Ibriko DIETHERIE
DIETHERIE
Ibriko ki keshü leshüu pie Khristamia kro puo, u kepetsou kra miemie siertazhücü la kepeleu khawalie kevi kemichie nu baketa kro puo ki shü. Kethuue uko kepele nu uko chü kethepfu di Jisu Khristae Ukepenuopfü kinu kevor ketho-u mu pesipengukeshü thelau zo ükecü pu. Puo hau nu mha kethoca se pu pekuoshü: (1) Jisu Khristae kechachie ketuo Ukepenuopfü Nuou, puo kemezhiekecü hiekelie geinu puo Puou die ze ketho chülie. Puoe Ukepenuopfü Nuoucü la, Ketholeshü Keweu nu siedzekesiko, teigeidielieko mu Mosa ki zhakuo. (2) Ukepenuopfü thuo Jisu üse kechachie zievo-u zo ükecü pushü zo, mu Ketholeshü Keweu nu zievoko pete ki zhakuo. (3) Kepelemia puoe Khrista geinu kephouma, kemichie tsiu kesia nunu puo kelaliete; mu Jisu u zievokezhatho-u, kelakelie ketho-u khashü, derei Ibrimia nanyüu nu perinuo pie ruothoruori chüyakezhaue pie süu khrü puo chü vor.
Thiedzü Israelmia donu kepele nu kelhou themia kemeyie huo pie thakie chü di kethuue puo die kephrüko bu kepeleu nu dietho zo thalie, tsiu Jisu meho toulie di kepechü mu kemezhiekecü kehoupuo kevor nu rei pele sei zo tha thelau tsolienushü. Süsie leshüu nu tarhokeshü mu menuolienukecü die pie puo thela chüwa.
Ngulieketuo
Sededie: Khristae Ukepenuopfü pie pesipengu tseikeshü 1:1-3
Khristae teigeidieliemia ki zhakuo 1:4—2:18
Khristae Mosa mu Joshua ki zhakuo 3:1—4:13
Khristae zievo kezhatho-u 4:14—7:28
Khrista dietseidiekho kevikezha 8:1—9:22
Khrista kelhou ruosuo kevikezha 9:23—10:39
Kepele-e kerietho-u 11:1—12:29
Tarhokeshü mu diethela 13:1-25
Currently Selected:
Ibriko DIETHERIE: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More