Joshua yiemia Jedaia nuonuoko, krie thepfü di hietheniese. 37Imer nuoko nyie puo di hiepengouekenie. 38Pashur nuoko nyie puo krie kenie di hiediaethenie. 39Harim nuoko nyie puo di kerethenie.
40Levimiako: Hodavia yiemia, Jeshua mu Kadmiel nuonuoko, mia hietheniedia. 41“Ükechüko” Asaf nuonuoko krie puo di mepfüethetha. 42Care kepfhemia nuonuoko: Shalum, Ater, Talmon, Akub, Hatita mu Shobai nuonuoko pete kesa krie puo di serethepfü.
43Rüsuoki chalieko: Hako yiemia: Ziha, Hasufa, Tabaot nuonuoko, 44Keros, Siaha, Padon, 45Lebana, Hagaba, Akub 46Hagab, Shamlai, Hanan, 47Gidel, Gahar, Reaia, 48Rezin, Nekoda, Gazam, 49Uza, Pasia, Besai, 50Asna, Meunim, Nefesim 51Bakbuk, Hakufa, Harhur, 52Bazlut, Mehida, Harsha 53Barkos, Sisera, Tema, 54Nezia mu Hatifa.
55Solomon kituoko nuonuoko: Sotai, Hasoferet, Peruda 56Jala, Darkon, Giddel, 57Shefatia, Hatil, Pokeret-hazebaim mu Ami.
58Rüsuoki chalieko mu Solomon kituoko pete kesa krie se di hiethepfüekenie.
59Siro hako Tel-mela, Tel-harsha, Cherub, Adan mu Imer nunu kekhor: Ukoe uko puonuoko, uko seyieko mu ukoe Israelmia zo mo mo shikecü thashülie kenjüta. 60Delaia, Tobia mu Nekoda nuonuoko krie sorou di hiepengouekenie. 61Siro zievo yiemia: Habaia, Hakoz mu Barzilai nuonuoko (Gilid-u Barzilai nuopfüko donu miapfü puo liepie puo kimia chükelieu, sidi uko za se puo za thokelieu). 62Themia hako nuosenuoyie thupie ketuo nu u za pfhü sie, derei süko ngulie mota, süla uko üse mesa mo üdi zievoko mhatho nunu uko khawata, 63mu ahng-e uko donu zievo puo bu Urim mu Thumim ketso kemochie uko bu mha kemesatho vieko cü lho üwata.
64Themia pete kesa mia nyie hiediaekenie krie se di hiesorou. 65Sütsügei rei uko kituo thepfumia mu thenumia nyie thenie krie se di serethenie, süko donu ükechü thepfumia mu thenumia krie kenie. 66Uko kierko krie thenie di seresorou mu kier krie kenie di hiediaepengou. 67Uko ut krie dia di serepengou, uko gada nyie sorou krie thenie di mepfü.
68Uko vor Jerusalem tsolie mumetha chienuo krüko kro puoe Ukepenuopfü kiu chü lalieketuo la keneisephra khashü. 69Ukoe chülie kevi ki ze di suna darik nyie hiesorouepuo, rakachü kemesa nyie pengou, siro zievo pfhenei krie puo khashü.
70Siro zievoko, Leviko mu themia huo Jerusalem nu puo khieümhoura lhou balie. Kharukepfheko, tsiu rüsuoki chalieko u thuo u rüna nu lhou mu Israel pete rei u thuo u rünako nu lhoulie.
Currently Selected:
Ezra 2: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More