Pitor Kerieu 5
5
Ukepenuopfü Kuonuoko Kepfhe
1A rei phichümia puo chü mu Khrista kemezhiekecüko zhapumia puo chü, tsiu puo thiesie zayie chü vorketuou nu a ya kenyimia puo chü di a nie donu phichüko tarhoshüzhie; 2Ukepenuopfü kuo kro-u thekeketuo pie nie peleshüte, meholiecie, chü morokesuo puo la üdi hieü nie nei siei di chücie, Ukepenuopfü medo mhie di süu chücie, nie kepra leta hieü chü nyü siei di chüliecie. 3Nie pelekeshüko mho niepu chüta hie, derei thakie keviko chüpie kuo kro-u kielie. 4Siro Kuopfhe Kezhau mia mhingu chü kevor nhie nieko mhakipuorei ratalie kelho zayie tsüre ngulietuo. 5Sütuoi khriekesako, nie rei phichüko khrükhro balie. Mu nie kehoupuorei rünuopie ketsükecü ha üse nie pedzielie, kekreilamonyü
“Ukepenuopfü kokezhamia mese chüya,
derei ngukemezhie pie thenou kemenemia tsüya.”
6Süla nie chü kerünuopie Ukepenuopfü bou kekuou khrükhroshüliecie, silie ro puoe puotei tou ki nie chü kerükrieshütuo. 7Nie nounyü pete lhoupie puo gei shüwalie, puoe nie rüli rükrayakezha la. 8Pfheüla mu rhorhüipfü#5:8 Moro pfhe menuo balie. balie. Nie ngumvüdo-u Satan nie kehoupuorei tecülie keviu telietuo üdi ruorüi tuoyakezha losha tuoi nie pfhü whi tuoya zo. 9Nie puo perhielie, kepele nu metei tha zolie, kijü pete nu nie zemiako rei nie kemezhieyakezha pete ze kese ba zokecü nie rei si bacü la. 10Derei puotei huoyo nie kemezhiekewa sie, puo geinu ngukemezhie pete paryakezha, Khrista nunu nie kiepie kechachie zayie kechü nu shülieketau, Ukepenuopfü thuo nie perheilie, nie chü pevi tsei mu nie chü kemetei tsiu nie chü pekuoshütuo, 11Puo bu telhekechachie kekuou chücie. Amen.
Kelukeshü Thelau
12A u zemia kedietho puo üdi leyakezha Silvana bu nieko chü kethepfushütuoü mu hau Ukepenuopfü ngukemezhie ketho-u zo ükecü zhapu chüshüketuo la thushüte. Süu nu metei tha zolie. 13Nieko mhie di kedalieketa Babilon nu kebapfü nieko kelushü, sütuoi a nuou Mark rei sa. 14Kekhrie nu kemebokecü zho se nieko huoniehuo keluliecie. Nouneu bu nieko Khrista nu baketa pete ze tuokelieu chücie. Amen.
Currently Selected:
Pitor Kerieu 5: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More