Nahum 3
3
Kepeka Vor Toutuoü Baketa
1He-i! Thezie kepekru nadiu,
mia pete meda phre,
mia vie vakelie thuo tshupfü,
mha pekakecü puo thela jü!
2Seiro pfhe mu bageithuo kerütou pfhe,
kier keprou pfhe tsiu kierbagei toutou ketuo pfhe.
3Kierkesemia ta whuo kevo,
zhiecha phriephrieikecü tsiu rüngou kepreikecü,
kesiako kengupie zhü,
kesiamo pfhepie zhü,
kesiamoko puo kela jü zo,
ukoe themoko geinu u phi mesü!
4Kekreilamonyü thethe lie di pieüpiera kechü krathorte,
kethemoukecü kezhapfü, menenuoi di mia ketsi,
puo piera geinu seyieko pie puo die#3:4 Ibri Ze. chü,
tsiu puo themou geinu themiako chüpie kedie chüwa,
5ae n petsouya,
krodiko Jihovae siya,
mu n neiu hiepie n zie whewatuo;
sidi a seyieko bu n kemethuo mehotuo,
siro n ngapie kedi rünako bu mehotuo.
6A kerütsekecü kelhoupie n gei shütuo,
mu n pie mhathomharo kemo chüwatuo,
tsiu n pie zasizapra chüshütuo.
7Sitse n ngukecü pete n kinu tatatuo sidi sie,
“Ninevi sü pekawate; supuonie puo krükra ta?”
Kirapuo nu a n la thukepeluomia pfhü ta?
8Noe Nail khie keba Thebes,#3:8 Ibri No-amon.
puo khie dzü bu houpfü keba,
dzükezha se puo dahou chü,
dzü bu puo sozha chükecüu ki vikuo me?
9Ethiopia#3:9 Moro Nubia; Ibri Kush. pie puo kekuou chü,
Ijipt rei, mu süu puo thela ba mo;
Put tsiu Libiamia sü puo#3:9 Gk: Ibri N. kekhruohiko.
10Sishierei puo miadie chüte,
puo miadie chü vote;
puo nuonuo kecüko rei chatietshü pete nunu vütshie phawate;
puo themia kezhako la dape,
puo themia kemeyieko pete thegiro se pha ze phrete.
11No rei mezetatuo,
no vo rüshütatuo;
no ngumvümia kinu rüzhükelie pfhütuo.
12N badi pete rei chiedebo tuoi,
puosi melie kerieu mhie,
kenieshü ro ukoe tecüyakezhamia me nu letuo.
13N chüpahiko mehoshücie:
Sükoe n donu keba thenumia zo.
N kijü nu kharuko khrü kemeyapie n ngumvümia tsütuo;
mi bu n kharuko thewate.
14Terhü la dzüüliecie,
n badiko chü kemeteilie;
rünyo kenyoshüliecie,
nyoba kenyoshülie,
nyorie kerie miphuu chü kemeteilie!
15Sünunu mi-e n thewatuo,
zhiechae n dathewatuo.
Süue ku tuoi n cü pejüwatuo.
Ku tuoi n thuo n chü pekraliecie,
kuprie tuoi n chü pekralie!
16Noe n lhithomiako chü pekrapie teigei themvüko ki krakuote;
kue silie di pruotaya.
17N rükhoukoe kuprie mhie zo,
n themia mhakesikoe teikesei ki cakha gei baya,
siro niakithu par tse pruotaya;
ukoe kirapuo vote shi miapuorei süu siya mo.
18N kuopfheko ze zhüte,
He-i Asiria kediu;
n pehümiako rüngute.
N themiako ta cüre vo kijüthouko gei tuote,
uko pfhü kengushüketuo puorei jüte.
19N rüzapfü chü kemeneshüketuo miapuorei jü,
n rüzau soute.
N dze kesi pete dzieda n kietuo.
Kekreilamonyü supuonie n zho kesuo puo thela kejüu nunu talie mu?
Currently Selected:
Nahum 3: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More