Job 42
42
Job-e Kejophra di Rüdikelie
1Sitse Job-e Jihova die kela di sie,
2“No mhakehoupuorei chülie kevi a si ba,
tsiu n kinu mharhü puorei khase balie kenjü.
3Kesikele jü di kepetha die kevie se ketuou supuo ga?
Süla ae puocapuola sikemo-u pu phrashüwate,
mha süko a ngothor zo, süla a si mo zo.
4‘Rünyüshücie, sitse a die pushütuo;
a n ki mha ketsotuo, mu no thapie a kieshücie’
5A a nyie nu n dze sishü,
derei tsie a mhipie ngu bate;
6süla a thuo a mecü bate,
sidi nyophe tsiu mige nunu a nou kedizhie.”
7Jihova die hako pie Job ki pukewa sie, Jihovae Elifaz Teman-u ki sie, “A n gei tsiu n zenie gei a nou meyie bate; kekreilamonyü a kituou Job se keba mhie nieko mha puotou pushü kemo la. 8Süla nieko tsie thudo thenie tsiu tekuochü thenie selie di a kituou Job ki vocie, sidi nie la mha thepie ruosuo puo chüshülie; sitse a kituou Job-e nieko la kecha chüshütuo; kekreilamonyü a puo kecha lielietuo, nie kemelo ki ze a bu nieko gei chüwa molieketuo la; nieko a kituou Job se keba tuoi di mha puotouu pushülie kemo la.” 9Süla Elifaz Teman-e, Bildad Shuhit-u mu Zofar Namat-u ki vo di, Jihova uko bu chünukeshü tuoi chülie; tsiu Jihovae Job kecha rünyülie.
Job Puo Vie Pejükewa Kezie Ngu Lakelie
10Puoe puo zeko la kecha chüshükecü ki, Jihovae Job pha phreishü mu jashü puo tsü, siro Jihovae thiedzü ketuo de kenie pie puo tsü. 11Sitse puo siezedzürie pete, siro puo üpfünuo pete, tsiu thiedzü puo kesimia pete puo ki vor, sidi puo kinu mhacümhakrie, tsiu uko ngukemezhie tha puo kie, mu Jihova se puo gei kevor mha kere peteko la puo nou thupeluoshü; tsiu uko mia puopuokecü shükeiraka#42:11 Ibri A qesitah. tsiu suna pienyie pie puo tsü phre. 12Sidi Jihovae kerieki ki rei kenuotsa japie Job tsü krashü, sidi puo bu tekuo nyie keredia, ut nyie sorou, mhathothu nyie puo, tsiu gadakrü nyie puo nyilie. 13Süsie rei puo nuonuo thepfumia thenie tsiu thenumia se nyilie. 14Tsiu puoe nuoriepfü za thopie Jemima chü, keniepfü za thopie Kezia chü, tsiu sepfü za thopie Keren-hapuk chü. 15Siro kijü pete nu Job nuonuoko de kezivi ngulie mo, tsiu uko puoe uko prünuoko donu uko shiephruoshü. 16Hau sie Job-e cie krie puo di hiedia lhoulie, sidi puo nuonuo tsiu puo tsunuo phou dia rei ngu. 17Süsie Job-e tsatota, tsiu teisozha kekra nguwa di sia.
Currently Selected:
Job 42: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More