Hosea 2
2
1Nieko prüu#2:1 Gk: Ibri Siezedzürie. Ami,#2:1 Puoca A themia. mu nie üpfü#2:1 Gk Vg: Ibri Üpfünuoko. Ruhama#2:1 Puoca Ngumezhie. ki pushülie.
Israel Miatho Kemo Siazha mu Rhakelie
2N zuo ze di pushülie, pushülie,
kekreilamonyü puo a kimia mo,
tsiu a puo nupfu mo,
sidi puo bu puo mhinguki nu thetheliekecü,
tsiu puo nunie donunu pieü kechü khawalie;
3kemosie a puo pfhe puo nei lhewa di puo bie kemethuoshütuo,
sidi puo pie puo penuokelie nhie tuoiwatuo,
mu puo pie rayha kemhieshütuo,
sidi puo pie kijü sotoikecü nu shüwatuo,
tsiu puo bu terhü di siatatuo.
4A puo nuonuoko rei ngumezhieshülie lho,
kekreilamonyü ukoe thethenumia nuonuocü la.
5Kekreilamonyü uko zuoe thethe lie;
uko penuokeshüpfüe thenga thoko chü.
Kekreilamonyü hapfüe sie, “A a neimia sie whuo votuo;
uko a kecüca mu a kekrie,
a nhachümiepfhe tsiu a flax,
a tier mu a kekrie a tsüya.”
6Süla a zohu pie puo cha khawatuo;
tsiu a puo petsou di sozha pfhewatuo,
sitse puo puo chako ngulie motatuo.
7Süpfüe puo neimia sie whuotuo,
derei uko tsolie lho;
tsiu puoe süko pfhütuo,
derei uko ngulie lho.
Sitse süpfü sie, “A tuo la se
a nupfu kerieu ki votuo,
kekreilamonyü süue tsieki rei vikuo zo.”
8Puoe, a thuo lhacülhale,
khubezu, mu tier pie puo tsü,
tsiu rakachü siro suna pie puo tsü seshü mu ukoe Baal la sekewa silie mo.
9Süla a lhacülhale teiki,
mu a khubezu teiki süko chüsetatuo;
tsiu a a chümiepfhe,
siro a flax se puo kemethuo kewhe khakeshüko lie lalietuo.
10Tsie we a puo neimiako mhinguki nu puo kemenga hielashütuo,
mu miapuorei a dzie nunu puo kelalie lho.
11Siro ae puo puoneipuonyü chüyakezha pete,
puo thenyiko, puo khrüsako, puo sabatko,
tsiu thenyi zha pethopie bayakezha pete bu ba sa motatuo.
12A puo khubebo tsiu puo chiedebo bu ruotatuo,
sidi puoe süu üse,
“Hako a zhakhra,
a neimia haha khapie a tsüwe.”
A süko chüpie ketsa chüwatuo,
tsiu nhachükoe süko cütuo.
13A Baalko thenyi zhako la puo pechütuo,
süusü puoe kethengu thepie süko tsü,
tsiu puoe dziekha mu cümenyie se puo ketsolie di puo kekhriemia siemedzi tuote,
sidi a rükra mote, Jihovae siya.
14Süla, a tsie puo ketsilietuo,
sidi puo ze rayha nu vortuo,
sidi puo ki die pu menuoshütuo.
15Sidi a sünunu khubelieko pie puo tsütuo,
sidi Akhor Razhau chüpie kemerü kenyi kicie puo chüshütuo.
Siro thiedzü puo rüü teiki mhie,
tsu puoe Ijipt kijü nunu kepar teiki tuoi,
sünunu mha putuo.
16Jihovae puya, sünhie no a kie di “A nupfu” ituo, tsiu Baali #2:16 Süu, “A kepethau”. üdi a kie sa motatuo. 17Kekreilamonyü ae Baal za chüwatuo, sidi süko za pu sa motatuo. 18Teisozha sünhiesü ae lie nu nhachüko, teirako, mu kijü gei gouyakezhako ze di n la dietseidiekho puo chütuo; mu a kijüu geinu theü, zhiecha, terhü khawatatuo,#2:18 Ibri Bietsha. sidi nie bu khrukhrekecü nu zhütatuo. 19Siro a n liepie kechachie la a kimia chülietuo, mu kemiatho tsiu kemezhü nunu, rüdirüli kemo kekhrie, mu ngukemezhie nunu a n liepie a kimia chülietuo. 20Ae kedietho nunu n liepie a kimia chülietuo; mu no Jihova silietuo.
21Siro sünhie a n pfhekhoshütuo, Jihovae siya,
a teiko pfhekhoshütuo
tsiu uko kijü pfhekhoshütuo;
22Siro kijüu lhacülhale, khubezu,
mu tier pfhekhoshütuo, sidi ukoe Jezril#2:22 Puoca Ukepenuopfüe prushü. pfhekhoshütuo,
23tsiu a thuo a la puo pie kijü gei prushütuo.
Siro a Lo-ruhama#2:23 Puoca Ngumezhie mo. ngumezhieshütuo, mu a Lo-ami#2:23 Puoca A themia mo. ki, “No sü a themia zo,” isituo;
sitse puo sie, “No a Kepenuopfü zo,” isituo.
Currently Selected:
Hosea 2: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More